нмк

Пет предмети за документите кои имаат важност, а немаат „северна“ во Уставен, Кацарска не знае кога ќе бидат на седница

Претседателката на Уставен суд, Добрила Кацарска, кажа дека Уставен суд има оформено пет предмети поради личните документи. Граѓани се жалеле дека имаат документи што имаат важност, но не можат да ги користат поради измените на законите. Сите предмети се дадени во јавноста, но не се знае кога овие предмети ќе се најдат на седница за разгледување.„Мојот личен став како правник не би смеела да го кажам. И за дискриминација судот одлучува, но во самиот Устав е наведено за кој вид дискриминација би можеле да работиме. Во судот се оформени пет предмети, доставени се до судии известители и советник на судот. Во поглед кога тие предмети ќе бидат на седница, не можам да одоговорам, тоа зависи од тимот. Не се мешам во работата на судиите. Се работи за пасошите, возачки, личните карти“, посочи Кацарска.Според неа, Уставен суд не може да им помогне на граѓаните кои сметаат дека им е ускратена слободата на движење.„Конкретно што е оспорено не можам да ви кажам, но е времетраењето на документи кои имаат се уште важност, ограничената слобода на движење на овој начин. Но граѓаните мора да знаат дека слободата на движење не е надлежност на Уставниот суд. Тука би нагласила дека политичарите ќе разберат зошто јас две и пол години бев силен поддржувач за уставна тужба. Ако го имавме овој институт, граѓаните ќе се обратеа за секое нивно барање, за секоја слобода и право. Се надевам дека сега ќе разберат без да ме критикуваат зошто јас барам измена на Уставот“, кажа Кацарска.

Македонија | пред 1 година

Граѓаните се обидуваат без „северна“ да ја напуштат Македонија - 14 лица се вратени од полицајците на граница

Граѓаните сепак се обиделе да поминат граница со пасошите без „северна“, но граничарите не ги пропуштиле. Во изминатите 24 часа, имало 14 вакви случаи. Од МВР за „Скопје1“ посочуваат дека им било и укажано дека мора да ги променат пасошите со новото уставно име, за да им биде дозволен излез од Македонија.„Во последните 24 часа на 14 лица на граничните премини при излез им е укажано дека не може да патуваат со патни исправи во кои стои старото уставно име“, велат од МВР за „Скопје1“.Засега не е познато дали овие граѓани имаат побарано писмено известување зошто се спречени да минат граница. Од МВР известија дека оваа можност постои, а истиот документ може да послужи и за тужба против државата, а со оглед дека пасошите немаат истечен рок на траење, туку само старо уставно име.Претходно, техничкиот министер Панче Тошковски ги замоли граѓаните со стари патни исправи воопшто да не се обидуваат да излезат од државата. Истовремено посочи дека има едноставно решение за овој проблем.„Ако има политичка волја за еден ден ќе ги решат маките на луѓето. Имаме Предлог на закон за изменување на Законот за патни исправи на државјаните, еве го спремен е готов е и еве го другиот. Овој дури сум го потпишал. Предлог на закон за изменување на закон безбедност на сообраќајот на патиштата. За еден ден решение има, само треба да сакаат да имаат политичка волја. И немојте да ја залажуваат јавноста дека ќе сме прекршеле договор. По нивната логика, докторска а не правничка, договорот е веќе прекршен. Но ние не го прекршуваме договорот во предлог измените. Овде велиме „во рамки на технички функционални и возможни, објективни услови кои што ги имаме да го усогласиме истиот согласно возможното и реалното“, вели министерот Панче Тошковски.Како што информираше тој, во моментов државата има само 5000 македонски и 10.000 албански обрасци за печатење пасоши, а причина за тоа, според Тошковски е несериозниот и непрофесионален пристап на претходното раководство.

Македонија | пред 1 година

(Фото) Од „НМК“ налепниците за таблиците, се направи и бизнис

Налепниците „НМК“ од вчера не се достапни само во техничките прегледи, туку можат да се најдат и на итнернет во форма на стикери или по локални маркети. Продавачите на социјалните мрежи не ја објавуваат цената јавно, но посочуваат дека стикерите можат да послужат за да бидат поставени на регистарските таблици, а возачите да ја избегнат гужвата и процедурата во станиците за технички преглед.Налепниците кои се продаваат на интернет, се идентични како оние кои се даваат во техничките станици. Засега нема став од МВР дали овие лепенки е задолжително да се земат од станиците за технички прегледи или граѓаните можат да си ги купат и на други места.Досега беше овозможено истите да се добијат бесплатно доколку се земаат од станиците за технички прегледи, со пополнето барање.

Македонија | пред 1 година