obse

(Видео) Лавров му кажа на Западот сѐ што не можеше во минатите две години

Министерот за надворешни работи на Русија, Сергеј Лавров, на прес-конференцијата во Скопје каде беа новинари од десетици редакции, меѓу кои голем број од светски медиуми, се чини дека го кажа сето она што немал прилика претходно, а да биде слушнат од цел свет. Главен фокус беа прашањата за Украина, но и Израел. Беше јасен дека Русија нема да претрпи штета на терен.„Украина не сакаше да го потпише мировниот договор, бидејќи во Буча немаше руски масакр. Русија два дена беше повлечена од Буча, кога луѓето беа убиени“, кажа Лавров.Па потсети дека немало такви осуди за во Газа, кога илјадници луѓе биле убиени.„Не можеме да го прифатиме начинот на кој Израел се бори со терористите. Ние побаравме хуманитарен прекин на огнот, но тоа не го воспоставивме бидејќи САД се спротивстави на тоа“, кажа Лавров.Тој смета дека Украина го гази сопствениот Устав.„Има националистички и фашистички изјави од Украина, но и од дел од Западот“, посочи Лавров.Според него, Украина се обидела да уништи сѐ што е руско, иако според Уставот мора да го почитуваат малцинството. Лавров обвини дека во Украина се убивале и руски верски лица.„Ако Украина е поразена, тоа е пораз за целиот западен свет смета самиот Запад“, коментираше Лавров па кажа дека за помирување треба двајца: „Луѓето од другата страна сакаат да играат танго сами, а за танго се потребни двајца“.Во текот на пресот, имаше низа критики за новинарите. Ги нарекуваше неуки, ги прашуваше каде учеле новинарство, ги караше додека беше во живо низ цел свет.Целата прес-конференција:[embed][/embed]

Македонија | пред 2 години

Односите Македонија-Бугарија се поради Западот, ги подбуцнува народите едни со други, искритикува Лавров

Министерот за надворешни работи, Сергеј Лавров, со критики за западот, но и до новинарите. Кажа дека е разочаран оти новинарите го прашувале „кога ќе ја запрете војната“, бидејќи според него тоа не е војна и воедно укажа „новинарот треба да продре во информацијата“. За западните делегации посочи дека намерно организирале вечера пред тој да стигне во Македонија. Укажа дека Балканот има проблеми поради однесувањето на Западот. Беше прашан за мислење околу македонско-бугарските односи.„Не сум стручњак за односите Македонија-Бугарија. Но знам едно, македонските граѓани имаат целосно право да делуваат рамноправно во сите активности на заедничкиот континент. Ако даваме генерална оценка, не само за односите Македонија-Бугарија, туку и другите балкански проблеми, коренот на проблемот лежи во однесувањето на Западот“, кажа Лавров.За Македонија, кажа дека со години имала понижувачко име, а знае и како ја добила придавката „северна“.„Со години бевте нарекувани ПЈРМ и ова беше понижувачко име. А знаеме и што се случи со името Северна Македонија. Знаеме што е вистината – немате територијална претензија кон Грција или други држави. Јас се сеќавам дека претседателот на македонското Собрание правеше фотографии со албанско знаме во седиштето на Парламентот. Јас оправдувам етничките групи на Балканот да живеат мирно едни со други. Западот ги подбуцнува народите едни со други“, рече Лавров.Укажа дека се чувствува пријатно кога во прашање е македонскиот народ.„Имаме пријателски чувства кон македонскиот народ. Овде сум два дена, го гледам вашиот народ по улиците, во хотелот. Можам да ја почувствувам нивната топлина, но и нашата кон вас“, додаде Лавров.

Македонија | пред 2 години

(Видео) Уште невлезен, Ковачевски го нападна Лавров: Ова не е победа на Русија, средба со нив нема да имам

Премиерот Димитар Ковачевски уште невлезен во салата „Борис Трајковски“, кажа дека првата порака која ќе ја упати од Самитот на ОБСЕ ќе биде за Русија. Тој додаде дека нема да има билатерална средба со руската делегација, а состанокот очекува да е успешен.„Најпрво, вчера имав средба со државниот секретар на САД кој беше тука, како и со министерот за надворешни работи на Велика Британија. Треба да бидеме свесни дека секоја земја различно испраќа порака до Русија. Некои тоа го прават со нивно неприсуство, некои со присуство и со јасно искажани ставови за неоправдоноста. Истото ќе го направам и јас на првото излагање. Едно е клучно, се надевам состанокот ќе биде успешен“, кажа Ковачевски.Пред неговото доаѓање, пристигна рускиот министер за надворешни работи, Сергеј Лавров.„Ова не е дипломатска победа на Русија, туку на ОБСЕ. Бидејќи беше доведено во прашање функционирањето на ОБСЕ. Нема имам средба со Лавров“, додаде Ковачевски на влезот.

Македонија | пред 2 години

(Видео) Рекакциите на делегациите кога Лавров влезе во салата каде се одржува Самитот на ОБСЕ

Министерот за надворешни работи, Сергеј Лавров, не се поздрави, ниту прозборе со било кој дипломат во салата „Борис Трајковски“ при влезот во салата каде се одвива Самитот на ОБСЕ. Тој влезе и со протоколот се упати директно на местото предвидено за преставник на Руската федерација.Тој седи до министрите од Сан Марино и Романија. Токму во моментот на седнување, сите погледи се свртеа кон него, а дипломатот од Сан Марино се ракуваше со него. Пред да влезе, Лавров не одговори на ниту едно прашање од новинарите.Лавров го има статусот на „ѕвезда“ бидејќи повеќе делегации, меѓу кои украинската, откажаа присуство на Самитот поради неговото присуство. Во последен момент кажа дека ќе лета за Македонија. Имаше и проблем со прелетот, бидеќи во авионот со него имаше делегат за кого земјите од ЕУ имаат донесено забрана.Во салата се чека делегацијата на Франција.

Македонија | пред 2 години