ОНКОЛОГИЈА 2

Прекинато рочиштето за „Онкологија 2“ откако адвокатката Бегова го напушти рочиштето, а судот ја казнисо 500 евра

Денешното рочиште за случајот „Онкологија 2“ беше прекинато поради конфликт помеѓу одбраната и Обвинителството, кој заврши со парична казна за адвокатката Анита Бегова. Бегова, која го застапува обвинетиот Нехат Нухи, демонстративно ја напушти судницата, незадоволна од начинот на кој се презентираат доказите.Конфликтот избувна кога Обвинителството почна да ги изведува документите во „пакети“ од околу 180 страници, наместо поединечно. Одбраната тврди дека таквиот начин на презентирање не ги почитува минималните стандарди за фер судење.„Јас нема да учествувам во процес каде доказите не се презентираат соодветно пред јавноста и поротата“, изјави Бегова пред да ја напушти судницата.Судот веднаш реагираше и ѝ изрече парична казна од 500 евра за нарушување на редот и навреда на судот. Рочиштето беше одложено за 7 април, а судијката нареди на обвинетиот да му се назначи нов адвокат по службена должност.Случајот „Онкологија 2“ продолжува да биде еден од најсложените и најследените судски процеси во земјата, со голем број документи и обвинети лица, а јавноста внимателно го следи развојот на настаните.

Македонија | пред 2 часа

Случајот „Онкологија 2“ продолжува, финансиски сведок од ФЗО пред Судот

Во Основниот кривичен суд – Скопје денеска продолжува судењето за случајот „Онкологија 2“, во кој за незаконски набавки на лекови, фиктивни тендери и присвојување терапија се обвинети поранешниот медицински директор на Клиниката за онкологија Нино Васев и економскиот директор Нехад Нухи.Судската расправа продолжува со вкрстено испитување на сведок предложен од обвинителството, поранешен финансиски раководител во Фондот за здравствено осигурување, откако претходното рочиште беше прекинато поради приватни обврски на член на Судечкиот совет.На минатото рочиште, сведокот сведочеше за зголемување на потребата од средства поради раст на бројот на пациенти и за пораст на долговите на Клиниката кон крајот на 2021 година, нагласувајќи дека јавните набавки се спроведуваат согласно законските процедури.Васев и Нухи се обвинети дека во периодот од 2018 до 2022 година со незаконски дејствија го оштетиле државниот буџет за речиси 36 милиони евра, а двајцата ја негираат вината и тврдат дека случајот е политички мотивиран.

Македонија | пред 2 месеци