Овен Вилсон конечно откри зошто ја кажува познатата изрека во дури 27 филмови
Холивудскиот актер Овен Вилсон со своите улоги освои многу гледачи, а доколку сте верен обожавател, можевте да забележите како овој актер со години кажува "wow" во своите филмови. Сега објасни зошто го кажува тоа.Вилсон е најпознат по улогите во комедии, а често можеше да се слушне како извикува "wow" во неговите филмови, што веќе му стана своевидна изрека. Изразот на лицето на Овен и малку исцрпеното "wow" што го изговара, за многумина станаа препознатливо, што од улога во улога го прави овој „тик“ на актерот уште посимпатичен.54-годишникот објасни зошто го кажал овој збор безброј пати од неговиот дебитантски филм Bottle Rocket од 1996 година, објаснувајќи дека тоа е еден вид „знак“ за неговите обожаватели.„Тој збор е за моите вистински обожаватели и им изгледа како еден вид „намигнување“. Ако сте доволно среќни да бидете еден од луѓето во оваа група, тогаш тоа е мал сигнал за вас“, објасни актерот.Од своето деби, Вилсон продолжи да го употребува зборот во уште 27 од 52-те филмови во кои се појави, изговарајќи го уште 81 пати. Неговите обожаватели дури собраа интересни факти за "wow" на Вилсон, меѓу кои се наведува дека оваа изрека најмногу ја користи во филмот „Полноќ во Париз“ од 2011 година, каде што ја повторил дури 7 пати.
Магазин | пред 3 години