ОХРИДСКИ КОМУНАЛЕЦ

По синоќешното невреме во Охрид дежурните екипи максимално ангажирани

По синоќешното невреме кое го зафати охридскиот регион, проследено со силен ветер и обилни врнежи, денес дежурните екипи на Ј.П. „Охридски Комуналец" максимално ангажирани за расчистување и санирање на состојбата на повеќе локации.Се чистат јавните површини и пешачки зони од паднатите лисја, се чисти пристаништето и кејот од наносите на брановите, се отстрануваат паднати гранки и дрвја; И во текот на вчерашниот ден се интервенираше по паднати дрвја на неколку локации.

ОО | пред 1 година

Оперативните служби во Охрид започнаа со подготовките за брза интервенција во зимски услови

На повеќе пунктови во У.З. „Стар Град” депонирани се вреќи со сол и ризла; Овој дел од градот е од највисока категорија по приоритет за интервенција заради специфичноста на теренот, тесни и стрмни улици и сокачиња; На овој начин, во услови на снег и голомразица, ќе се овозможи непречено движење на граѓаните и возилата во стариот дел од градот.Со подготвителни активности за интервенција во зимски услови ќе продолжиме и во другите делови од градот, според претходно дефинирана приоритетна група.Овие активности ги спроведуваме согласно законските обврски кои ги има Ј.П. „Охридски Комуналец” околу одржувањето на јавните површини во зимски услови и „Програмата за зимско одржување на територијата на општина Охрид”.

ОО | пред 1 година

Организирана акција за подигнување зелен отпад од УЗ.14 Радојца Новичиќ

Ј.П. „Охридски Комуналец" организира акција за подигнување отпад од уредување дворни површини, градини и земјоделски површини од УЗ.14 Радојца Новичиќ.Подигнати се енормни количини - 80 м3 зелен отпад, а со акцијата продолжуваме и во наредната седмица

ОО | пред 1 година

„Охридски Комуналец”: Сите физички и правни лица кои ги користат услугите на јавното претпријатие да го исплатат долгот

Известување до сите физички и правни лица-корисници на нашите услуги:Ј.П. „Охридски Комуналец” ги известува сите физички и правни лица на територијата на Општина Охрид кои ги користат услугите на јавното претпријатие дека во периодот кој следи, заклучно до 31.12.2024 година ќе пристапи кон тужење за сите фактурирани, а неплатени сметки.Со таа цел ги повикуваме сите физички и правни лица кои ги користат услугите на јавното претпријатие да пристапат кон доброволна исплата на долгот кои го имаат спрема Ј.П. „Охридски Комуналец”, за истите да не бидат изложени на дополнителни трошоци кои ќе настанат по повод поднесените тужби.Корисниците долгот можат да го подмират и преку системот за електронска наплата со што им овозможуваме на корисниците онлајн плаќање на сметките со кредитна или дебитна картичка без провизија. Со оваа услуга корисниците имаат увид во неплатените месечни сметки и брзо, лесно и сигурно можат истите да ги платат.Линк до веб-страната за електронска наплата

ОО | пред 1 година

Мапирани три мини-депонии со зелен отпад

Во есенскиов период Оперативните служби секојдневно се соочени со проблеми во тековното работење, каде несовесни поединци го депонираат зелениот отпад од своите градини и земјоделски површини каде ќе стигнат.Мапирани се три локации со несоодветно депониран зелен отпад и автомобилски гуми на улици: „Кленоец“, „Марко Нестороски“ и „Ристо Чадо“, каде при расчистувањето е ангажирана специјална механизација; Подигнати се 28м3 зелен отпад

ОО | пред 1 година

Голем број активности пред јубилејот 80 години слободен Охрид

Оперативните служби на Ј.П. „Охридски Комуналец" со голем број активности поврзани со одржување на јавната чистота и зеленило на локациите каде ќе се реализираат свеченостите и настаните по повод одбележување на јубилејот 80 години слободен Охрид.Посебен акцент се стави на локацијата околу спомен-обележјето на Јасна Ристеска во с. Рамне, Спомен-паркот на револуцијата, околу спомен-обележјата од НОБ во Градски парк, Основен суд и дворот на СОСУ.,, Св. Кирил и Методиј"

ОО | пред 1 година