ПРЕТРЕС

Апасиев: Ги повикуваме сите чесни членови на СДСМ затоа што Левица го носи пламенот на АСНОМ

Пратеникот и претседател на Левица, Димитар Апасиев, во своето гостување во емисијата ,,Претрес со Ландов", го повика гласачкото тело на веќе распаднатата СДСМ да се приклучи кон Левица.- Ние имавме една герила - акција на Црвена младина со која се обративме до гласачкото тело на СДСМ. Бујрум за сите чесни членови на СДСМ, затоа што Левица го носи пламенот на АСНОМ, сакале тоа да го признаат или не - истакна Апасиев.Црвена младина ја испрати пораката со истакнување на транспарент со натпис: ,,Другари, вратите во Левица ви се отворени!"- Треба да правиме разлика под таа комуњарска номенклатура, којашто била како бубрег во лој уште од времето на Југославија. Тоа ви се династиите: овие кои ги имаме ние на УКИМ каде сè нивните се најдобри, нивните за сè ги бива, ама не се сите дека ги бива. И таа номенклатура е преточена подоцна во СКМ-ПДП и подоцна во СДС. Додека оние луѓе кои се левичарски настроени, кои се анти - ВМРО, кои се анти - десничари и таа некоја класа, средна до некаде висока - средна класа, едноставно, остана незастапена, затоа што местото нивно во СДС го земаа бизнисмените - дообјасни Апасиев.

Македонија | пред 1 година

(ВО ЖИВО) 🔴 „Претрес“ на Димитар Апасиев

Нема да ве стреламе, ниту бесиме – а ќе го претресеме Димитар Апасиев, лидер на Левица и пратеник.➡️Очекуваа од осум до 12 пратеници, добија гласови за шест. Ветуваа „нема Влада без Левица“, но не стигнаа до „Илинденска“. Има ли уште шанси да си се допаднат со ВМРО-ДПМНЕ?⚡️За „северна“ и НАТО, националистичките заплашувања, теоријата и праксата, за тоа што е убаво да се чуе и невозможно да се реализира...🔴Следете „Претрес, 21 часот, во живо:

Македонија | пред 1 година

(Видео) Таравари: Не би студирал медицина во Струга, јас сум против факултетите каде се запишуваш и по 3-4 години да си купиш диплома

Министерот за здравство, Арбен Таравари, ќе бара ревизија на сите медицински факултети во Македонија.Тој во поткастот „Претрес со Ландов“ прашан дали би студирал медицина на факултетот во Струга во јавноста познат како „факултетот на Мерко“, одговори: „Јас не би студирал. Ќе треба ревизија. Јас сум против сите универзитети каде постојат сомнежи, искрени сомнежи, дека се запишуваш и по 3-4 години можеш да одиш да купиш диплома“.Таравари додава: „Сметам дека треба да се направи ревизија на сите универзитети. Се надевам посебно за медицинските факултети. Јас ќе имам состанок со деканите на медицинските факултети, а посебно и со министерката за образование која е професорка која е ценета и квалитетна“.Вчера, на првата владина седница, беше донесена одлука со која се укинува изучување на медицинско образование на факултетот во Струга.?t=2138

Македонија | пред 1 година

(Видео) Повеќе се исплати да се работи како таксист, отколку како доктор во Брза помош: фалат минимум 100 работници

Итно мора да се средува состојбата во „Здрвствен дом-Скопје“, кои се надлежни за Брзата помош. Недостасуваат 150 лица да бидат вработени, за да има доволно медицински екипи. За ова, министерот за здравство, Арбен Таравари отворено зборуваше во поткастот „Претрес со Ландов“. Тој посочи дека ова мора да се надмине, како и дека граѓаните веќе сведочат дека Брзата помош воопшто не е брза. „Мислам дека Здравствен дом, веднаш треба да се интервенира. Знам дека задоцнуваат со давање здравствени услуги. Повеќето кажуваат дека доцнат, но доаѓаат. Ќе мора да поставиме можеби уреди за да се следат автомобилите каде се движат и да се надгледува каде се даваат здравствени услуги, да се контролираат“, рече Таравари и додаде дека платите се прениски:„Ми кажуваат дека плата на општ доктор добива 35.000 или 36.000 денари. Повеќе му се исплати да работи како таксист“.Здравството тоне во проблеми, сите ги ставивме на маса во поткастот со Таравари:

Македонија | пред 1 година

(Видео) Таравари: Не можам да кажам дека непартиски ќе поставувам директори, економските ќе се укинат до септември

Министерот за здравство, Арбен Таравари, во поткастот „Претрес со Ландов“ кажа дека од септември нема да постојат економски директори на клиниките. Тој е дециден дека ова ветување ќе го реализира во овој временски рок. Посочи и дека стручноста и професионалноста ќе бидат главни критериуми за новите директори на Клинички, но не отфрли дека улога ќе има и партиската припадност.„На Клинички ми е многу полесно, знаеме кои се добри кадри. За периферија ми требаат консултации, можеби ќе задоцнам малку. Не мора да се сменат сите директори. Ќе се обидам што помалку да има влијание политиката, но не можам да кажам дека апсолутно непартиски ќе поставувам директори“, рече Таравари.Клинички ќе се спојува, систематизацијата се работи. Дигитализација на здравството ќе има за две години - откри што значи тоа. Матичните доктори ќе имаат друг начин на финансирање и земање капитација. Пак ќе се бара нова локација за Клинички. Што ќе се прави со Онкологија?Погледнете од одговорите на Таравари:https://www.youtube.com/live/fROrWD9f3Yo

Македонија | пред 1 година

(Видео) Застрашувачки изгледаат дел од хируршките сали: мириса на изгорена гума

Застрашувачка слика затекнал министерот за здравство, Арбен Таравари кога ги посетил хируршките сали на Клинички центар. Тој тоа го сподели во поткастот „Претрес“ каде кажа дека изгледало неубаво. Според него, за сите да бидат функционални, ќе требаат помалку од шест месеци. Проблемот со миризбата на изгорена гума, ќе се надмине со инсталирање на нов систем.„Ми кажуваат дека треба шест месеци, ќе се обидам порано од тоа да завршиме, инсталација на комплетно нов систем, со гаранција“, рече Таравари.Нема точна бројка колку пациенти чекаат за операција.„Апсолутно е срамота да чекаат“, додаде Таравари.Извештајот од Германија нема да смени ништо во тоа како треба да се реши проблемот.„Повеќе губиме сега финансиски, со неработење, отколку да се смени системо“, посочи тој.Ги претресовме сите клиники и болници – проблеми куп. Како ќе ги реши? Дали ќе ги реши? На Кардиохирургија тепачка, на Онкологија гужви и несоодветни услови, на Радиологија додека стигнат исчитани резултати луѓето оздравуваат, Брза помош има листа на чекање иако е „брза“... Ќе се разбуди ли комираното здравство или ќе има клиничка смрт?Судривме куп ставови:?t=3140

Македонија | пред 1 година

(Видео) Македонската химна не ја знае на памет, „голема Албанија“ не осудува, од Села разочаран - Таравари бара нов Устав

Министерот за здравство, Арбен Таравари во поткастот „Претрес со Ландов“ зборуваше за кавгата со Зијадин Села, за македонската химна, желбата за итна и целосна промена на македонскиот Устав. Тој бара децентрализација со која, на пример, болниците ќе ги контролира градоначалникот. Уверува дека има македонско знаме во кабинет, а македонската химна не ја знае, иако не се изјасни дали ја прифаќа како негова.„Не ми пречи. Кај што има настани, мора да се почитува. Има работи кои мора да се почитуваат. Некој кажува не го користам Северна Македонија, не можете нешто што е во Уставот да не го почитувате“, вели Таравари.Прашан дали ја знае македонската химна, Таравари одговори: „Ако ме прашувате на памет, не ја знам“, а на потпрашањето дали е срамота да не ја знаете химната на државата која ве расте и ве образува, тој одговори: „Ако ме прашате една песна да ви кажам на памет, не знам ни една“.На прашањето дали ја знае албанската химна, рече: „делумно да. И македонската делумно ја знам. Меѓутоа песните, ниедна не знам“.Во ВЛЕН од каде тој доаѓа е и Орхан Муртезани, кој изјави дека македонската химна никогаш нема да биде испеана од Албанец, а Таравари му порача: „Треба да бидеме внимателни во изјавите кои ги даваме. Сите сме емотивци и знаеме од несмасност другиот да се осеќа лошо“.Таравари не го осуди веењето на знаме со т.н. голема Албанија во Тетово, а даде и свое објаснување во дебатата, зошто молчи на вакви појави:

Македонија | пред 1 година

(Видео) „Груевски мислеше дека нѐ победи“, Катерина Цаневска раскажа за А1 телевизија и како дознала дека е прислушувана

Катерина Цанеска е еден од најпознатите телевизиски новинари, како и едно од заштитните лица, но и глас на згаснатата А1. Во “Претрес со Ландов” раскажа за моментите пред и по затворањето на најгледаниот медиум. Цаневска посочи дека Груевски само мислел дека ги победил, но во пракса тоа не било така.„А1 во еден период беше блиска со власта, а потоа газдата се закара со раководството на тогашната владејачка партија, а не бевме најомилена, туку најомразена телевизија“, рече Цаневска.Таа раскажа како открила дека е прислушувана.„Добивавме деманти на уште неемитувани вести. И по тоа знаевме дека се прислушувани тие разговори. Тогаш ме прислушуваа на четири телефони, дури и на приватниот преку кој зборував само со мајка ми“, додаде Цаневска. Таа ја опишува А1 телевизија како „чуден феномен“.„Условите беа многу полоши од другите телевизии. Од тој момент, многу падна цената на новинарскиот/снимателскиот труд“, посочи таа.

Македонија | пред 1 година

(Во живо) „Претрес“ на Катерина Цаневска: за „Онкологија“ војната во 2001 година, затворањето на А1, тепачките во Собрание и Центар

Ќе дознаете како е да ја преживеете војната во 2001 година, бегалската криза, црниот понеделник, тепачките во Општина Центар.. Новинарката Катерина Цаневска за првпат во јавност и ќе раскаже сѐ што досега не сте слушнале!Помина низ претседателската вила, Општина Центар, Собрание, телевизиите МРТВ И А1.Моментално, ја бие најтешката битка, битката со ракот. За случувањата на Онкологија дознавате од прва рака и ЕКСКЛУЗИВНО.ВО ЖИВО:https://www.youtube.com/live/Z3MTfsaLrJc

Македонија | пред 1 година

(Видео) „На Торакална ме отпишаа, рекле ќе живеам уште шест саати, добра сум и по девет месеци“ новинарката Цаневска раскажа за борбата со канцерот

Новинарката Катерина Цаневска во детали за поткастот „Претрес со Ландов“ за борбата со ракот. По десет години, започнала со лекување. Пред да падне во бессознание, побарала и песна со која да се опростат од неа. Цаневска рече дека тоа биле страшни денови.„Бев два дена во бессознание“, рече Цаневска.Завршила на Торакална, а докторот ја отпишал од живите.„Тоа што го преживеав на Торакална, не сакам никој да го преживее. Рекле дека ќе живеам шест саати и да ме земат дома, за да ме снема дома, да починам дома“, рече Цаневска, па додаде: „На блиските им рекле: ’Толку е од неа, само весело и толку од неа, рекле, а мене ми остана нејасно што е тоа ‘само весело’. Од тие шест саати поминаа девет месеци, добра сум, се радувам на животот“.На Онкологија ѝ кажале дека треба да прима лек наредните три години, а таа ги прашала од каде се оптимисти дека ќе живее толку, на што превртувале очи.Следете го поткастот со неверојатна приказна:

Македонија | пред 1 година

(Видео) Можеби јас требаше порано да заминам од политиката, рече Јанкулоска прашана за грешките кои ги направила

Требаше порано да заминам од политиката, вели ексминистерката за внатрешни работи и осудена за „Тенк“, Гордана Јанкулоска во „Претрес со Ландов“. Таа смета дека два мандати се доволни за една политичка функција. Смета дека човечки е да се греши, а грешките треба да се поправаат.„Секогаш кога човек ќе погледне од временска дистанца, може да најде грешки, може да најде постапки и проекти со кои се гордее. Еве ако треба да речам нешто е грешка, а секако грешки има, можеби јас требаше порано да заминам од политиката. Кога сте предолго на една позиција, таа безмислосно ве троши. Тоа е завршено прашање“, рече Јанкулоска.Таа додава: „Можеби не требаше да бидам девет години министер. Можеби два мандати треба да бидат максимум за било која политичка позиција.Во поткастот, Јанкулоска даде одговори на досега непоставени прашања, но и ставови какви што не се очекуваа од неа:

Македонија | пред 1 година

(Видео) Јанкулоска добивала сугестии како да не заврши во затвор, нема зошто да му се извинува на Заев, а тој треба да размисли да и се извини на неа

Ексминистерката за внатрешни работи и осудена за „Тенк“, Гордана Јанкулоска, во поткастот „Претрес со Ландов“ зборуваше за пораките кои и биле испраќани и советите кои и биле споделувани, за да се спаси од одење во затвор.„Од самиот почеток јасно ставив до знаење до каде е границата кога сум јас во прашање. Иако кон мене немаше директна понуда структурирана на начин ‘направи го ова, за да добиеш тоа’, сепак, имаше од време на време по некоја добронамерна сугестија, како би можеле некои процеси да течат поинаку, споделени размислувања. Тоа беа најчесто луѓе кои доаѓаа во кругови каде јас се движам, ги познавам. Не се тоа луѓе директно од кругот кој ги водеше постапките, ама некако до нив стигале тие пораки, па тие ќе ги споделеле“, рече Јанкулоска во поткастот „Претрес“.Прашана, што ја советувале тие „добронамерници“, додаде: „Тоа најчесто беше, абе види тој не го закачаат, овој не го закачаат, ти можеби ако не збориш многу и тебе ќе те остаат на раат. Тоа беше меѓуредови...“.Јанкулоска кажа дека останала верна на принципите и вредностите.„За да се извинам на некого, треба да имам причина. Јас немам проблем да се извинам, ако навистина постои причина. Човечки е да згрешиш, да ја препознаеш грешката“, рече Јанкулоска на прашањето дали ако му се извинила на Заев или СДСМ немала да заврши зад решетки.Прашана, дали Заев треба да и се извини на неа, посочи: „Па мислам дека треба да размисли на таа тема“.За деталите и одговорите на многу досега непоставени прашања:

Македонија | пред 1 година

(Видео) Јанкулоска не ги поштеди Јаева, Русковска, Кацарска

Ексминистерката за внатрешни работи и осудена за набавката на лускузниот „мерцедес“, Гордана Јанкулоска, во поткастот „Претрес со Ландов“ зборуваше за односот со ексспецијалната јавна обвинителка Катица Јанева во затворот и даде мислење за неа. Потоа, опиша и како судијката Добрила Кацарска се однесувала на рочиштата кои ги водеше за предметот против неа.„Ние за воља на вистината бевме сместени во исто крило, во огромна близина. Се трудев да имам пристојна комуникација како со сите други, но блиска комуникација и длабоки разговори – не“, рече Јанкулоска, а на прашањето како би ја опишала со една реченица додаде: „Како личност можеби е последната која требаше да биде на таа позиција“.Јанкулоска зборуваше и за Кацарска: „Со еден збор, немам добро мислење“.„Професионалец не смее да биде инструмент. Таа беше инструмент за тогашната власт. И од денешна и од тогашна перспектива, поставете си го прашањето, како сите предмети важни за тогашната владејачка гарнитура, АКМИС-от да ги додаде кај ист судија и да имаат ист епилог. Таа не се воздржуваше да ја покаже својата пристрасност. Таа беше казнета за кршење на човековите права“, додаде Јанкулоска.Во поткастот зборуваше и за обвинителката Вилма Русковска, нејзиниот поранешен соработник Иво Котевски кој сега е дел од тимот на Мијалков. Меѓудругото, раскажа и за Ставревски, како и за односот со Мартин Протуѓер.

Македонија | пред 1 година

(Видео) Ќе има ли второ полувреме Јанкулоска-Мијалков: Никогаш не ми се извинил, не сум го прашала дали имал недоверба, одговорот не ја менува реалноста

Ексминистерката за внатрешни работи, Гордана Јанкулоска, во поткастот „Претрес со Ландов“ зборуваше за нејзините односи со ексдиректорот на УБК, Сашо Мијалков. Таа е убедена дека прислушуваењето и бомбите излегле токму од оваа институција. За неа, со застарувањето на предметот - не е ништо изгубено. Откри што може да се направи за да се утврди одговорност и да се донесе правда за сите кои се дел од „бомбите“.„Па не ми се извинил“, рече Јанкулоска, а прашана дали треба, додаде: „Па ќе видиме, времето е пред нас“.Посочи дека Специјалното јавно обвинителство не ја исполнило клучната улога - да открие и да лоцира вина кај тие што прислушувале.„Се друго се направи освен тоа. За мене тоа е болка, незаконското прислушувње, без разлика што нема мој придонес, и јас сум на врвот од лицата кои се највеќе прислушувани, беше во мандат кога јас бев министер. Тоа беше огромен пресврт во мојот живот и мојата кариера. Мојот живот се сврте наопаку“, додаде таа.Прашана дали толку Мијалков имал недоверба во неа, одговори: „Тоа прашање го поставувате на погрешна адреса. „Ако сакате да добиете одговор би требало да го викнете и верувам ќе ви одговори. Не сум го прашала, затоа што навистина, било што, по се што се случи, било каков одговор, реалноста не ја менува“.Сите детали и одговори:

Македонија | пред 1 година

(Видео) Јанкулоска: Затворот беше шок, не беше карма, јас сум истата личност која бев и пред осум и пред 18 години

Ексминистерката за внатрешни работи, Гордана Јанкулоска гостувајќи во поткастот „Претрес со Ландов“ отворено говореше за промените кај нејзе откако помина повеќе години во затвор, но и за нејзините односи со експремиерот и бегалец, Никола Груевски, ексдиректорот на УБК, Сашо Мијалков, но и за првпат објасни многу детали за „бомбите“ на Заев. Јанкулоска посочува: „Меѓутоа, во основа нашите карактери како личности се формираат на помалата возраста и јас верувам дека јас сум си уште истата личност што бев и пред 8 и пред 18 години“.„Јас никогаш и не сум ни бегала од одредени пропусти и грешки и што се случиле во мојот ресор. И можеби што некој ги доживеа како мои лични пропусти, впрочем, животот е составен и од подеми, и од падови, и од успеси, и од грешки. Би било лошо ако не гледаме реално на нив, не ги согледуваме и останеме заробени во некоја статус-кво ситуација, меѓутоа за себе сметам дека не сум таква личност, што е заробена во некој момент и не гледа напред“ вели Јанкулоска во „Претрес“.Отворено призна дека затворот бил шок за неа, а грешка кај неа во случајот „Тенк“ за набавката на „мерцедесот“ поради кој заврши во зандани - не гледа.„Меѓутоа, кога човек ќе се најде во една таква ситуација, практично има избор помеѓу две опции, или да издржи, или да не ја издржи целата таа ситуација“, додава таа.Прашана дали кармата го направила своето и затоа таа завршила зад решетки, посочува: „Нема да се согласам дека е карма. Ако беше карма, јас ќе бев наградена за мојата работа, но се случи тоа што се случи, јас за целиот мој мандат во ниту еден момент не се доведов во ситуација, некој да ме става корелација со скопското подземје или со некои криминални групи, луѓе што се занимаваат со недозволени активности, напротив, успеав да задржам една и лична и професионална дистанца...“.Слушнете и за снимките од прислушуваните разговори, детали за Груевски и Мијалков, функционирањето на МВР, деновите во затвор, односот со Катица Јанева зад решетките и други за првпат отворени теми и дадени одговори:

Македонија | пред 1 година

(Во живо) Претрес на Гордана Јанкулоска: за Груевски, Мијалков, Кацарска, затворските денови, бомбите...

„Моето мислење за Зоран Ставревски е врвно, но таа тема не била на дневен ред и не била дискутирана. За неа не треба особена најава, освен дека ќе одговори на сите наши и ваши прашања. Во среда ќе ја „претресеме“ Гордана Јанкулоска. Нејзе ја тресеше системот, а сега, дојде ред и таа да ги тресе сите кои и ја скроија судбината.🔴Ние ќе бараме одговори за нејзината одговорност, разговорите во „бомбите“, затворските денови, комуникацијата со Катица Јанева, пријателите и непријателите, нејзиното (не)враќање во политиката. Не нѐ пропуштајте.Ексклузивно, оваа среда ја имаме Јанкулоска од 21 часот во „Претрес со Ландов“.Во живо:

Македонија | пред 1 година

(Во живо) Претрес на Стефан Лазаров: како заглави во судница, стекна слава, за покажувањето задници и стравот од затвор

На суд со Латас, во студио со Боки 13, а во среда во „Претрес“.Јутуберот Стефан Лазаров ќе го претресеме за тоа како заврши на суд по емисијата со Латас, стравува ли дека ќе оди во затвор?Кои беа условите на Боки 13 да гостува во „Лазаров поткаст“…За соблекувањето среде емисии, вулгарностите, начинот на кој го привлекува вниманието на јавноста...Следете ВО ЖИВО:

Македонија | пред 1 година

(Видео) Зошто Македонија остана без тенкови и авиони пред да набави „модерни средства“?

Ексминистерката за одбрана, Славјанка Петровска во поткастот „Претрес со Ландов“ зборуваше за донацијата дадена кон Украина, по која, Македонија остана без тенкови и авиони. Таа кажа дека истите се заменети со „модерни средства“, но истовремено, призна дека истите се во фаза на набавка.?t=3295Граѓаните во текот на поткастот кој се емитува во живо велеа дека сега Македонија може да ја окупира ловачко друштво.„Армијата денес, е многу поопремена од пред 10 години“, рече Петровска.Поткастот „Претрес со Ландов“ се емитува секоја среда во 21 часот, во живо. Погледнете ги и претходните епизоди: ТУКА 

Македонија | пред 1 година

(Видео) Молчењето е злато, но зошто СДСМ молчеа во Собрание на конститутивната седница?

Пратеничката од СДСМ, Славјанка Петровска, во подкастот „Претрес со Ландов“ одговори на јавните повици од ексфункционери на партијата кои забележаа што тие молчеле на конститутивната седница во Собранието. Според неа, молчењето испраќа посилна порака.?t=922„Непријавувањето за збор, испрати многу посила порака. Кажувам дека сме испратиле порака на спротивноста на 27 апри“, вели Петровска, меѓудругото, во подкастот „Претрес со Ландов“.Таа ја прифаќа гласната критика за ваквото однесување. Но посочува дека имаат што да кажат, ама во иднина.

Македонија | пред 1 година

(Видео) Носам помала одговорност за лошиот изборен резултат, за разлика од другите потенцијални кандидати за претседател на СДСМ, вели Петровска

Пратеничката од СДСМ и ексминистерка за одбрана, Славјанка Петровска, ексклузивно во „Претрес со Ландов“, откри дека влегува во трката за наследник на Димитар Ковачевски. Таа беше носител во шестата изборна единица каде СДСМ имаше историски најлош резултат, истовремено имаше и партиска функција – претседавач со Централниот одбор.„Како член на СДСМ, чувствувам одговорност за секој пораз, исто како и како што се чувствувам горда кога има победа“, рече Петровска во „Претрес со Ландов“, па одговараше и дали мисли на Венко Филипче, Петре Шилегов, Јован Деспотовски како потенцијални противкандидати.Прашана зошто се кандидира за претседателка наспроти лошиот резултат кој го донела, одговори: „Јас слободно би рекла дека носам помала одговорност, ако ја мериме, за разлика од некои од носителите на функции кои подолго време биле носители на државни функции, а потенцијално се кандидати“.Во подкастот „Претрс“ одговараше и на други прашања како што се теновите и хеликоптерите дадени на Украина, критиките од партиските другари дека молчела во Собрание, дали СДСМ е секта или партија, се плаши ли од затвор, за замерките од граѓаните, но и за приватни моменти.?t=1298

Македонија | пред 2 години

(Во живо) Претрес на Славјанка Петровска, потрес во СДСМ: јавно се испокараа, кој ќе биде наследник на Ковачевски?

Каков е престижот да бидеш лидер на губитничка партија? Во СДСМ има видливи поделби на крила и јавни караници. Кој е против кого и зошто?Славјанка Петровска се споменува како еден од претендентите за наследник на Ковачески кој би ја поздравил со.... “стани Цаци да те види цела сала”.Од одбрана успеа да се пресели во удобно пратеничко столче.Какви византиски внатрепартиски игри се одвиваат во СДСМ пред најавениот јунски изборен конрес, одговара Петровска во „Претрес“. Среда 21 часот во живо, ги чекаме и вашите прашања!

Македонија | пред 2 години

(Видео) „Шутка е хотел за Идризово“ - затвореници искасани од инспекти, спијат по ходници, тешко доаѓаат и до душеци

„Затворот во Шутка е хотел за стариот дел на Идризово“, со оваа реченица, затвореник сместен во т.н. „Амбуланта“ во најголемиот затвор во Македонија ја опишува состојбата во која издржува казна. Тој во подкастот „Претрес со Ландов“ во живо комуницираше со јавноста на која и укажа дека ако во затворот „Скопје“ има супстандардни услови, во Идризово е далеку полошо. Заменик-народниот правобранител, Јован Андоновски во подкастот кажа дека затвореници спијат по земја, некои не добиваат ниту навремено душеци, сместени се по ходници.„Нашите претставници од Националниот превентивен механизам беа сведоци на една ужасна глетка, а тоа е лица кои биле искасани од тафтабити по цело тело, тоа се инсекти, и кои што во моментот кога им требало помош немало медицинско лице за да им укаже помош. Сметам дека ова е загрижувачки. Односнот кон притворениците и затворениците е понижувачки и деградирачки. Тоа нема меѓународен и домашен извештај што не го констатира“, вели заменик-народниот правобранител Јован Андоновски во подкастот „Претрес со Ландов“.Тој сподели и други фрапирачки детали во однос на нечовечките услови во кои затврениците во македонските затвори поминуваат долги години.?list=PLm6WbTW4gkMm9SA3GYzjLPE0VWu1c-A7d&t=5467

Македонија | пред 2 години

(Видео) Осудните за 27 април во штипскиот затвор биле оставани да смрзнуваат: Трпат дупла казна, судска и нечовечка

Различен пристап кон различни затвореници има низ затворите во Македонија, а пример за тоа е и затворот во Штип. Има привилигирани, но и лица кои издржуваат затворска казна, а ги немаат основните услови. Осудените за 27 април, среде зима, беа оставани да седат во ладна просторија, без греење, бидејќи директорот на затворот не им дозволуваше да внесат поради свои изговори. Истовремено, во соседни простории, не беше проблем да се донесат и по повеќе грејни тела.„Имав прилика да разговарам со нив во зимските месеци, да, ги видов условите какви се каде што се. Тоа е втор пример, каде трпат дупла казна, судската и нечовечката. Голема е веројатноста дека станува збор за политички мотиви. Кај нас најголемата тензија расте при секоја промена на власт и очекувањата на граѓаните се да видиме кој ќе биде следен притворен, осуден.. И веројатно тоа им е мотивот зошто секој што е на власт не се зафаќа да ги промени условите. Смета дека владеењето ќе трае вечно, него нема да го фати да заврши таму, таа рака нема да го допре..“, рече заменик-народниот правобранител Јован Андоновски.?t=4893

Македонија | пред 2 години

(Видео) Иџет Мемети пробал да заштити министер од СДСМ кога бил народен правобранител, сведочи неговиот заменик

Заменик-народниот правобранител, Јован Андоновски во подкастот „Претрес со Ландов“ сподели дека поранешниот народен правобранител а сега осомничен во случајот со земање мито, Иџет Мемети, сакал да заштити министер на СДСМ и вршел влијание врз него. Андоновски кажа дека одбил да постапи спротивно на законот, па Мемети му ги одзел и надлежностите. „Ние со господинот Мемети имавме бројни недоразбирања. Имаше обид да ми причини и професионална штета“, рече Андоновски.Според него, односнот на Мемети бил крајно непрофесионално.„Преку предметното работење констатирав дека еден висок носител на јавна функција работи незаконски. На писмено го констатирав тоа и добив усно укажување да ја променам таквата констатација. За мене црното е црно, белото е бело, не ме интересира кој е од другата страна“, рече Андоновски во подкстот „Претрес“.?t=6507Тој кажа дека одбил, па почнала голготата.„Кога одбив да ја променам содржината на документот, започна голготата. Противправно ми беа одземени надлежностите, за што искористив прилика да ги известам меѓународната заедница, јавноста, па имаше општествен притисок, па реши да ја врати состојбата во првобитна состојба“, додаде Андоновски.Лицата кои поднеле преставка против министерот на СДСМ, ја добиле битката по судски пат, благодарение и на документот од институцијата Народен правобранител, потпишан од Андоновски.„Лицата кои беа оштетени, со документот, успеаа да ја докажат својата вистина“, додаде Андоновски.Иџет Мемети сега е член на Совет на јавни обвинители и доби статус на осомничен во истиот случај со врховниот судија Наке Георгиев кој беше фатен како зема 10.000 евра за вршење на противзаконито влијание за судска постапка поврзана со ексградоначалникот на Ново село, Боро Стојчев познат како Боро „Марлборо“.

Македонија | пред 2 години

(Во живо) „Претрес“ во ќелиите на затворот во Шутка, па разговор за затвореничките проблеми и последни апсења

Влеговме во ќелиите каде осомничениот за двојното убиство Палчо издржува притвор, министри и политичари поминаа бројни денови, а каде се спрема и евентуален влез на врховен судија.Ја посетивме берберницата од филмот „Тетовирање“, кујната на затворот во Шутка, на шеталиштата..Го посетивме и озлогласеното одделение „Ц“ каде се сместуваат лица од висок ризик како што се Миле Јанакиески, Сашо Мијалков, осуденици за 27 април..Директни одговори од директорот на затворот „Скопје“, Филип Андов за тоа што прават политичарите кои се огрешиле пред законот, зад решетките – но и одговори на низа прашања поврзани со високопрофилни личности.По репортажата во затворот „Скопје“, разговараме со Јован Андоновски, заменик-народен правобранител за затвореничките проблеми, условите, но и за осомничениот за мито Иџет Меџити.Следете во живо:

Македонија | пред 2 години