пролет

Дали кон средината, па и во втората половина на овој месец ќе ни биде присутен пролетниот планински снег

Дали од средината на следната седмица, односно некаде од среда, четврток ќе ни биде потребна потопла облека? А не како што се навикнавме уште од самиот почеток на оваа пролет, со лесна облека, дури некои граѓани и со куси ракави.Според она што повеќе нумерички модели го цртаат, од среда очекуваме постепена промена на времето и пад на температурите на воздухот. Поради пристигнување на поладен воздух од север, и тоа на загреана и топла Атмосфера, би можело да дојде и до локален развој на грмотевични облаци (или нестабилна облачност), проследена со пороен дожд, грмежи и засилен ветер во зоната на нестабилност.Во ваква состојба, не се исклучуваат ни локални поинтензивни Атмосферски процеси (во форма на невреме), па така е можна и појава на град во делови од Македонија.Според она што е достапно моментално на нумеричките модели, некаде кон средината, па и во втората половина на овој месец на планините ширум регионот, па така и во Македонија не се исклучува можноста да се случи да провее и по некоја пролетна снегулка.

Македонија | пред 1 година

Заедно со пролетта доаѓа и заморот

Доаѓањето на пролетта не значи само потопло време, туку и повеќе зеленило, подолги денови, повеќе витамин Д, да се биде на отворено, туку значи и доаѓање на пролетен замор, кој многу влијае на некои луѓе.Има ли медицинско оправдување за таквото чувство или тоа е само личен впечаток? За ова во утринската емисија зборуваа неврологот д-р Алекса Пејовиќ и метеорологот Недељко Тодоровиќ.„Тоа не е наш личен впечаток. Бидејќи човечкото тело е еден голем часовник, поточно е составен од бројни мали часовници, кои мора периодично да се навиваат. Најпознатиот часовник што сите го знаеме е циклусот на будност и сон. тој биолошки циклус трае 24 часа и 15 минути“, изјави д-р Пејовиќ.Според Пејовиќ, промените на дневната светлина, односно бројот на часови на сончева светлина во различни годишни времиња, ни служат постојано да го навиваме часовникот. Ако на човекот му го одземеш тој надворешен вентилатор на часовникот, ќе се случи тој да направи инверзија на циклусот на будност и сон и секако да ги наруши сите внатрешни будилници во организмот.

Магазин | пред 1 година

Нема фотографија

Ќе се гради градинка во населба Пролет

Градоначалникот на Општина Центар, Горан Герасимовски, во денешното гостување на утринската емисија „Ја сакам Македонија“ на ТВ Сител, ги презентираше тековните општински активности, но и плановите за работа во претстојниот период.Герасимовски, покрај останатите проекти, ја спомена и новата градинка која ќе се гради во населбата Пролет, која воедно ќе биде и прва детска градинка во ова населено место.„Градинката во Пролет ќе биде една убава, модерна градинка, на површина од 3270 метри квадратни, каде што ќе можат да се сместат околу 150 наши дечиња од Општина Центар. Една од помодерните градинки во државата, нешто слично како основното училиште ‘Киро Глигоров’, отворено пред неколку години“, рече Герасимовски во гостувањето.Градинката ќе биде изградена на вкупна површина од 3276 метри квадратни, на приземје и два ката. Капацитетот на градинката предвидува згрижување на 150 деца, распоредени во 9 занимални и 2 јасли. Предвидено е во состав на објектот да има урбана градина со сандаци со песок и земја и детски реквизити (лизгалки, лулашки и мостови). Надворешното игралиште ќе биде инклузивно и до него ќе можат да пристапат и деца со попреченост во движењето. На надворешниот дел од фасадата предвидено е фасадно поставување на детска болдер карпа, а концептот на градинката е да се обезебди простор во кој акцентот пред сѐ, се става во функција на децата и обезбедување на удобен простор за ран развој и нивна игра.Градинката ќе има и сопствена кујна, која ќе биде изведена по HACCP стандарди, ќе има енергетска ефикасна фасада, греењето ќе биде еколошко – дел на парно, а дел на топлински пумпи. Со изведбата на овој објект, кој ќе биде во рамки на надлежност на ЈУДГ „Раде Јовчевски Корчагин“, сите детски градинки во Општина Центар ќе имаат по 4 објекти.Градежните работи се предвидени да започнат во текот на месецот, а рокот за изведба е 18 месеци. Изградбата на новата градинка ќе чини 154.243.997 денари, средства обезбедни од Буџетот на Општина Центар.

Скопје | пред 3 години