Ограбени канцеларии во Прилеп и Кисела Вода: Провалници украле ранец со пари, електромотори и кабли
Во два одделни инциденти, пријавени во Прилеп и Скопје, провалници со употреба на физичка сила и подесен алат влегле во канцелариски простории и однеле вредни предмети, електромотори и пари. Првиот случај се случил во управна зграда од поранешната фабрика „11 Октомври – Еурокомпозит“ во Прилеп, а вториот во деловни простории на фирма во Кисела Вода. Полицијата работи на расветлување на двата случаја.На 31.07.2025 во 11:30 часот во Полициската станица Кисела Вода било пријавено дека во периодот од 18:00 часот на 04.07.2025 до 22.07.2025 со употреба на физичка сила и подесен алат било влезено во канцеларии на фирма на подрачје на Кисела Вода и бил одземен ранец во кој имало пари во различни апоени.На истиот ден, е пријавена кражба и во Прилеп.На 31.07.2025 во ОВР Прилеп било пријавено дека во периодот од 16:30 часот на 27.07.2025 до 14:00 часот на 31.07.2025 со употреба на физичка сила и подесен алат било влезено во канцелариски простории во управна зграда од поранешна фабрика „11 Октомври - Еурокомпозит“ на ул.„Александар Македонски“ во Прилеп, при што биле одземени четири електромотори од хидраулична машина со електрични додатоци, кабли, инсталации и предмети од различни електронски уреди, два електромотори од фрижидер и две торби со повеќе метални предмети. Увид на местото извршила увидна екипа од ОВР Прилеп и се преземаат мерки за расчистување на случајот.
Македонија | пред 4 месеци