Почна реконструкцијата на спортската сала на УКИМ
Mинистерот за спорт, Борко Ристовски заедно со ректорот на УКИМ, Биљана Ангелова го означија официјалниот почеток на реконструкцијата на демолираната и уништена спортска сала чие сопствеништво и изградба со години беше предмет на судења, извршители и ветувања.„Оваа спортска сала повеќе од десетина години стоеше руинирана и стои вака без да има сопственик. Оваа сала е скоро и уништена, неупотреблива, така да она што како министерство го започнавме во соработка со ректорката пред можеби една година, најпрво да оваа сала добие свој сопственик, а потоа да го направиме проектот за реконструкција на оваа спортска сала во соработка со ректорката и со УКИМ.Така да денеска конечно почнува реконструкцијата којашто е многу важна, важна за министерството за спорт, важна за УКИМ, меѓутоа што е најважно за сите студенти коишто немаат свој дом и спортските сали ги користат или часовите ги користат во други сали, распрскани на територија на град Скопје. Така да уште еднаш јас би изразил благодарност до ректорката за соработката, затоа што навистина во измината година работевме, имаше потешкотии, имаше проблеми, меѓутоа кога желбата ќе ги надвладее проблемите, мислам дека ова е резултатот на тоа и конечно покажавме како министерство дека сакаме да поставуваме нови стандарди. Така да ова е уште еден доказ дека министерството станува фактор којшто ќе промовира позитивни работи, ќе промовира вистински вредности на коишто сакаме да дадеме акцент, а тоа е спортската инфраструктура, затоа што без спортска инфраструктура почнувајќи од училишниот спорт, па универзитетскиот спорт и на крај професионалниот спорт, да дадеме акцент и да поставиме цели и ќе можеме да бараме резултати во иднина и од студентите и од учениците во основните училишта, меѓутоа и од професионалните спортисти“, вели Борко Ристовски.
Македонија | пред 1 седмица
