ШАНГАЈ

Поради фенг шуи отстраниле сообраќајно огледало, па настанал хаос

Еден необичен инцидент во Шангај покажа колку отстранувањето на безбедносна опрема може да има сериозни последици.Брачен пар, по совет на фенг шуи мајстор, го поместил конвексното сообраќајно огледало поставено на кривина, верувајќи дека негативно влијае врз нивниот дом и здравје.Огледалото првично било поставено во 2012 година за да им овозможи на возачите подобра прегледност од двата правци, пишува Revija HAK.Откако парот ја променил неговата позиција, а подоцна го отстранил и дополнителното огледало поставено на спротивната страна од улицата, дошло до повеќе сообраќајни незгоди, бидејќи возачите повеќе не можеле навреме да ги забележат возилата од спротивниот правец.Ситуацијата се променила дури кога надлежните органи ги предупредиле на правните последици од оштетување јавен имот и можна кривична одговорност поради создавање опасни услови во сообраќајот.На крајот огледалата повторно биле поставени и трајно зацврстени со бетон за да се спречат нови незгоди.

Магазин | пред 4 часа

Нема нови случаи на ковид во Шангај

Шангај објави дека не се откриени нови случаи на Ковид-19 надвор од областа на карантин, клучна пресвртница во борбата против вирусот што го парализираше 25-милионскиот град.Сцени од затворени куќи и згради во најнаселениот град во Кина од кои граѓаните не можат да излезат на насловните страници се низ светот во време кога повеќето други големи градови учат да живеат со коронавирусот.Некои граѓани, кои се затворени во домовите повеќе од еден месец, гневни и револтирани, мака мачат да набават храна и други секојдневни потреби и како ретко кога покажаа јавно противење на строгата контрола на владата.Но, ако кампањата успее, тоа би значело победа на пристапот на нулта толеранција на кинескиот претседател Кси Џинпинг кон Ковид-19 во годината кога се очекува да обезбеди трет мандат.Иако градските власти на Шангај не зборуваа за пресвртницата на нивната дневна прес-конференција, таа беше поздравена на кинеските социјални медиуми, а текстот „Шангај има нула пренос на ковид низ заедницата“ утрово имаше повеќе од 190.000 прегледи на платформата Веибо.Во Шангај во петокот немаше случаи на зараза надвор од затворените области, за разлика од четвртокот кога имаше 108 случаи. Другите кинески градови во карантин почнаа да ги олеснуваат ограничувањата откако го запреа преносот надвор од затворените области.

пред 3 години

Расте бројот на смртни случаи од ковид во Шангај

Властите во кинескиот град Шангај денеска соопштија дека седум лица починале во понеделникот од коронавирусот.Тоа е повеќе од три смртни случаи, како што е соопштено за неделата, објави Ројтерс.Властите соопштија дека 17.332 нови локални асимптоматски случаи на коронавирус биле регистрирани во понеделникот, што е намалување од 19.831 претходниот ден.Пријавени се 3.084 симптоматски случаи, наспроти 2.417 вчера, а во оваа бројка се вклучени 974 асимптоматски лица кои подоцна развиле симптоми, наведува британската агенција.

пред 3 години

Нови смртни случаи од коронавирус во Шангај

Кинеските власти денеска пријавија три смртни случаи од ковид-19 во Шангај, први по воведувањето на последните ограничувања на крајот на март.Во соопштението објавено на социјалните мрежи се наведува дека починале три постари лица.Во Шангај, 4.641 лице починале од коронавирус од почетокот на епидемијата.Секојдневно се пријавуваат десетици илјади нови случаи.

пред 3 години

Рекорден број заразени со ковид во Шангај

Рекорден број на луѓе заразени со Ковид-19 беа регистрирани денеска во Шангај, а другите кинески градови воведоа ограничувања според методот „брзо чистење“ што го користи земјата за елиминирање на заразната варијанта на омикрон.Во северозападна Кина, во градот Ксиан, поради десетици случаи на зараза со Ковид-19, жителите во петокот беа предупредени да избегнуваат непотребни излези надвор од станбените комплекси, а компаниите се охрабруваат да воведат работа од дома или работниците да живеат во работното место.Владиниот функционер од Ксиан денеска им кажа на жителите кои стравуваат од недостиг на храна дека во соопштението не се споменува заклучување и дека градот нема да го воведе.Шангај – ново кинеско жариштеШангај, новото кинеско жариште, денеска објави рекорден број на симптоматски случаи на инфекција, 3.590 и уште 19.923 асимптоматски случаи.Бројот на заразени без симптоми незначително се зголеми во однос на претходниот ден кога имаше 19.872. Вкупниот број на луѓе заразени во тој град го сочинува најголемиот дел од вкупните случаи низ Кина, иако повеќето од 25-те милиони жители на Шангај се во карантин.Ограничувањата кои остануваат на сила или се прошируваат дополнително ги влошуваат нарушувањата во снабдувањето и тоа може да предизвика одложување на испораката до компании како Apple. Економистите исто така тврдат дека ограничувањата негативно ќе се одразат на економскиот раст на земјата оваа година.Градот Сужоу во близина на Шангај денеска ги повика сите работници кои можат да работат од дома да го направат тоа, а станбените населби и работничките населби треба да избегнуваат непотребен влез на луѓе и возила. Во тој град во последниот бран се забележани 500 случаи на зараза.

пред 3 години