социјална политика

Во тек е исплатата на правата од социјална и детска заштита

Министерството за социјална политика, демографија и млади информира дека денеска започна исплатата на правата од социјална, детска и цивилна заштита за месец декември 2024 година.Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 03 Јануари 2025 година.Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:- 03.01.2025 – А, Б, В, Г, Д, Ѓ, Е, Ж, З, Ѕ; И, Ј, К, Л, Љ- 08.01.2025– М, Н, Њ, О;П, Р С, Т, Ќ, У, Ф, Х, Ц, Ч, Џ, Ш

Македонија | пред 1 година

Лимани: Интензивно работиме на намалување на листите за упис во детските градинки

Министерот за социјална политика, демографија и млади, Фатмир Лимани денеска учествуваше на петтата трибина во рамките на Платформата „100% Посветено за тебе“ со фокус на социјалната и здравствената заштита во нашето општество.Лимани одговарајќи на прашање за долгите листи на чекање за упис во детските градинки, се осврна на фактот дека во првите 100 дена, беа започнати градежни активности на 2 градинки, а уште две се отворени. Но го спомна и потпишувањето на договорот за грант со општините, проект на Владата, каде што влегуваат уште две градинки.„Во тек се изградби/доградби/ опремување на 15 градинки, со чие отворање капацитетот ќе се зголеми за 1397 деца,“ рече Лимани.Тој информираше дека, планирани за отворање до 2028 година се над 25 градинки.Лимани напомена дека покрај капиталните инвестиции, Министерството инвестира и во зајакнување на стручниот кадар во градинките.„Министерството е отворено и постојано апелира до општините да изразат интерес и достават проект за нови или проширување на постоечките градинки, со цел секое дете да има можност да биде вклучено во предучилишно воспитание и образование,“ порача Лимани.

Македонија | пред 1 година

(Видео) Лимани: Ја зголемуваме поддршката и инклузијата на ранливите категории граѓани

Министерот за социјална политика, демографија и млади, Фатмир Лимани денеска учествуваше на петата трибина во рамките на Платформата „100% Посветено за тебе“ со фокус на социјалната и здравствената во нашето општество.Во одговор на прашањето кои политики и мерки ќе ги преземе Министерството за социјална политика, демографија и млади со цел поголема поддршка и инклузија на ранливите категории на граѓани во општеството, министерот се осврна на конкретни мерки кои се планирани во периодот пред нас.„Како ресорно министерство одговорно за испорака на права и услуги од социјалната заштита наменети за ранливите категории на граѓани, а со цел подобрување на квалитетот на живот на истите, пристапивме кон креирање на конкретни политики и мерки. Зголемените цени и влошениот животен стандард, секојдневно продуцираат уште поголема социјална нееднаквост. Затоа планираме: зголемен надомест за социјална заштита односно зголемување на гарантирана минимална помош за 10%, на посебниот додаток за 30%, на паричната помош за квадриплегија за 50% , за потполно глуви лица за 20%, на правото на надоместок на плата за скратено работно време за родители поради нега на дете или лице со телесна и ментална попреченост и најтешки хронични заболувања за 30% и ново право на парична помош на лицата без горни екстремитети,“ истакна министерот Лимани.Тој додаде дека со одделни проекти се опфатени сите категории на лица со попреченост. Притоа посочи дел од нив како обезбедување на нови 1.500 аудио книги за лицата со оштетен вид, изградба на патеки за слепи лица во сите градови, воведување на избирачки лист на брајово писмо за лицата со оштетен вид, обука на толкувачи на знаковен јазик, поддршка за унификација на знаковен јазик и други.„Ќе предвидиме програма за вработување на најмалку едно лице со попреченост во сите јавни институции над 50 вработени. Ќе предвидиме посебни програми за лицата со попреченост што ќе започнат сопствен бизнис. Како и програма за вработување на деца без родители и родителска грижа по наполнување на 18 години,“ рече Лимани.Тој се осврна и на пензиските политики на Владата и враќање на достоинството на пензионерите, кои во првите 100 дена од владата добија линеарно покачување од 2.500 денари, а ќе добијат уште едно такво во месец март.Платформата „100% Посветено за тебе" претставува иницијатива на Владата со цел да се обезбеди транспарентност и отворен дијалог со медиумите и граѓаните и можност да се информираат за активностите на Владата, како и целите и остварувањата на ресорните министерства.

Македонија | пред 1 година

Лимани од Женева: Само родовата еднаквост го прави едно општество повитално и просперитетно, да работиме заедно за зајакнување на позицијата на жената во светот

Министерот за социјална политика, демографија и млади, Фатмир Лимани од денеска е во дводневна посета на Женева, заради учество на Регионалниот состанок за следење на напредокот на Пекингшката декларација и Платформа за акција за родова еднаквост (Пекинг +30).Министерот Лимани во своето обраќање зборуваше за досегашното спроведување на Пекингшката декларација за родова еднаквост и заложбите на земјата за наредниот пет годишен период.„Владата на Република Северна Македонија ќе продолжи да се залага за зајакнувањето на позицијата на жената, како потребна основа за просперитет и одржливост, затоа што силни жени значат силно општество“, рече Лимани.„Само родовата еднаквост го прави едно општество повитално и просперитетно но потребно е да работиме заедно за зајакнување на позицијата на жената насекаде во светот.Жената во центар на нашето внимание за да обезбедиме посветла иднина за идните генерации“, изјави министерот Лимани.

Македонија | пред 1 година

Министерот Лимани на дводневна посета во Женева на Регионален состанок - Пекинг +30

Министерот за социјална политика, демографија и млади, Фатмир Лимани од денеска е во дводневна посета на Женева, заради учество на Регионалниот состанок за следење на напредокот на Пекингшката декларација и Платформа за акција за родова еднаквост (Пекинг +30).Министерот Лимани во своето обраќање ќе зборува за досегашното спроведување на Пекингшката декларација за родова еднаквост и заложбите на земјата за наредниот пет годишен период.На Регионалниот состанок во Женева, учествуваат земјите потписнички на Декларацијата од Европа и дел од Азија, а претходи на главниот настан кој ќе се одржи 2025 година, во Генералното собрание во Њујорк, кога се одбележуваат 30 години од усвојувањето на Пекингшката декларација и платформа за акција.Во делегацијата која ја предводи министерот Лимани се Посебниот советник на министерот и шеф на Кабинет, Флутра Калиси и претставници од Министерството за социјална политика, демографија и млади од секторот Еднакви можности, Министерството за надворешни работи, на Националниот совет за родова рамноправност (СОЖМ) и на канцеларијата на UN Women во Северна Македонија.

Македонија | пред 1 година

Средба Лимани- Шчекич: Само обединети како регион можеме да одиме напред и да се приклучиме на глобалниот економски пазар

Министерот за социјална политика, демографија и млади, Фатмир Лимани, во рамки на работната посета на Берлин, заради учеството на Форумот за млади од Западен Балкан, оствари билатерална средба и со министерот за спорт и млади на Црна Гора, Драгослав Шчекич.На средбата стана збор за тоа дека покрај регионалното поврзување на младите кое го прави Регионалната канцеларија за младинска соработка- RYCO, потребно е да се работи на зајакнување на меѓусебната соработка преку заедничко учество на меѓудржавни проекти.Од страна на црногорскиот министер, беше упатена и директна покана за посета на Црна Гора во насока на продлабочување на досегашната соработка.Соговорниците зборуваа за тоа дека Европската Унија треба да стане пофлексибилна кон државите на Западен Балкан, без условувања, туку со целосна поддршка. Затоа што Европа не е целосна без државите од Западен Балкан.Заклучоците на крајот од средбата беа дека само обединети како регион можеме да одиме напред и да се приклучиме на глобалниот економски пазар.

Македонија | пред 1 година