шолц

(Видео) Шолц пристигна во Киев со специјален воз, најави голема испорака на оружје

Германскиот канцелар Олаф Шолц утрово пристигна во Киев, прв пат по две и пол години на разговори со украинскиот претседател Володимир Зеленски, посета која претходно не беше најавена од безбедносни причини.По неговото пристигнување, германскиот лидер најави дополнителни испораки на оружје во вредност од 650 милиони евра до крајот на декември за одбрана на Украина од Русија.„Би сакал јасно да кажам дека Германија ќе остане најсилниот поддржувач на Украина во Европа“, рече Шолц, кој во главниот град на Украина пристигна со специјален воз.Последната посета на Шолц на таа земја беше во јуни 2020 година.

Свет | пред 1 година

Шолц за поканата на Украина во НАТО: Земја во воена состојба не може да стане членка на Алијансата

Германскиот канцелар, Олаф Шолц, изјави дека во моментот не постои можност Украина да биде повикана во НАТО бидејќи, како што наведе, според него, земја во воена состојба не може да стане членка на Алијансата.Шолц во четвртокот вечерта за телевизијата ЗДФ изјави дека земја во воена состојба дефинитивно не може да стане членка на НАТО и дека, како што наведе, сите се согласуваат со тој став.Според Шолц, во моментов се разговара за „безбедносните гаранции“ по завршувањето на тековната војна во Украина.Шолц истакна дека руското кршење на меѓународното право бара посебни дејствија.Според неговите зборови, од една страна треба да се поддржи способноста на Украина да се брани, а од друга да се спречи војната да прерасне во конфликт од поголеми размери, односно во војна меѓу Русија и НАТО.„Ова е моја одговорност и тоа е нешто што јасно го разбирам. И нема да го сменам ставот, нема да дозволам да ме поколебаат“, изјави Шолц.Во овој контекст, тој повтори дека не се согласува со префрлање во Украина на германски крстосувачки ракети „Таурус“ и друго оружје што може да придонесе за ескалација.Шолц оцени дека е дојден моментот, вклучително и на бојното поле, кога е неопходно да се погледне како да се стави крај на војната и да се создадат перспективи за праведен мир за Украина што е можно поскоро.Тој исто така изрази надеж дека ќе се одржи втор глобален мировен самит за Украина, овојпат со учество на Русија.

Свет | пред 1 година

Шолц зборуваше за условите на Путин за мир во Украина - овој одговор нема да му се допадне на Кремљ

Лидерите на Г7 не разговараа за предлозите на рускиот претседател Владимир Путин за мир во Украина на самитот во Италија, бидејќи сите знаат дека овие предлози се несериозни, изјави денеска германскиот канцелар Олаф Шолц.Во Италија, непосредно пред да замине за Швајцарија, каде што денеска почнува конференцијата за Украина, тој изјави дека предлозите на Путин биле само за да го одвлечат вниманието од конференцијата, пренесува Ројтерс.„Сите знаат дека овој предлог не беше сериозен, но имаше врска со мировната конференција во Швајцарија“, изјави Шолц во интервју за телевизијата ЗДФ.Путин вчера изјави дека, за да започнат мировните преговори, Украина мора да ги повлече своите трупи од целата територија на новите руски региони и да се откаже од намерата да се приклучи на НАТО.Денеска во Швајцарија почнува дводневен мировен самит за Украина на кој ќе учествуваат 100 делегации од целиот свет, но не и од Русија.

Свет | пред 1 година

Нема фотографија

Макрон, Шолц и Туск итно се среќаваат поради Украина

Полскиот премиер Доналд Туск, германскиот канцелар Олаф Шолц и францускиот претседател Емануел Макрон ќе се сретнат во петок во Берлин на набрзина договорени разговори за помош за Украина, пренесува Ројтерс.Средбата ја најави Туск, а ја потврди и извор од германската влада. Тоа ќе биде прва средба на високо ниво на „Вајмарскиот триаголник“, платформа за политичка соработка меѓу Германија, Франција и Полска воспоставена во 1991 година, откако Туск се врати на чело на полската влада минатата година.„Разговарав со претседателот за тоа како да ги мобилизирам партнерите во Европа“, рече Туск доцна во вторникот по разговорите со Џо Бајден во Вашингтон. „За петок е свикан итен состанок на Вајмарскиот триаголник“, додаде тој.Шолц и Макрон прво ќе разговараат одделно пред да му се придружат на Туск.Средбата доаѓа во време на тензии меѓу француското и германското раководство за повеќе прашања, особено политиката кон Украина. Макрон неодамна предизвика вистинска бура со изјавите дека не исклучува распоредување на копнени сили во Украина.

Свет | пред 1 година

(ВИДЕО) Рама за Македонија: „Идната западна Бугарија“

Албанскиот премиер Еди Рама се вмеша во ракувањето на германскиот канцелар Олаф Шолц со премиерот Димитар Ковачевски на самитот на ЈИЕ во Солун вчера.Додека грчкиот премиер Мицотакис на Шолц му ги претставуваше албанскиот премиер и Димитар Ковачевски како премиер на Северна Македонија, Рама се приклучи на разговорот со забаелешка, „идната, идна западна Бугарија“ по што сите се насмеаја.Конверзацијата е на видеото на 1:00.

Македонија | пред 3 години

Шолц пристигна во посета на Македонија

Канцеларот на Сојузна Република Германија Олаф Шолц денеска пристигна во еднодневна официјална посета на Република Северна Македонија. Канцеларот Шолц, чиј домаќин ќе му биде претседателот на Владата на Република Северна Македонија Димитар Ковачевски, на аеродромот во Скопје го пречека министерот за надворешни работи Бујар Османи.Во делегацијата на канцеларот Шолц се највисоките државни советници на надворешна и безбедносна политика, за економија и финансии, за европска политика, како и новоизбраниот специјален пратеник на Сојузната Влада на Германија за Западен Балкан, Мануел Сарацин.Канцеларот Шолц и неговата делегација на платото пред Владата на Република Северна Македонија ќе ги пречека премиерот Димитар Ковачевски, со церемонија за пречек со највисоки државни и воени почести.Во составот на нашата делегација на пречекот и на билатералната средба со делегацијата на СР Германија се првиот заменик на претседателот на Владата и министер за политички систем и односи меѓу заедниците Артан Груби, заменик на претседателот на Владата за европски прашања Бојан Маричиќ, министерот за надворешни работи Бујар Османи, министерката за одбрана Славјанка Петровска, министерот за локална самоуправа Горан Милевски и министерот за информатичко општество и администрација Адмирим Алити.Според агендата за официјалната посета на канцеларот Олаф Шолц, веднаш после церемонијата на пречекот е предвидена тет-а-тет средба со премиерот Ковачевски, по што ќе следува билатералната средба на членовите на двете делегации.Официјалната посета на канцеларот Шолц ќе заврши со заедничка прес-конференција со претседателот на Владата Димитар Ковачевски.

Македонија | пред 3 години