Solutionade одбележува 10 години успешен раст, технолошки развој и глобално присуство
Македонската ИТ компанија Solutionade оваа година одбележува 10 години успешно работење, јубилеј што претставува значајна пресвртница во развојот на компанијата, од локален технолошки тим до интернационален Microsoft партнер со глобално присуство.Во текот на изминатата деценија, Solutionade континуирано инвестира во иновации, технолошки развој и создавање современи деловни решенија кои им помагаат на организациите да ја унапредат продуктивноста, автоматизацијата и ефикасноста на своите процеси.Присуство на меѓународниот пазарОна што започна како амбициозна ИТ компанија во Македонија, денес е организација со канцеларии во Македонија, Обединетото Кралство и Соединетите Американски Држави, овозможувајќи ѝ на компанијата поблиска соработка со партнери и клиенти на различни пазари.Преку своето интернационално присуство, Solutionade продолжува да ги поддржува организациите во процесот на дигитална трансформација и модернизација на нивното работење.Експертиза во Microsoft технологиитеКако сертифициран Microsoft партнер, компанијата е специјализирана за развој, имплементација и надградба на решенија базирани на Microsoft Dynamics 365, Business Central, Power Platform и Microsoft Cloud технологиите.Фокусот на компанијата е насочен кон создавање сигурни, модерни и скалабилни решенија кои им помагаат на организациите да ги оптимизираат деловните процеси и да ја зголемат оперативната ефикасност.Тим што го движи растотЗад успехот на компанијата стои тим од повеќе од 65 ИТ професионалци, составен од експерти со различни технички профили и искуства, кои секојдневно работат на испорака на напредни софтверски решенија за компании ширум светот.Над 70 организации поддржани глобалноВо текот на своето работење, Solutionade има поддржано повеќе од 70 организации на глобално ниво, обезбедувајќи технолошки решенија кои придонесуваат за подобра организација, автоматизација и долгорочен бизнис раст.Инвестирање во сопствени иновативни производиПокрај работата со глобални партнери и имплементацијата на Microsoft-базирани решенија, Solutionade континуирано инвестира и во развој на сопствени иновативни производи, создадени да одговорат на конкретни деловни потреби и предизвици на пазарот.Следејќи ги трендовите на дигитализација и потребите на пазарот, еден од поновите производи на Solutionade е решението за е-Фактура. Развиено за да го поедностави фактурирањето и да обезбеди усогласеност со актуелните регулативи, решението им овозможува на корисниците лесно да примаат, управуваат и плаќаат е-фактури. Истовремено, нашиот тим активно ги следи сите законски измени, овозможувајќи сигурно и модерно корисничко искуство без дополнителна административна сложеност.Уште едно од поновите решенија на компанијата е БизЛинкс – локализирано cloud решение за управување со финансиски процеси, целосно прилагодено на потребите на македонскиот пазар. Платформата им овозможува на компаниите поедноставно управување со финансии, подобра оперативна контрола и усогласеност со локалните регулативи.„Изминатите 10 години беа исполнети со предизвици, учење и постојан напредок. Особено сме горди на тимот што го изградивме и довербата што ја добивме од нашите клиенти и партнери. Овој јубилеј не го гледаме само како прослава на постигнатото, туку и како силна мотивација за иднината – да продолжиме да создаваме иновативни решенија и да испорачуваме вистинска вредност,“ изјави Бојан Борисовски, генерален директор на Solutionade.Фокус кон иднинатаОдбележувајќи ја првата деценија од своето постоење, Solutionade останува фокусирана на понатамошен технолошки развој, зајакнување на меѓународните партнерства и проширување на своето глобално присуство.Со јасна визија за иднината, компанијата продолжува да инвестира во иновации, развој на таленти и создавање паметни, скалабилни и одржливи решенија што ќе им помогнат на организациите поуспешно да одговорат на современите деловни предизвици.
Магазин | пред 3 часа