судии обвинители

Коцевски тргна да го дисциплинира и вишиот обвинител Цветановски, во чии раце е одлуката за бонусите во СЈО

Републичкиот обвинител Љупчо Коцевски иницираше дисциплинска постапка и за вишиот обвинител Јован Цветановски, во чии раце е предметот за бонусите во СЈО. Коцевски тврди дека постапката е покрената поради ревизијата која покажала несовесно и нестручно работење, а доаѓа по јавната војна помеѓу суспендираниот обвинител Мустафа Хајрулахи кој јавно во „Претрес“ кажа дека трпел притисоци од републичкиот обвинител.„Јавниот обвинител на Република Македонија ги разгледа записникот и конечниот извештај од извршениот надзор во Вишото јавно обвинителство Скопје, како и службените белешки во прилог, и врз основа на наодите за констатираните состојби одлучи до Комисијата за утврдување дисциплинска одговорност на јавните обвинители да достави предлог за поведување дисциплинска постапка против јавен обвинител од Вишото јавно обвинителство Скопје заради нестручно и несовесно работење во 4 предмети во кои се откажал од жалба или обвинение. Предлог за поведување дисциплинска постапка е поднесен и против Вишиот јавен обвинител на Вишото јавно обвинителство Скопје пред кого била реферирана и со чија согласност била донесена одлука во три од наведените предмети, како и поради констатираните неправилности во начинот на заведување на предметите во Вишото јавно обвинителство Скопје“, велат од Обвинителството.Хајрулахи не го поштеди Коцевски и јавно кажа дека му вршел притисоци за да предметот од кои се засегнати обвинтиели од СЈО, да биде затворен. Кажа и дека Коцевски преку ќерка му, давал податоци од Обвинителството по новинари.https://www.youtube.com/live/DW7uAGwwXZ8?feature=sharedЦветановски е еден од тројцата обвинители против кој се водеше постапка за непостапување на настаните на 27 април.Место да отворат сеопфатна истрага за 27, поранешната шефица на Скопското обвинителство Гордана Ѓешковска, нејзиниот тогашен заменик Јован Цветановски и тогашниот шеф на обвинителството за организиран криминал Златко Биковски го расцепкале случајот на помали истраги, сместувајќи ги во ОЈО Скопје.Советот на јавни обвинители го затвори случајот.

Македонија | пред 1 година

Нова дисциплинска покрената против Хајрулахи, Коцевски го товари дека во четири предмети не постапил според закон

Јавниот обвинител на Македонија, Љупчко Коцевски ги разгледал записникот и конечниот извештај од извршениот надзор во Вишото јавно обвинителство Скопје, како и службените белешки во прилог, и врз основа на наодите за констатираните состојби одлучи до Комисијата за утврдување дисциплинска одговорност на јавните обвинители да достави предлог за поведување дисциплинска постапка против јавен обвинител од Вишото јавно обвинителство Скопје заради нестручно и несовесно работење во 4 предмети во кои се откажал од жалба или обвинение. Оваа постапка е против шефот Мустафа Хајрулахи.„Предлог за поведување дисциплинска постапка е поднесен и против Вишиот јавен обвинител на Вишото јавно обвинителство Скопје пред кого била реферирана и со чија согласност била донесена одлука во три од наведените предмети, како и поради констатираните неправилности во начинот на заведување на предметите во Вишото јавно обвинителство Скопје.Иницирањето на дисциплинската постапка е уште една потврда за посветеноста на Јавниот обвинител на Република Северна Македонија да овозможи ефикасен кривичен прогон на сторителите на кривични дела и да побара одговорност од јавните обвинители кои неоправдано ги одолговлекувале постапките или неоправдано се откажувале од кривично гонење“, велат од Обвинителството.

Македонија | пред 1 година

Пораки од телефонот на Наќе Георгиев доведoa до претрес во Академијата за судии: земени досиеја на кандидати

Телефонот на врховниот судија Наќе Георгиев кој беше уапсен поради земање 10.000 евра со цел да намести случај во полза на обвинет, откри и други можни кривични дела. Од него, обвинителката утврдила дека имало и ургенции во Академијата за судии и обвинители, со цел, кандидати кои треба да судат и обвинуваат положат испити.„Во рамките на предмет против врховен судија, јавниот обвинител од Основното јавно обвинителство за гонење на организиран криминал и корупција при анализа на телефонот на осомничениот дојде до сознанија што упатуваат на можно сторување на друго кривично дело.Како резултат на тоа, предметниот обвинител со цел да ги испита ваквите индиции оформи предмет со кој достави барање до судијата на претходна постапка при Основен кривичен суд Скопје за одземање на два мобилни телефони од лице вработено во Академијата за судии и јавни обвинители, како и видео запис и две досиеја за еден поранешен и еден актуелен кандидат на Академијата.Во текот на вчерашниот ден, припадници на Одделот за крим полиција и Одделот за сузбивање на организиран криминал постапија по Наредбата на судијата и ги обезбедија бараните предмети. За сите дополнителни активности и детали кои нема да влијаат на постапката обвинителството ќе ја информира јавноста навремено“, вели Обвинителството.

Македонија | пред 1 година