ТОМ БРЕЈДИ

Том Брејди и Жизел Бундхен проговорија за разводот: „Одлуката не беше лесна“

Еден од најгламурозните парови, Том Брејди и Жизел Бундхен постигнаа договор и се разведуваат, а сите документи и барањето за развод ќе бидат доставени денеска.Според странските медиуми, изворите потврдиле дека нивните адвокати постигнале спогодба за имотот и старателството на децата и дека се е договорено. Петицијата за развод е поднесена во Флорида.Извори блиски до парот, кој е во брак од 2009 година, тврдат дека и двајцата се многу фокусирани на децата и планираат да имаат заедничко старателство.Имено, парот го има 12-годишниот син Бенџамин и 9-годишната ќерка Вивијан, а Брејди го има 15-годишниот син Џек од врската со поранешната партнерка Бриџит Мојнахан.Дека веста за разводот е точна потврдија и двајцата на социјалните мрежи.„Во последните неколку дена, јас и мојата сопруга го финализиравме процесот на развод по 13 години брак“, напиша Брејди на Инстаграм story и со тоа дефинитивно потврди дека е готово.„До оваа одлука дојдовме со договор и со благодарност за времето што го поминавме заедно“, додаде тој.Жизел Бундхен ги потврди и гласините за развод.„Одлуката да се стави крај на бракот никогаш не е лесна, но се чувствувам благословена за времето поминато заедно и му посакувам на Том се најдобро“, напиша таа на Инстаграм story и додаде дека нејзин приоритет, како и секогаш, ќе бидат нејзините деца, кои ги сака со сето свое срце.

Магазин | пред 3 години

По 13 години брак се разведуваат Жизел Бундшен и Том Брејди

После 13 години во брак, а скоро две децении во врска, најпознатиот пар во светскиот спорт и посебно во САД се распадна помеѓу легендарниот Том Брејди и некогаш најпознатата светска манекенка Жизел Бундшен, заштитното лице на „Викторијас Сикрет“.Повеќе од еден месец се шпекулираше дека Брејди и Жизел ќе се разведат, откако толкав период веќе живееле одвоено еден од друг и според американските медиуми, двајцата веќе ангажирале адвокати за бракоразводната парница во која во игра е богатство од 400 милиони долари.Брејди и Жизел имаат две деца, 12-годишниот Бенџамин Реина и деветгодишната Вивијан Лејк. Според информациите на медиумите причината за разводот е одлуката на Брејди да ја повлече пензијата, иако на Жизел ѝ ветил дека ќе стави точка на кариерата и дека ќе му се посвети комплетно на семејството.Богатството на Брејди е проценето на 250 милиони долари, а на Жизел од дури 400 милиони за време на нејзината манекенска кариера и кариера како глумица, но од вкупните 650 милиони долари, за поделба ќе се 400 милиони „зелени банкноти“ кои двајцата ги заработиле во периодот од 13-те години додека биле во брак.Останува да се види дали поделбата на богатството и разводот ќе биде експресен или ќе се префрли на под светлоста на таблоидите и секојдневно ќе има пикантерии околу (не)согласувањата за истата.Децата по една недела живеат кај еден од родителите и според најавите најлесно ќе биде постигнат договор за старателството, кое веројатно ќе го добие Жизел, ама Том ќе може кога ќе посака да биде со децата.Ова е трет гламурозен пар кој се разведува во последно време после разводот на Франческо Тоти од Илари Блази и на контроверзните Мауро Икарди и Ванда Нара.

Магазин | пред 3 години