ТОП

Четири лица приведени за планирање терористички напади

Четири лица се приведени, поради планирање терористички напади низ Македонија врз цивилни цели и јавни објекти, како дел од акцијата која МВР ја спороведе на територијата на Гостивар и Струга. Определен им е притвор од 30 дена.Притоворот им е одреден поради сериозноста на делото, можност за повторување на истото и опасност од бегство, информират од Кривичниот суд. Повеќе детали околку оваа акција, но и акцијата во која беа разбиени криминални групи во Арачиново и Чаир попладнево на прес конференција се очекува да обелодени министерот за внатрешни Панче Тошковски.

Македонија | пред 1 година

Во сабота најголем дел од Скопје без вода, поради санација на дефекти

На 21 декември, сабота, јавното претпријатие „Водовод и канализација“ ќе го затвори главниот градски цевковод во кругот на касарната во Ѓорче Петров поради санација на сериозни дефекти. Процесот на санација ќе опфати поправка на еден од поголемите дефекти на улицата Никола Парапунов во Карпош 4, каде веќе десетина дена има излевање на вода на улицата. Цевководот ќе биде затворен до завршување на интервенцијата.„Додатно ќе се санираат и три други дефекти на затворачи по должината на главниот цевковод Ф1600мм, од кружниот тек во Ѓорче Петров до раскрсницата на булевар Партизански одреди со улица Никола Парапунов“, соопштија од „Водовод и канализација“.Затворањето ќе биде направено на локација во кругот на касарната во Ѓорче Петров, при што ќе се исклучи водоснабдувањето на главниот градски цевковод Ф-1600 милиметри. Ова затворање не се случува често, последниот пат било во 1991/1992 година, а зафатот е неопходен за решавање на дефекти од овој тип.Додека се изврши санацијата, жителите на Карпош 4 продолжуваат да се соочуваат со проблеми од поплавени улици, тротоари и зелени површини, со насобран смет, што е сериозен проблем за локалното население.

Скопје | пред 1 година

Дали се вртело на бројот на Вања од телефонот на братот на Палчо?

Првообвинетиот Палевски приговараше по сведочењето на Тодорче Георгиевски и на полицаецот Елвис Ибрахим, кои тврдеа дека додека траел претресот во домот на Палевски, не забележале дека некој врти на телефонот на убиената Вања. Од друга страна, Палевски забележа дека од Обвинителството ниеднаш не го прашале брат му зошто е вртено на бројот на Вања од неговиот број, ниту го повикале за сведок.Сведокот Елвис Ибрахим, виш инспектор во ПС Чаир, ги наведе деталите околу претресот кај Блаже Палевски:„Бев на претресот во село Глуво, кај Блаже Палевски на 03.12.2023 година. Преземавме службени дејствија по наредба на судија на претходна постапка. Претрес на просториите во дом, земавме еден лаптоп еден таблет и Ајфон 6. И ги предадовме за понатамошни испитувања за потребите на колегите од Крвни деликти.Претресот беше околу 20,30 часот, имаше ангажирано адвокат Блаже Палевски, кој присуствуваше на цел претрес. Извршен беше претрес, предметите кои ги наведов се одземени. Дома бeа брат му, сопругата, мајка му. Претресот заврши околу 22 и 30 минути“ - изјави сведокот Елвис Ибрахим.Палевски го праша дали додека траел претресот некој од неговото семејство вртел телефони и дали некој од полицијата вртеле телефон, посочувајќи дали било вртено на телефонскиот број на Вања, на што сведокот одговори дека не забележал такви дејствија.„Во претресот одземени се само наведените телефони. Телефоните на домашните беа пред нас и додека разговараше со адвокатот тоа се одвиваше пред нас. Не беа одземени, беа на увид пред нас“ - рече Ибрахим.Одбраната приговари на овој сведок во однос на тоа дека исказот како таков е невистинит.Сведокот Тодорче Георгиевски, вработен во Единицата за економски и компјутерски криминал, на денешното рочиште за убиствата на Вања Ѓорчевска и на Панче Жежовски, рече дека не забележал дека некој ѝ вртел на Вања додека бил вршен претресот на имотот на братот на првообвинетиот Љупчо Палевски, Блаже Палевски.„Да, присуствував на претресот на 03.12.2023 година. По претходна наредба на началникот се упатив на давање асистенција на колегите од ЕБР, околу одемањето на техниката. Заедно бевме со колегите од ЕБР. Мојот дел беше околу одземањето на предметите, за читањето сериски броеви како што е по однос на привремено одземање на предмети.Дали од некое службено лице е извршено вртење на телефонскиот број на Вања? - од моја страна не беше забележано такво нешто, ниту јас, ниту други лица. Освен од Блаже Палевски кој вртеше кон својот адвокат, друго вртење од моја страна не беше забележанo“ - изјави Тодорче Георгиевски.И овој сведок потврди дека телефоните не биле одземени од лицата кои ги затекнале во домот, туку само ги имале на увид.Првообвинетиот Палевски приговараше по сведочењето на Георгиевски и на полицаецот Елвис Ибрахим, кои тврдеа дека додека траел претресот во домот на Палевски, не забележале дека некој врти на телефонот на убиената Вања.„Оштетеното дете на денот на претресот е пет дена убиено. Ниту брат ми, ниту мајка ми не знаеле број од оштетеното дете Вања и кога им биле одземени телефоните не може да вртат, а просечно интелигентен човек знае дека кога има претрес во дом, се врти на телефон кој може да биде најден во околината. Сето тоа се злоупотребува од ОЈО, на 26 сведоци не најде ниту време ниту можности зошто брат ми вртел на телефон кога детето е убиено веќе пет дена“ - изјави Палевски.Според одбраната, имало записник во ОЈО во кој пишувало дека за време на претресот, било вртено на телефонот на Вања од бројот на Блаже Палевски.На 20 декември продолжува судењето за убиствата на Вања Ѓорчевска и на Панче Жежовски, со изведување материјални докази од обвинението.

Македонија | пред 1 година

Доказите против Палевски за убиствата се цврсти, сменетата изјава на обвинетиот нема вредност, децидни се обвинителките

Сменетиот исказ на обвинетиот Влатко Кешишов кој сега го брани Љупчо Палевски-Палчо, нема доказна вредност во постапката. Ова го изјавија обвинителките Жаклина Крстевска Јосифовска и Ана Стојковиќ Димитровска пред почетокот на денешното судење. Тие се децидни: има материјални докази кои го поврзуваат Палевски со убиствата на Вања Ѓорчевска и Панче Жежовски. Обвинителството уверува дека против првообвинетиот Палевски има цврсти непобитни докази.„Оваа изјава нема доказна вредност, а обвинетите ќе имаат можност да дадат своја одбрана во текот на судењето,“ изјави обвинителката Стојковиќ Димитровска.Според обвинението, Кешишев ја водел полицијата до местото каде биле закопани жртвите и претходно изјавил дека Палчо е сторителот. Но, неговата нова верзија го негира тоа тврдење.Судењето продолжува со испитување на сведоци предложени од обвинителството, а потоа ќе се разгледуваат материјалните докази кои треба да ја утврдат вината на обвинетите.

Македонија | пред 1 година

Полицијата влезе во домот на Груби

Полицијата од утрово врши претреси на повеќе локации поради сомнеж за организиран криминал во Лотарија.Според информации на Скопје1, претрес е извршен и во домот на поранешниот прв вицепремиер Артан Груби.Како што објавивме претходно, тој не е во Македонија, но како што сам објави, во приватна посета е на Косово, а потоа ќе се врати во Македонија.Полицијата го бара и екс директорот на Лотарија, Прпарим Бајрами за кој постои сомнеж дека пред неколку месеци избегал во Косово.

Македонија | пред 1 година

Се претресуваше и апсеше во Арачиново и Чаир: битката била со скопското подземје, акцијата пробиена

Акција на Обвинителството за гонење организиран криминал и корупција била пробиена, па наместо утре, беше спроведена вчеравечер, а таргет беше скопско Арачиново и скопското подземје. Резултатот е неколку уапсени лица, членови на нарко-картели, кои извршувале тешки кривични дела по нарачка.Неофицијално, има лица и до кои не се стигнало поради тоа што успеале да дознаат информации пред полицијата да добие наредба да прави претреси. За реализација на оваа акција беше вклучено Министерството за внатрешни работи, а откако обвинителот дошол до сознанија преку претходни истражни мерки.Според првичните информации, целта на акција е разбивање на кланови кои делувале на територија на Скопје, а дел и надвор од градот. Уапсените се врзуваат и со пукањата кои се случија изминатите месеци. Освен во Арачиново, каде се контролираше влезот и излезот на населеното место, претреси имаше и на неколку локации во Чаир.Повеќе детали се најавуваат за во текот на денешниот ден.

Скопје | пред 1 година

Еден од клучните сведоци во случајот за убиството на Вања Ѓорчевска и Панче Жежовски, кој ги поврзал двата случаи, не е достапен за органите на прогонот

„Во однос на сведокот Гоце Трајковски истиот ОЈО не може да го обезбеди и од МВР доби известување дека не престојува на адресата по лична карта и патна исправа. Не е достапен на органите на прогонот“, рече обвинителот.„Судот и официјално ќе се обиде да го обезбеди па понатаму ќе одлучиме што понатаму“, рече Ивица Стефановски.Адвокатот на Александар Ѓорчевски, Владимир Туфергџиќ бараше обвинителот да се произнеси дали доколку не се обезбеди сведокот, да кажат дали неговото сведочење во Обвинителството ќе го искористи како доказ.Судијата Стефановски рече дека ќе проба да го донесе сведок на рочиште да сведочи, доколку не успее, ќе одлучат како ќе постапат.Судењето за убиството на Панче и Вања почна на 20 септември. Првообвинетиот е Љупчо Палевски, а обвинети се и Боре Видевски, Велибор Манев, Влатко Кешишов, како и таткото на девојчето, Александар Ѓорчевски.Малолетната Вања и велешанецот Панче Жежовски беа пријавени за исчезнати на 27 и 24 ноември минатата година.Тие беа пронајдени мртви во близина на Скопје и Велес на 3 декември 2023 година.На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Македонија | пред 1 година

Јавен оглас за прием на 600 нови полициски службеници

Врз основа на член 79 став 1 од Законот за внатрешни работи („Службен весник на Република Македонија“ бр.42/14, 116/14, 33/15, 5/16, 120/16, 127/16, 142/16, 190/16 и 21/18, „Службен весник на Република Северна Македонија“ бр. 108/19 и 275/19, 110/21 и 89/22) и член 97 став 1 од Законот за полиција („Службен весник на Република Македонија” бр. 114/06, 6/09, 145/12, 41/14, 33/15, 31/16, 106/16, 120/16, 21/18 и 64/18, „Службен весник на Република Северна Македонија“ бр.294/21 и 89/22), а во врска со одредбите од Правилникот за начинот на спроведување на селекција и избор на кандидат за полицаец и начинот на работа на комисијата за избор на кандидат за полицаец („Службен весник на Република Македонија“ бр.8/15 и 130/16, „Службен весник на Република Северна Македонија“ бр.125/22), Министерството за внатрешни работи на Република Северна Македонија, објавуваЈАВЕН ОГЛАСI. За засновање на работен однос на 600 извршители на работно место „Полицаец“ за работа во Министерството за внатрешни работи, и тоа:1. во Сектор за внатрешни работи Скопје ------------------------------------ 300 извршители2. во Сектор за внатрешни работи Охрид -------------------------------------- 30 извршители3. во Сектор за внатрешни работи Куманово ---------------------------------- 15 извршители4. во Сектор за внатрешни работи Штип ---------------------------------------- 35 извршители5. во Сектор за внатрешни работи Тетово --------------------------------------- 20 извршители6. во Сектор за внатрешни работи Битола --------------------------------------- 15 извршители7. во Сектор за внатрешни работи Велес ----------------------------------------- 15 извршители8. во Сектор за внатрешни работи Струмица ----------------------------------- 40 извршители9. во Регионален центар за гранични работи Север -------------------------- 25 извршители10. во Регионален центар за гранични работи Запад -------------------------- 20 извршители11. во Регионален центар за гранични работи Исток -------------------------- 20 извршители12. во Регионален центар за гранични работи Југ ------------------------------- 15 извршители13. во Оддел за специјални полициски операции ------------------------------- 50 извршители1. Кандидатите треба да ги исполнуваат следните општи услови:- да е државјанин на Република Северна Македонија;- да е полнолетен, а да не наполнил 25 години живот ако за првпат заснова работен однос на работно место во Министерството за кое е предвидено средно образование;- активно да го користи македонскиот јазик и неговото кирилско писмо;- со безбедносна проверка да е утврдено дека не постои безбедносен ризик од вработување на кандидатот;- да има завршено најмалку четиригодишно средно образование;- да е здравствено и психофизички способен;- со правосилна пресуда да не му е изречена казна забрана на вршење професија, дејност или должност;- да не е член на политичка партија или член на органи и тела на политичка партија и- да има положено тест за интегритет.2. Кандидатите треба да ги исполнуваат следните посебни услови:- потребна телесна висина од најмалку 175 см. (маж), односно 165 см. (жена)- висока лична физичка подготвеност.3. Заинтересираните кандидати задолжително да достават докази за исполнување на потребните услови за работното место, во оригинал или копија заверена на нотар и тоа:- извод од матична книга на родените,- диплома за завршено четиригодишно средно образование и- две фотографии, со димензии 3,5 см х 4,5 см.Кон пријавата, кандидатот задолжително доставува своерачно потпишана изјава со која потврдува дека истиот не е член на политичка партија или член на органи и тела на политичка партија.Пријавата со потребната документација, кандидатот е должен да ја поднесе ЛИЧНО во едно од определените места за пријавување, и тоа:- Сектор за внатрешни работи Скопје:- Полициска станица од општа надлежност-Гази Баба,- Полициска станица од општа надлежност-Бит Пазар и- Полициска станица од општа надлежност-Карпош.- Сектор за внатрешни работи Битола;- Сектор за внатрешни работи Велес;- Сектор за внатрешни работи Куманово;- Сектор за внатрешни работи Тетово;- Сектор за внатрешни работи Охрид;- Сектор за внатрешни работи Струмица,- Сектор за внатрешни работи Штип.При поднесување на пријавата лицето го наведува бројот на организациската единица за работно место за кое се пријавува согласно точка I од огласот.Кандидатот е должен при поднесување на потребните документи, со себе да носи лична карта или пасош за идентификација.Потребната документација од точка 3, кандидатите ја доставуваат секој работен ден во определениот рок, во текот на работното време (08,00-16,00 часот).4. При поднесување на пријава кандидатот потпишува изјава за доброволно пристапување кон селекција за избор на кандидат за полицаец со неможност за барање на отштета од Министерството во случај на повреда за време на спроведување на селекцијата.5. Постапката за селекција на кандидатите ја спроведува Комисија за избор на кандидат за полицаец формирана од страна на министерот која го определува редоследот на фазите за селекција. Селекцијата се спроведува во следните фази:- Административна селекција на поднесената документација (утврдување на навременост и потполност на поднесената документација, како и исполнетост на пропишаните услови);- Проверка на моторички способности – моторичките способности на пријавените лица се утврдуваат преку изведување на следните вежби:а) „Склекови“, се оценува бројот на правилно изведени склекови во интервал од 10 секунди. Минимален број на склекови за мажи е 9, а за жени е 6.б) „Стомачни подигања“, се оценува бројот на правилно изведени стомачни подигања во интервал од 30 секунди. Минимален број на стомачни подигања за мажи е 16, а за жени е 12.в) „Скок во далечина од место“, се мери должината на скокот од одразното место до доскочното место со петите на нозете. Минимална должина на скокот од одразното место до доскочното место изнесува 220 сантиметри за мажи и 160 сантиметри за жени. Скокот од далечина од место се изведува во два обиди, а во табеларниот преглед се бодира подобриот резултат.г) „Спринт на 20 метри“, се мери времето од стартот до целната линија поставена на 20 метри. Минимално време за мажи изнесува 3,35 секунди, а за жени изнесува 3,50 секунди.д) „Спринт на 100 метри“, се мери времето од стартот до целната линија поставена на 100 метри. Минимално време за мажи изнесува 15 секунди, а за жени изнесува 18 секунди.ѓ) „Трчање на 1500 метри за мажи“, се мери времето од стартот до целната линија поставена на 1500 метри. Минимално време изнесува 5 минути и 25 секунди.е) „Трчање на 800 метри за жени“ се мери времето од стартот до целната линија поставена на 800 метри. Минимално време изнесува 3 минути.ж) Други физички проверки определени од страна на Комисијата.Бодовите од проверка на моторички способности претставуваат збир од добиените бодови од сите поединечни вежби.Доколку пријавеното лице не го исполни утврдениот минимум само на една од поединечните вежби, ќе се смета дека ја поминал фазата проверка на моторичките способности доколку кумулативниот збир на добиените бодови од останатите поединечни вежби изнесува најмалку 21.- Психолошко тестирање (тест за интегритет и психолошки тест)- Писмено тестирање (општо – образовен тест),- Интервју (поединечен устен разговор со пријавеното лице),- Безбедносна проверка и- Здравствени прегледи (проверка на здравствените и психофизичките способности на кандидатите).6. За пријавените кандидати се врши безбедносна проверка врз основа на нивна претходна писмена согласност. Доколку лицето ја одбива безбедносната проверка, се смета дека не ги исполнува условите за засновање на работен однос во Министерството.7. Здравствените прегледи во постапката за селекција за проверка на здравствените и психофизичките способности на кандидатите се утврдуваат од страна на Здравствена комисија формирана од министерот за внатрешни работи.8. При спроведување на селекцијата на пријавените лица им се овозможува под еднакви услови да ги демонстрираат своите способности, независно од полот, расата, бојата на кожата, националното и социјалното потекло, верско уверување, имотна и општествена положба.9. По спроведената постапка за селекција, избраните кандидати за полицаец склучуваат договор за основна обука за полицаец во времетраење од 1 (една) година, која ќе се спроведе во Центарот за обука во Министерството за внатрешни работи и на истата се упатуваат за 10% поголем број кандидати за полицаец од бројот на слободни места за кои е распишан овој оглас, односно во Центарот за обука ќе бидат упатени вкупно 660 кандидати.10. По завршување на основната обука Министерството за внатрешни работи и кандидатот за полицаец, кој ја завршил основната обука за полицаец и кој врз основа на постигнатите резултати соодветно е внесен во ранг листата склучува Договор за вработување во Министерството, со кој кандидатот за полицаец се стекнува со статус „полицаец – приправник".Со договорот за вработување се уредуваат меѓусебните права и обврски и се утврдува дека полицаецот е должен да остане на работа во Министерството најмалку пет години сметано од денот на склучувањето на договорот за вработување. Во спротивно, истиот е должен да ги надомести трошоците направени за неговата обука зголемени за три пати.11. Рокот за доставување на пријавите изнесува 15 (петнаесет) дена, сметано од наредниот ден од денот на објавување на јавниот оглас (не сметајќи го денот на самото објавување).12.Ненавремената и непотполната документација нема да се разгледува.

Македонија | пред 1 година

Три земјотреси во Македонија: се тресеше тлото, во Скопје слушнал и звук

Три земјотреси, од кои најсилниот со јачина од 3.2 степени според Рихтеровата скала, се регистрирани еден час по полноќ во Македонија.Според првичните податоци од Европско-медитеранската сеизмолошка опсерваторија (ЕМСЦ), прв бил токму најсилниот земјотрес, во 1:12 часот, со епицентар во близина на Дојран, на длабочина од 11 километри. По само една минута, на истото место имало помал потрес од 2.2 степени.Десетина минути подоцна, се тресеше и во Скопје, а земјотресот, исто така според првичните информации, бил на длабочина од 13 километри, со јачина од 2.5 степени и епицентар кај граничниот премин „Блаце“ кон Косово.Граѓаните кои пишуваат на веб-страницата на ЕМСЦ дека го почувствувале овој земјотрес, главно се од Скопје и од местата северно од главниот град. Според нивните пошувања, потресот бил кус, а слично како и во Гевгелија и околината, многумина велат дека непосредно пред земјотресот или паралелно со него, слушнале и карактеристичен звук.

Македонија | пред 1 година

Биткоинот ја достигна највисоката вредност во историјата

Биткоинот се искачи на ново рекордно високо ниво, продолжувајќи го трендот за време на кој цената на криптовалутата се зголеми за повеќе од 50% од победата на Доналд Трамп на претседателските избори во САД на 5 ноември. Најголемата криптовалута во светот утрово накратко премина 106.000 долари, пред да се врати на околу 104.500 долари на азискиот пазар.Се верува дека новата администрација на Трамп ќе биде многу поповолна за криптовалутите од администрацијата на Бајден. Во четвртокот, новоизбраниот претседател на САД повтори дека размислува да создаде национални залихи на дигитални валута, слична на стратешките нафтени резерви на земјата.„Порастот на биткоинот од изборите е параболичен... Многу инвеститори веруваат дека е можна цена од 120.000 долари до крајот на годината, а потоа за 2025 година се зборува за повеќе од 150.000 долари до средината на годината“, рече Питер МекГваер од платформа за тргување XM.com за BBC.Претходно овој месец, Трамп го именуваше Дејвид Сакс, претприемач од Силиконската долина, за негов човек за вештачка интелигенција (ВИ) и криптовалути. Сакс е поранешен извршен директор на PayPal и близок пријател на советникот и мегадонор на Трамп, Илон Маск.Трамп, исто така, најави дека ќе го номинира Пол Аткинс, адвокат од Вашингтон, кој е верен поборник за криптовалути, за шеф на Комисијата за хартии од вредност (КХВ). Минатиот месец, актуелниот шеф на ДИК, Гери Генслер, најави дека ќе поднесе оставка од функцијата на денот на инаугурацијата на Трамп, 20 јануари следната година.

Свет | пред 1 година

(Видео) Зимзоленд се жали на опструкции од Арсовска: Секој ден од сабајле до вечер имаме проблеми со нив

Организаторите на „Зимзоленд“ во Аеродром се жалат дека постојано се мета на притисоци од Град Скопје и градоначалничката Данела Арсовска. Атанас Стојковски, за „Скопје1“ посочува „Дел од инспекторите кои не посетуваат и доаѓаат самите се жалат дека имаат наредба и притисок да бидат присутни тука, да пишуваат казни, да нѐ малтретираат нас, да ги ги малтретираат граѓаните. Со директна наредба од градоначалничката.„Цело време имаме инспекција од Град Скопје. Град Скопје без никакви опомени, без никакво предупредување, без никаков правилник, ни да кажат дали нештото е во ред или не, ни пишуваат казни, ни ги бркаат гостите. До сега имаме повеќе од 500 пријави од граѓани, казнети за фрлање на смет, кој нема ни каде да се фрли, може да видите. Имаме куп граѓани нѐ само од Скопје туку од внатрешноста дека им се подигнати и не знаат кај им се колите од пајак службата, по директна наредба од Град Скопје. Секој ден од сабајле до вечер имаме проблеми со нив“, рече Стојковски за „Скопје1“.Прашања за оваа тема поставивме до градоначалничката Данела Арсовска.„Има обвинувања кон Град Скопје и кон вас дека вршите притисоци на Зимзоленд, со цел, да предизвикате непријатности да го затворите просторот. Ваши инспектори ги забележавме кај Зимзоленд, како седат во кола и даваат постојани насоки за казнување. Колку граѓани казнивте на Зимзоленд во текот на денешниот и изминатите денови? Колку автомобили и по чија насока се собрани само од пред Зимзоленд, а колку вкупно во цело Скопје во текот на изминатата недела? Зошто го таргетирате Зимзоленд да казнувате граѓани кои дошле да почувствуваат новогодишна магија, кога истовремено, немате организирано ништо? Зошто казнувате граѓани за фрлање отпад кога со Комунална ги немате испразнето контејнерите за да има простор за отпад? И последно: Не ви е малку незгодно?“, стои во пораката до Арсовска на која немаме одговор.Организаторите на „Зимзоленд“ се жалат и дека лицето Александар Јовановски, вработен во Град Скопје како помлад соработник за трговија и занаетчиство им се претставува како инспектор.„Лицето кое ми го покажавте се појавува тука секој ден во различни периоди во денот, се претставува како инспектор од Град Скопје, не покажува легитимација, избегнува разговори. Ние неколку пати сме се обиделе на културен начин да ни се легитимира, да ни каже кој е, што сака од нас... Освен тоа што нѐ фотографира нас со телефон, фотографира многу голем дел од граѓаните, фотографираат возила, таблици од возилата. Не е само тоа лице, пуштени се многу лица без легитимација, без ништо, за да прават такво фотографирање. Он бега, се затвора во кола, заминува. Потоа пак доаѓа“, рече Стојковски кој е дел од организацијата.„Скопје1“ го затекна лицето и вечерва кај „Зимзоленд“. Го прашавме зошто се претставува дека има инспекциски надлежности, како и што прави со легитимацијата од Град Скопје – тој не одговори.Организаторот е дециден дека ги имаат сите документи и сите дозволи, а дека надлежност на местото каде е „Зимзоленд“ нема Град Скопје. Се пожалија дека утрово имале и нови опструкции – им бил заграден дел каде граѓаните се паркирале.

Скопје | пред 1 година

(Видео) Ужасна несреќа: Автомобил со скопски регистрации влезе под приколка од камион

Тешка сообраќајка кај Марковац на пат од Ниш кон Белград. Од снимката се гледа како возило со скопски регистрации удрило во камион.Состојбата на учесникот не е позната. Има голем сообраќаен метеж.Детали се чекаат од српското МВР.

Свет | пред 1 година

УЈП констатираше дека „гивавејот“ е наградна игра, активностите ги откажувам, извлекувањата ќе бидат од студио, објави Лазаров

Јутуберот Стефан Лазаров потврди дека вчера имало инспекција од УЈП додека го спроведувале „гивавејот“ во штипскиот клуб. Констатирале дека станува збор за наградна игра, а Лазаров не се сложува со тоа и најавува дека ќе поднесе жалба.„Поради ново настанатата ситуација вчера и вчерашната контрола од УЈП, во која инспекторите констатираа дека е наградна игра наредните планирани настани ги откажувам, но Giveawayot продолжува и извлекувањата ќе се одвиваат од моето студио 'Лазаров Поткаст'“, пишува Лазаров.[caption id="attachment_317223" align="alignnone" width="1178"] Screenshot[/caption]Тој посочи дека влезницата не била услов за учество во „гивавејот“ и наведува пример за тврдењето.„Во наредните неколку денови ќе поднесам забелешка заедно со мојот правен тим на констатацијата од инспекторите кои со свои очи увидоа дека влезницата не е услов за учество на Giveawayot, туку е влезница за целата програма во која имаше ревии, бенд со музика, стенд ап комичар и изведувач на конги. И истите влезници се продавани од страна на Clique Cabaret за кои имаат фискални сметки. Наголем доказ за истово е момент со дечкото кој не го доби телефонот поради тоа што ja немаше лајкувано фотографијата, а со тоа не ги имаше исполнето условите за учество во Giveawayot!“, додава Лазаров.

Македонија | пред 1 година

Детали за терористичката група: „Имале поддршка од екстремистички групи, за да прават несакани настани во Македонија“

Уапсени се четири лица под сомнение дека планирале да сторат тероризам, посочи министерот за внатрешни работи, Панче Тошковски. Според неговата изјава, тие со лица кои не се во Македонија, планирале „несакани настани“. Изминатата вечер МВР разби терористичка група во струшко-гостиварскиот регион. Се уште се постапува, а акцијата е под палка и на Обвинителството за гонење организиран криминал и корупција.„Станува збор за терористички организации, четири лица се лишени од слобода. Тие, во соработка со лица кои не се на територијата на Македонија, подолг временски период се следат од страна на надлежните безбедносни органи и во соработка со меѓународните пријатели е постапено координирано. Имаме доста докази во насока на поткрепено основано сомнение дека овие лица постапувале во насока да организираат во иднина одредени несакани настани кои би можеле да ја загрозат безбедноста како на Македонија, така и на други држави. Нивната цел била да индоктринираат останати луѓе од Балканот кои би можеле да делуваат соодветно во насока на реализација на нивните цели“, рече Тошковски и додаде:„Кривичното дело за кое е поднесена пријава е 'терористичка организација', а во однос на мотивите имаме основани сомненија дека се поврзани со одредени групации кои се во поддршка на одредени екстремистички и религиозни групи“.Од Обвинителството за гонење организиран криминал и корупција за „Скопје1“ посочуваат дека по случлајот се уште се постапува, се вршат претреси, се обезбедуваат докази. Детали најавија во текот на утрешниот ден. Тие посочуваат дека ја очекуваат кривичната пријава, која до овој момент не ја добиле.

Македонија | пред 1 година

Комунална го кара Герасимовски: Светилките се на височина под законскиот минимум, барајте одговорност од фирмата која зема илјадници евра

„Невистинити се тврдењата на градоначалникот на општина Центар, Герасимовски, кој изјавил дека дека Јавното претпријатие Комунална хигиена-Скопје го уништувало тоа што општината го украсила“, велат од ЈП Комунална и додаваат:„Камионот на ЈП Комунална хигиена-Скопје кој го подигнува отпадот во општината Центар, не искинал светилки на сообраќајницата во општина Центар, туку тие се поставени под законски утврдениот минимум од 4,7 метри височина.Градоначалникот треба да знае дека истото комунално возило на истата таа траса собира отпад веќе 10 години, возилото е високо 3 метри и никогаш не би имало проблеми доколку каблите што ги поставила општината Центар се монтирани соодветно законски на височина од 4,7 метри.Наместо да го обвинува Јавното претпријатие Комунална хигиена-Скопје, градоначалникот Герасимовски треба да побара одговорност, и материјална и кривична, од фирмата која од општината зема илјадници евра, а ги загрозува безбедноста во сообраќајот и воопшто безбедноста на скопјани“.

Скопје | пред 1 година

Ди-џејот Љупчо во Радишани починал од насилна смрт: Семејството гневно, по пет месеци обвинителката сега пак ќе вештачи

Младиот ди-џеј Љупчо Лешко загинал од насилна смрт додека пуштал музика на приватна забава во скопско Радишани. Ова е конечниот став на Судска медицина по скоро пет месеци откако ја започнаа обдукцијата. Со ова, се потврди тврдењето на родителите дека нивниот син не починал од срцев удар како што, им тврдел вработен инспектор од МВР. Иако е утврдена причината за смртта, и натаму, не е утврдено од што е предизвикана и што било неисправно. Нема осомничени, ниту лица кои биле во притвор. Родителите, Раде и Кети Лешко, го вперија прстот во сопствениците на приватниот објект. Обвинителката Тања Трајчевска наредила нови вештачења.„Обезбедени се сите апарати кои биле поставени за пуштање на музика. Испитани се сведоци заради разјаснување. На сите прашања е дадена наредба за електро-техничко вештачење пред една недела. Дадена е наредбата за вештачењето да биде завршено во рок од 30 дена“, кажа обвинителката Трајчевска на брифинг со новинарите.На забелешката од „Скопје1“ зошто требало да поминат пет месеци за да се даде наредба за ново вештачење дури сега, кога за пет месеци може да се смени цела инсталација во објектот – таа одговори: „ Кога се случи настанот имаше електро-инженер присутен, беше направен увид, и вештото лице сега ќе има во предвид се од настанот, сликани се таблите. Нема да има проблеми. Мислам дека ќе има соодветно електро-техничко вештачење“, додаде обвинителката.Болката на семејството Лешко е уште поголема. Неговата сестра, Стефанија Лешко, ги прашува институциите што планираат понатаму, бидејќи се сигурни дека постојат доволно докази за да се покрене кривична постапка против газдите на објектот.„Денес,по нецели 5 месеци добивме извештај од судска медицина во кој сомнежите на мене и моето семејство се потврдија. Причината за смрт на мојот брат е струен удар.Покрај сите докази и изјави би сакала јавно да ги прашам институциите "понатаму што?". Уверени сме и сигурни дека не е несреќен случај и мислиме дека ЈО има доволно докази за да поведе кривична постапка против сопствениците на објектот. Исто така,сакам да упатам апел до јавноста,особено до родителите дека во Скопје и цела Македонија има премногу објекти кои работат без дозвола за вршење на таква дејност,со кои државата и инспекторатите би требало да се позанимаваат најмногу поради постоење на голем ризик од вакви случаи со смртен исход“, вели Стефанија Лешко за „Скопје1“.Во поткастот „Претрес“, родителите на Љупчо, отворено зборуваа за сѐ што се случило кобната ноќ. Сметаат дека постојат пропусти при увидот, но имаат и сомневање дека не се преземени сите мерки за да се утврди точната причина, па потенцираа дека објектот никогаш не бил запечатен. Тие посочија дека дури им била вратена миксетата од која Љупчо пуштал музика, па ја донесоа во студио. Иако тоа е возможно, останува отворено прашањето, зошто миксетата им била вратена од МВР, кога, истата е дел од доказен материјл, кој подоцна, може да биде предмет и на ново вештачење. Целиот разговор погледнете го тука:?list=PLm6WbTW4gkMm9SA3GYzjLPE0VWu1c-A7d&t=5108

Македонија | пред 1 година

Боки 13: Поради нанесениот, преживеан стрес и влошеното здравје, се повлекувам од појавување на „гивавејот“ на Лазаров

Бојан Јовановски-Боки 13, се повлекува од појавување во јавност со Стефан Лазаров на најавените настани за „Гивавеј“, со Стефан Лазаров.„Поради нанесениот и преживеан стрес, а во насока на мојата влошена здравствена состојба, ви соопштувам дека во овој момент се повлекувам од моето јавно појавување како гостин и промотивно лице на забавниот инстаграм формат GIVEAWAY кој е во организација на мојот најдраг пријател Стефан Лазаров. Му давам максимална морална и пријателска поддршка на Стефан за успешно завршување на проектот. Ви благодарам од срце на сите за вашата најискрена поддршка која ми ја дадовте во огромен број во овој период“, напиша Јовановски-Боки 13.Тој додаде: „П.с бедна е среќата која се темели на нечија болка и солзи…“.Лазаров вчера се пожали дека против него и Боки 13 се води хајка.„Едно нешто ќе побарам. Не верувајте на сѐ што читате, повторно организирана хајка. Ние ќе продолжиме да правиме добри дела, а за другиот дел се ќе си биде докажано. Да сте ми живи и здрави“, објави Лазаров.

Магазин | пред 1 година

(Видео) Град Скопје не само што ги остави скопјани без празнично украсен град, туку го уништува и тоа што Центар го постави, обвини Герасимовски

Горан Герасимовски, градоначалник на Центар, го обвини Град Скопје кој го раководи Данела Арсовска дека ги уништува празничните украси на неговата општина, откако ги оставиле скопјани без новогодишна магија.„Град Скопје не само што ги остави скопјани без празнично украсен град за Нова Година, туку сега и го уништува тоа што општината го украси! Камионот на ЈП Комунална Хигиена, под ингеренции на Градот, помина низ Центар, ги искина сијаличките и продолжи како ништо да не се случило. Ова ли е одговорно однесување кон празничната атмосфера?“, вели Герасимовски.Инаку, до овој момент, неколку пара на сијалични се закачни на Рекорд и плоштадот. Булеварите останаа без светилки, а дел од скопјаните имаат низа забелешки поради тоа.Молкот и нетранспарентноста е одлика од Град Скопје изминатите години. ПР секторот во нашиот случај, е активен само кога Данела Арсовска се расправа со неистомисленици преку соопштенија. Па така, неодговорени останаа прашањата колку чјни годинешното украсување, како е завршена набавката кога нема тендер, до кога ќе е завршено украсување на скопските улици, но и каде се ланските светилки со кои се фалеше Арсовска. Поради информациите дека ланските украси „исчезнале“, прашавме, и дали е точно, како и чија е вината. Добивме - ингорирање.

Скопје | пред 1 година

ЦУК: Шест изгубени скијачи на Попова Шапка се пронајдени и потоа безбедно се вратиле во нивните домови

Преку Единствениот повикувачки број за итни случаи 112 во ЦУК беше добиена пријава дека на Попова шапка шест (6) лица се изгубиле, не можеле да се ориентираат и побарале помош. Конкретно, со скии-лифт се качиле горе на скијачките патеки и кога се обиделе да се спуштат надолу паднало многу густа магла, а и поради снегот што бил нов и немало изгазена патека од други скијачи тие не можеле да се ориентираат за правец за спуштање. Согласно ситуацијата скијачите се јавиле за помош на 112.Од ЦУК веднаш биле известени СВР Тетово и раководителот на РЦУК Тетово. Во меѓувреме, лицето вработено на ски-лифтот пронашло пет (5) од изгубените лица, а подоцна во 16.15 часот го пронашло и шестото изгубено лице. Прво сите биле згрижени во полициската станица на Попова Шапка, а потоа безбедно се вратиле во нивните домови.

Македонија | пред 1 година

Почнува кампањата „Помалку трошоци, повеќе за тебе - Се грижиме“ - Новогодишната потрошувачка кошничка по намалени цени од најмалку 10 проценти опфаќа над 800 производи

„Од денеска почнува кампањата „Помалку трошоци, повеќе за тебе - Се грижиме“ која опфаќа над 800 прехранбени производи со намалени цени од најмалку 10 проценти“, вели Владата и додава:Во новогодишната потрошувачка кошничка листа спаѓаат леб и житарици, пекарски производи, месо и преработки од месо, риба, млеко и млечни производи, кондиторски производи, свежо, замрзнато и конзервирано овошје и зеленчук, безалкохолни (газирани и негазирани) напитоци, алкохолни пијалаци (вино и пиво) и друго.Кампањата ќе трае до 15 јануари 2025 година, а секој производ на рафтовите во маркетите ќе биде соодветно означен.Државниот пазарен инспекторат ќе врши контрола низ маркетите за да се утврди дека се почитува договорот постигнат помеѓу Владата и трговците.Во моментот вклучени се над 80 компании, а очекуваме и други компании и маркети да се приклучат со што листата во новогодишната потрошувачка кошничка би се проширила со над 1000 производи.Преку оваа мерка директно помагаме за подобрување на животниот стандард на граѓаните новогодишните празници да ги поминат во пристојни услови.Дадовме ветување пред граѓаните и се обврзавме на посветено, одговорно и домаќинско работење.Носиме мерки во интерес на граѓаните, ја враќаме надежта и градиме иднина за сите.

Македонија | пред 1 година

Груби и натаму таргет: Вреди бараат да не биде професор, ВМРО-ДПМНЕ одговорност поради мешање во судството

Новиот извештај на американскиот Стејт департмент, кој го објави Артан Груби како личност вмешана во корупција во контекст на спасувањето на Сашо Мијалков, предизвика бурни реакции во јавноста. Коалицијата Вреди повика дека личност како Груби нема место меѓу студентите.Студентите се сегашноста и иднината на оваа земја. Тие имаат право да се образуваат од личности кои се пример за чесност, професионалност и интегритет. Последниот лик на црната листа, Артан Груби, не може да биде амнестиран со статус на Фејсбук, каде што изјави дека се повлекува од јавниот живот. Ова е недозволиво и Универзитетот во Тетово треба да се сеќава на својата генеза и да не му дозволи на слуга на Сашо Мијалков да предава. Дали Артан Груби ќе се повлече од Универзитетот во Тетово? Младите не можат да се образуваат под влијание на личност која е вмешана во судски постапки и корупција. Универзитетот во Тетово треба да го оддалечи Артан Груби и да ги заштити студентите од оваа личност на црната листа, која злоупотребила јавна функција и стана слуга на Мијалков“, вели Вреди.ВМРО-ДПМНЕ во последното соопштение ги обвини Артан Груби и неговите соработници од СДС за системско мешање во правосудството во текот на седумгодишното владеење на коалицијата. Според партијата, со притисоци врз судиите и обвинителите, судските одлуки се носеле под нивен диктат.„Артан Груби, поддржан од СДС, со години влијаел врз судството. Судиите и обвинителите се бирале во партиските штабови на СДС и ДУИ, а одлуките што ги носеле биле под негов диктат. Колку одлуки биле донесени под диктат на Артан Груби, и колку предмети се спречени да стигнат до суд? Колку пари зел Артан Груби за да влијае врз судски одлуки? Со кого ги делел парите што ги спечалил на сметка на правдата?“, велат од ВМРО-ДПМНЕ.

Македонија | пред 1 година

Згасна етаблиран струмички телевизиски канал по 33 години

По три децении постоење, регионалната телевизија Канал ВИС од Струмица ги затвори своите врати, оставајќи го градот без единствената телевизија што информираше за локални и регионални настани. Сигналот е изгаснат веќе неколку дена, а вработените се пријавени во Агенцијата за вработување, пренесува „сдк.мк“.Телевизијата, која беше една од најстарите во земјата, започна како локална медиумска куќа, а во последните десет години функционираше како регионален сервис. Канал ВИС беше дом на повеќе од десетина новинари, сниматели и технички персонал, но од летово тимот беше сведен на минимум.Во август 2024 година, АВМУ ја одзеде концесијата на Канал ВИС поради неплатен годишен надоместок и недоволен кадровски капацитет. Иако менаџментот подоцна ги подмири обврските и ја врати концесијата, телевизијата продолжи со минимална програма до ноември. Потоа, вработените добија откази, со три неисплатени плати.

Македонија | пред 1 година

(Видео) Пак дивеење во Центар, се бара итна реакција

Градоначалникот на Општина Центар, Горан Герасимовски, синоќа побара од Министерството за внатрешни работи веднаш да реагира на вандалското однесување на одредени поединци – малолетници во населбата Капиштец во центарот на Скопје. Тој на социјалните мрежи објави видео на кое се забележува како малолетни лица кршат шишиња, пукаат петарди и се тепаат во доцните ноќни часови во населбата. Герасимовски напиша оти веднаш ќе го пријават случајот и оти очекуваат МВР да поведе истрага.„Ова не е изолиран инцидент, туку континуиран проблем кој бара итна реакција. Како одговорни граѓани, веќе поднесовме пријава до надлежните институции и апелираме до Министерството за внатрешни работи веднаш да преземе мерки за справување со овие недолични активности и да поведе детална истрага,“ истакна Герасимовски.Општината апелира до Министерството за внатрешни работи да преземе брзи и ефикасни мерки за справување со ваквите појави, со цел да се спречат потенцијални трагични последици.

Скопје | пред 1 година

Муцунски: Поранешни амбасадори ја направија дипломатијата најслаба карика на државата – мора да работиме одговорно и да не дозволиме повторување на такви постапки

„За жал, недостатокот на знаење кај поранешните амбасадори и генерални конзули ја доведе дипломатијата во состојба да биде најслабата карика на државата. Мора да работиме одговорно и нема да дозволиме вакви постапувања во иднина,“ истакна министерот за надворешни работи и надворешна трговија, Тимчо Муцунски, во вечерашното гостување во Дневникот на Сител телевизија, говорејќи за индициите за потенцијални злоупотреби.Муцунски зборуваше за работењето на дел од дипломатите, нагласувајќи дека имало сериозни постапки спротивно на законите, за кои ќе следи соодветна законска одговорност. Говорејќи за поранешниот амбасадор Љубомир Фрчкоски, министерот информираше дека министерството е во завршна фаза од ревизијата, при што првичните наоди од финансиско-материјална точка се застрашувачки.„Имаме амбасадори кои заборавиле кого претставуваат и дека имаат обврска да го штитат јавниот интерес. Тоа е тенденција која траела подолг период, за што мора да има институционална одговорност. Ние, како раководство на министерството, нема да дозволиме вакво нешто да се случува во иднина,“ нагласи Муцунски.За работењето на амбасадорот и поранашен заменик министер за надворешни работи, Андреј Жерновски, министерот изрази жалење што, според него, Жерновски не прави разлика помеѓу копии од акредитивни писма и акредитивни писма. „Со дејствувањето на Жерновски, државата беше доведена во подредена положба, а нашите интереси беа нарушени. Разочаран сум што поранешен заменик министер не прави суштинска разлика помеѓу копија од акредитивни писма и акредитивни писма,“ изјави Муцунски.Тој спомена и случај каде генерален конзул бил именуван спротивно на законот, кој експлицитно бара високо дипломатско звање за вакво именување. „Ова покажува дека правилата и процедурите не се почитувале, и за тоа ќе има одговорност во рамките на МНР, како и кривична одговорност во други институции. Ние ветуваме дека законите ќе се почитуваат, а отчетноста и одговорноста ќе бидат приоритет,“ додаде тој.Во однос на пополнувањето на амбасадорските места во земјите од стратешки интерес, Муцунски изрази очекување дека до крајот на годината ќе бидат познати дел од потенцијалните имиња за овие позиции.Говорејќи за предложените измени на Законот за надворешни работи, Муцунски изјави дека денес е историски ден за државата, подвлекувајќи дека предложените измени се насочени кон подигнување на квалитетот и професионалноста на дипломатијата.

Македонија | пред 1 година

Фрчковски до Муцунски: Ова и од неискусен министер е сепак премногу наивно и манипулативно

Амбасадорот Љубомир Фрчкоски, одговори на тезите од министерот за надворешни работи Тимчо Муцунски, искажани на прес конференцијата на Министерот за надворешни работи:„Министерот за надворешни работи Тимчо Муцунски, денес, одговарајќи на новинарско прашање, рече дека МНР спровело истрага за работата на Амбасадорот во Постојаната мисија на Северна Македонија во ООН, Љубомир Фрчкоски, и импровизираше дека во неа; Тој видел финансиски злоупотреби со шестоцифрени бројки...; но за нив не можел ништо да зборува...; туку ќе го предадел наводниот Извештај на правосудните органи кои понатам, ако одлучат, ќе постапувале...Ова и од неискусен министер е сепак премногу наивно и манипулативно за јавноста. Го повикувам Министерот јавно, со минимум аргументи и докази, да покаже случај на, не мора шестоцифрена, ако му е многу, еве на двоцифрена злоупотреба на финасиски средства што јас сум ја направил надвор од овластувањата, кои со Законот за надворешни работи се овластувања на секој Амбасадор – и со тоа сум го оштетил буџетот или приватно сум злоупотребил средства од сметка на Амбасадата.Го повикувам исто така Министерот да не прави крупни, елементарни правни пропусти (за да добие посакуван резултат со конструирање на наводни злоупотреби), праќајќи во ревизија нелиценцирани, ненадлежни ревизори во пензија (за што има докази и сведоци) – чија “истрага и акти – Извештај“ не може да бидат користени како никаков правен доказ ниту во дисциплинска ниту во судска постапка. Имено, да не води “вмровски истраги“ туку да води нормални истраги, ако воопшто сака и има намера да дојде до вистината и фактите.

Македонија | пред 1 година