„Љупчо Палевски Палчо се наоѓа во авион на TURKISH AIRLINES од ISTANBUL лет број TK 1005. Очекувано време на слетување ETA е во 19:30 часот на меѓународниот аеродром Скопје“ соопштија на ФБ станицата на политичката партија ДЕСНА чиј претседател беше Љупчо Палевски Палчо.Тој беше сменет од партиската функција на 16-ти јануари годинава.
Македонија | пред 1 година
Во истажниот затвор Шуто Оризари се спроведуваат посебни оперативни мерки поради екстрадицијата на Љупчо Палевски Палчо. Во затворот се пристигнати специјални единици, а сите затвореници се под клуч односно како одделенијата така и ќелиите.Командирите издале наредби дека никој не смее да излегува надвор од местото каде што издржуваат затворска казна без разлика дали во отворено или полуотворено одделение.
Македонија | пред 1 година
„Човекот кој што рече не седи по влечки, излези надвор, бори се за својата држава, бори се за својата држава, тој истиот човек, прв нè нападна. Не ги дочека првите петли. Рече насилниците да бидат настрого казнети. Нели е така? Никола Груевски“ одговора Игор Југ во Поткастот „Претрес со Ландов“ на прашањето кои се тие кои го наместиле како што посочи во 2018 година.„Ние како оперативци во партијата ги вршевме сите работи, почнуваме од лепење плакати завршуваме со обезбедување на конкреси, на големи митинзи, завршуваме со агитации, со обработки на терен. Значи ние работевме се, ние ги вршиме нивните работи, а ти прават круг од 10 луѓе, го затвораат кругот и нас не маргинализираат и велат дека го нарушуваме угледот на партијата“ вели Југ во „Претресот со Ландов“.Старите вмровци беа оставени на маргините, за кои Груевски се дрзна да каже дека го нарушуваме имиџот на партијата, потенцира Југ во „Претресот со Ландов“.„Никола Груевски е добар економист и беше добар премиер, но Никола Груевски како претседател на една демохристијанска партија е негативна нула. Никола Груевски од ВМРО-вска идеологија нема „И“. Никола Груевски од ВМРО-ДПМНЕ направи бегалски камп “ тврди Игор Југ.Ги поставуваме и вашите прашања, кои можете да ги напишете во коментар во LIVE-CHAT-от на „јутуб“ - СЛЕДЕТЕ ВО ЖИВО:https://www.youtube.com/live/OGij5roTJhA?si=rltggkapH3MmHe7R
Македонија | пред 1 година
Љупчо Палевски Палчо е зад решетки во затворот во Шутка.„Екстрадиран Љупчо Палевски, пренесен е во КПУ Затвор Скопје Министерството за внатрешни работи ја известува јавноста дека денеска (15.05.2024) полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница за истрага за кривични дела „грабнување" и "убиство“ по издадена наредба XV KO бр 3047/23 од Основното јавно обвинителство Скопје. Лицето е пренесено во КПУ Затвор Скопје“ велат од Министерството за правда.Тој денеска беше екстрадиран од Турција со комерцијален лет на „Turkish Airlines“.Тој е сместен во притворското одделение бидејќи уште првиот ден кога беше пронајдено телото на Вања му беше веќе му е одреден 30-дневен притвор, а неофицијално и таму за него ќе важат посебни безбедносни протоколи.Во истражниот затвор Шуто Оризари се спроведoa посебни оперативни мерки поради екстрадицијата на Љупчо Палевски Палчо. Во затворот присутни се специјални единици, а сите затвореници се под клуч односно како одделенијата така и ќелиите.Командирите издале наредби дека никој не смее да излегува надвор од местото каде што издржуваат затворска казна без разлика дали во отворено или полуотворено одделение.Палевски е обвинет за две тешки дела: „киднапирање“ и „брутално убиство“ на Вања Ѓорчевска и Панче Жежовски.Палчо првично избега во Србија, па преку Бугарија стигна во Турција, каде тамошната полиција го уапси на 6 декември во Баликесир.
Македонија | пред 1 година
Осудениот за „27 април“, Игор Југ, за кого обвинителката Вилма Русковска кажа дека имал задача да го елиминира Зоран Заев, а експремиерот Заев кажа дека е лик без храброст, е гостин во подкастот „Претрес со Ландов“. Ќе ги поставиме сите прашања кои во изминативе седум години немале одговор, а со оглед дека Југ издржува затврска казна од 11 години затвор.Кој е Игор Југ, хрватски националист, усташ, бугарски платеник, македонски патриот?! Носеше ли пиштол во Собранието на 27 април и ако да, зошто? Имало ли договор и со кого? Се познавал ли со Александар Василески-Нинџа, кој што беше сведок во „27 април“?Ќе бараме и одговор кои се политичките елити за кои Југ рече дека се директни и индиректни творци на 27 парил. Зошто му најави на Груевски дека ќе му врати за тоа што ги предал?Ги поставуваме и вашите прашања, кои можете да ги напишете во коментар во LIVE-CHAT-от на „јутуб“ - СЛЕДЕТЕ ВО ЖИВО:https://www.youtube.com/live/OGij5roTJhA?si=5h2Hv9pF8MkbDo81
Македонија | пред 1 година
Љупчо Палевски Палчо слета на скопскиот аеродром. Следната дистинација на Палчо е истражниот затвор во Шутка. Таму го чека посебна ќелија под посебни протоколи за што веќе објави Скопје1.Палевски е првоосомничен за убиството на 14 годишната Вања Ѓорчевска и пензионерот Панче Жежовски, и во обид да избега беше уапсен во Баликесир Турција.Во истажниот затвор Шуто Оризари се спроведуваат посебни оперативни мерки поради екстрадицијата на Љупчо Палевски Палчо. Во затворот се пристигнати специјални единици, а сите затвореници се под клуч односно како одделенијата така и ќелиите.
Македонија | пред 1 година
На 14.05.2024 во 22.00 часот на подрачјето на Карпош, полициски службеници од Единицата за интервентна полиција при СВР Скопје го привеле П.П.(22) од Република Србија, затоа што кај него бил пронајден нож. По целосно документирање на случајот ќе следува соодветен поднесок.На 14.05.2024 во 17.15 часот во СВР Скопје, С.Б.(60) од Скопје пријавила дека околу 10.20 часот на автобуска постојка на Транспортен центар-Скопје била физички нападната од едно лице - возач на автобус на ЈСП. Се преземаат мерки за расчистување на случајот.Денеска (15.05.2024) во 01.00 часот во СВР Скопје, 42 - годишна жена пријавила дека во домот на подрачјето на Бутел била физички нападната од нејзиниот сопруг Ф.Ч. и од нејзиниот свекор Ј.Ч., при што сопругот употребил и тврд предмет. Се преземаат мерки за расчистување на случајот.На 14.05.2024 во 20.00 часот во СВР Скопје, И.И.(18) од Скопје пријавил дека околу 17.40 часот во с.Петровец, скопско, по претходно недоразбирање во сообраќајот, бил физички нападнат од едно лице. Се преземаат мерки за расчистување на случајот.На 13.05.2024 во 19.30 часот во СВР Скопје, Т.С.(62) од с.Огњанци, скопско, пријавил дека во селото, по претходна расправија, бил физички нападнат од неговиот соселанец М.Д.. Се преземаат мерки за расчистување на случајот.
Скопје | пред 1 година
Извршен е атентант на словачкиот премиер Роберт Фиц, а бил погоден во стомакот и градите, пишува тамошниот веник „Правда.Според дел од словачките медиуми, состојбата на повредениот премиер е сериозна, но неговиот живот е надвор од животна опасност и наскоро ќе биде опериран. Според извештаите, тој бил погоден со два до три куршуми додека напаѓачот испукал пет куршуми кон него.Како што е наведено, според очевидци, Фицо им пришол на граѓаните по владината седница во градот Хандлова, на околу 150 километри од Братислава, а напаѓачот пред да отвори оган наводно му рекол:„Робо, дојди овде“.Откако неговите телохранители брзо го одведоа од местото на атентатот, Фиц беше качен во хеликоптер и пренесен во болница. Полицијата веднаш го совладала напаѓачот.
Свет | пред 1 година
Повеќе од една година, автомобилите на вработени и раководни лица во затворот „Идризово“ се мета на неоткриени пиромани. Заедничко за сите случаи е што автомобилите се запалени среде ноќ, а сторителите не се откриени. Сите пожари се подметнати. Извори за „Скопје1“ велат дека целта е заплашување, а станува збор за нарачки кои можеби доаѓаат и од затворот.Возилото на директорот на затворот, Зоран Јовановски, е седмо кое беше опожарено. Претходно, пред точно една година, пред џамија запален беше автомбилот на заменик-директорот Феми Јонузи. Истиот месец изгоре и возило на чувар во скопско Ново Село. Гореа и автомобили на други вработени. Сите случаи се во рацете на полицијата.Истовремено, директорот Јовановски укажуваше дека вработените во затворот добиваат закани од затвореници, потоа побара и заштита од МВР односно обезбедување на нивните домови. Ова не им беше овозможено од тогашното раководство на МВР - со образложение дека тоа не е изводливо и дека немаат капацитет.Доколу се гледа фактолошки, ваквите пиромански чинови на заплашување доаѓаат откако во „Идризово“ има претреси или преместување на затвореници од едно во друго крило. Оттука и дел од сомнежите дека нарачките доаѓаат од зад решетките.Засега нема информации од МВР до каде е расчистувањето на случаите.
Македонија | пред 1 година
,,Во политиката влегов за да ја направам промената и додека не ја направам, нема откажување!“, ова е пораката која вицепремиерот Фатмир Битиќи денеска ја упати преку социјалните мрежи.Во политиката влегов за да ја направам промената и додека не ја направам, нема откажување!“.Ова е пораката што денеска ја упати поранешниот вицепремиер за економски прашања и поранешен потпретседател на СДСМ Фатмир Битиќи на социјалните мрежи.Пораката на Битиќи звучи двосмислено. Некои коментираат дека Битиќи со ова најавува промена на партискиот дрес и прелет во ДУИ или Влен.Една од можните варијанти е тој да остане во СДСМ и да се бори да ја реформира истата.Битиќи влезе како пратеник од СДСМ во ИЕ 2.Веднаш по изборниот дебакл Битиќи даде оставка, но условена.,,Како потпретседател на Социјалдемократската лига на Македонија, посветен на етичките и демократските вредности, решив да дадам оставка од функцијата. Мојата оставка ќе биде целосно ефикасна кога останатите колеги кои го сочинуваат партиското раководство ќе го направат истото - од прв до послеВо текот на мојата политичка кариера, барав лична одговорност од сите фактори - а овој чин е токму тоа. И оставката на раководството е неопходен чекор кон враќање на довербата на граѓаните и отворање на патот кон идниот политички успех.Оставката не претставува политички чин на загубата на социјалдемократската идеја, туку порака и предизвик за подобрување и преглед на ЛСДМ.Прифаќањето на политичката одговорност нема да биде знак на слабост, туку израз на лична и партиска демократска зрелост, како и подготвеност за промена и растење - и да се даде приоритет на колективниот интерес.На крајот: ова нека биде нов почеток кој ќе ги обедини сите искрени другари во идејата за социјалдемократија, во идејата за соживот, во општество за сите каде владее правдата, солидарноста”, напиша Битиќи.
Македонија | пред 1 година
Јавен обвинител од Основното јавно обвинителство Скопје и вешти лица од Одделот за форензички истраги на МВР извршија увид во Кисела Вода каде во текот на ноќта беше опожарен службен автомобил во сопственост на КПУ „Идризово“ – Скопје кој го користел директорот на установата.Прибрани се траги од лице место кои ќе бидат предмет на вештачење со цел да се утврдат причините за опожарувањето. Обезбедени се снимки од видео надзор на околните објекти и се преземаат други дејствија.
Скопје | пред 1 година
Министерот за надворешни работи, Бујар Османи во текот на вчерашниот ден оствари средби со амбасадорите на САД, Германија, Велика Британија и Холандија. Иако на официјалниот профил на министерот не беше објавено дека разговарале за изборниот процес, шефот на македонската дипломатија на својот приватен Фејсбук профил објави дека им се пожалил на амбасадорите за компромитирање на изборниот процес во земјава.Османи укажал и на неопходноста за почитување на Охридскиот и на меѓународните договори, како и на вложувањето во реформската агенда за евроинтеграцискиот процес на државата.Коалицијата „Европски фронт“ предводена од ДУИ вчера најави дека до Управниот суд ќе ги обжали донесените одлуки на Државната изборна комисија за приговорите во врска со изборните резултати од парламентарните избори што се однесуваат на петтата и шестата изборна единица. Оттаму излегоа со став оти на членовите на ДИК им бил извршен политички притисок преку партиски инструкции во однос на приговорите, а за ова, како што рекоа, ги информирале сите надлежни институции и меѓународниот фактор.
Македонија | пред 1 година
Добрила Кацарска, претседателката на Уставен суд пријавила во полиција закани за нејзиниот живот, откако на своето гаражно место во подрачјето на Центар, пронашла импровизиран кревет и кујнски нож забоден на прекинувачот за светло.На 14.05.2024 во СВР Скопје од страна на Д.К. било пријавено дека на подрачјето на Центар во подземни гаражи, во нејзино гаражно место, биле пронајдени импровизиран кревет и кујнски нож кој бил забоден на прекинувачот за светло, информираат од МВР.Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија | пред 1 година
Со реакција во отворено писмо до јавноста се огласија вработените во Токсикологија, кои велат дека се што е напишано против докторот Беќаровски не е вистина.Вработените се уверени дека наводите од изјавата не се вистинити, а за познатиот докотор имаат да кажат сѐ најубаво.„Најостро реагираме и ги демантираме информациите изјавени во неколку медиуми од министерството за здравство и сме должни на јавноста да ѝ појасниме дека какви било навреди или притисоци на Албанци кои претходно беа ангажирани со договор на дело, од страна на проф. др. Нико Беќаровски не се упатени“, пишува меѓу другото во реакцијата од вработените.Претходно, и доктор Беќаровски најави тужба до инволвираните лица и во целост ги отфрли тврдењата дека ги навредувал Албанците на национална основа.На сето ова претходи што пред речиси еден месец на прес-конференција доктори од Клиниката за токсикологија објавија дека економската директорка Бесија Илјази не дозволува вработување на двајца дипломирани биолози и еден болничар. Наместо тоа, таа инсистира да се вработат осумнаесетмина, на кои им истекле договорите за дело, а меѓу нив има лица што немаат соодветно образование. Вработените тврдат дека Илјази, спротивно на решението на ДСЗИ, кое изречно забранува присуство на невработени лица на Клиниката, ги поттикнува да доаѓаат на работа сите оние на кои им е истечен договорот.Нико Беќаровски тогаш рече дека едното од овие лица со истечени договори, кој работел како болничар, вршел притисок врз лаборант – барал урина во која имало наркотици да биде сменета со урина која е чиста, ама лаборантот не прифатил.За образованието на Илјази лекарите не знаат ништо, ниту за познавањето јазици, со оглед на тоа што македонскиот не го зборува, а Беќаровски тогаш рече дека се обидел да комуницира со неа на англиски јазик. Заклучокот беше дека со неа немаат комуникација.
Македонија | пред 1 година
На 14.05.2024 во 18.50 часот во ОВР Кичево било пријавено дека на мaгистралниот пат Кичево-Охрид, во атарот на с.Подвис, кичевско, се случила сообраќајна несреќа помеѓу товарно возило „рено“ со скопски регистарски ознаки, управувано од Ф.Ѓ.(21) од Кичево и патничко возило „мерцедес“ со италијански национални ознаки, управувано од Ч.К.(48) од Република Албанија. Во несреќата со тешки телесни повреди се здобиле двајцата возачи, а со телесни повреди се здобила сопатничката од возилото „мерцедес“, Н.К.(45) од Република Албанија, констатирани во Медицинскиот центар Кичево. Извршен бил увид од Јавен обвинител и увидна екипа од ОВР Кичево.
Македонија | пред 1 година
Автомобилот на директорот на затворот “Идризово”, Зоран Јовановски, е запален во текот на ноќта. Ова доаѓа откако претходно беа палени автомобили на повеќе вработени во затворот.“На 15.05.2024 околу 03.35 часот во Полициската станица Кисела Вода во Скопје било пријавено дека на подрачје на Кисела Вода било опожарено паркирано патничко возило „фолксваген пасат“ со скопски регистарски ознаки, сопственост на Казнено – поправната установа Затвор Идризово, кое било паркирано од З.Ј., се вели во информацијата од Министерството за внатрешни работи.Претходно, затворот „Идризово“ бараше командирите на смена и чуварите од затворската полиција да добијат обезбедување додека се дома оти постојано добиваат закани, а во последниве три месеци во подметнати пожари изгореа шест нивни автомобили.
Скопје | пред 1 година
Администрацијата на американскиот претседател Џозеф Бајден им кажа на клучните пратеници дека ќе испрати повеќе од една милијарда долари дополнително оружје и муниција во Израел, изјавија тројца помошници на Конгресот.Тоа е првата пратка на оружје за Израел што е откриена откако администрацијата стави во мирување уште еден трансфер на оружје овој месец, кој се состои од 3.500 бомби со тежина од повеќе од 900 килограми, пренесува АП.Поради загриженоста за цивилните жртви во Газа, администрацијата на Бајден соопшти дека го паузирала трансферот за да го спречи Израел да ја користи муницијата во својата офанзива во преполниот град Рафах во јужна Газа.Новиот пакет вклучува околу 700 милиони долари за тенковска муниција, 500 милиони долари за тактички возила и 60 милиони долари за минофрлачки гранати, рекоа помошниците на Конгресот, според АП.Тие рекоа дека пратката не е дел од долго одложуваниот пакет странска помош усвоен од Конгресот и потпишан од претседателот Бајден минатиот месец.Администрацијата на Бајден е на удар на републиканците и демократите за нејзината воена поддршка за седуммесечната војна на Израел во Газа, додека Бајден се бори за реизбор против поранешниот претседател Доналд Трамп.Некои од колегите демократи на Бајден го турнаа да го ограничи трансферот на офанзивно оружје во Израел за да изврши притисок врз американскиот сојузник да стори повеќе за заштита на палестинските цивили.Републиканските пратеници ја искористија паузата на администрацијата за преносот на бомбите, велејќи дека секое намалување на поддршката на САД за Израел ја ослабува земјата додека се бори со Хамас и другите групи поддржани од Иран.Во Претставничкиот дом, тие планираат да унапредат предлог-закон оваа недела со кој ќе се нареди испорака на офанзивно оружје за Израел.И покрај еднократната суспензија на пратката со бомби, Бајден и претставници на администрацијата јасно ставија до знаење дека ќе продолжат со други испораки на оружје и севкупна воена поддршка за Израел, најголемиот примател на американска воена помош.Бајден ќе се погрижи „Израел да ги има сите воени средства што му се потребни за да се одбрани од сите свои непријатели, вклучувајќи го и Хамас“, изјави за новинарите во понеделникот портпаролот на националната безбедност Џон Кирби.Како одговор на планот на републиканците во Претставничкиот дом да продолжат со нацрт-законот со кој се наложува испорака на офанзивно оружје на Израел, Белата куќа во вторникот соопшти дека Бајден ќе стави вето на законот доколку биде усвоен во Конгресот.
Свет | пред 1 година
Никола Јокиќ го уништи најдобриот дефанзивец на НБА лигата Руди Гобер и му донесе пресврт на Денвер во серијата со 112:97, па Нагетс сега водат со 3-2 во полуфиналето на НБА лигата.Српскиот центар го заврши мечот со 40 поени и без загубени топки, а во поголемиот дел од играта шутираше повеќе од 75 отсто од поле.Најлудото е што во секое време го чуваше најдобриот дефанзивец во НБА во моментов и човекот кој четири пати ја освојуваше оваа награда. Руди Гобер го заврши мечот со 18 поени (ги погоди сите седум обиди од поле).Тоа беше едноставно приказ на немоќ пред кошаркарскиот гениј на трикратниот МВП кој реши тој ден да им покаже на сите колку навистина е добар.Само во третата четвртина постигна 16 поени, речиси сите преку Гобер, при што му дишеше во врат, а сепак не можеше да направи ништо.?si=wFpoqnc3M9sm-Iph
Спорт | пред 1 година
Руските воздухопловни сили одбија воздушен напад на Украина врз Севастопол, а руските системи за противвоздушна одбрана соборија 10 балистички ракети над Крим, соопшти Министерството за одбрана на Русија.„Синоќа, беа спречени голем број обиди на режимот во Киев да изврши терористички напади користејќи американски оперативно-тактички проектили ATACMS, француски наведувани бомби HAMMER, американски антирадарски ракети HARM, ракети од голем калибар и дронови од типот на авиони. на територијата на Руската Федерација“, се наведува во соопштението на руското Министерство за одбрана.Додадено е дека силите за воздушна одбрана собориле 17 украински беспилотни летала и 2 гранати MLRS на небото над регионите Белгород, Брјанск и Курск, пренесува РИА Новости.Гувернерот на Севастопол Михаил Развозаев изјави дека силите за воздушна одбрана собориле неколку украински проектили над водите во близина на градот и во областа на аеродромот Белбек.Спасувачите од Севастопол го изгаснаа пожарот што започна по падот на ракетите во атарот на селото Пољушко, но немаше штета на цивилната инфраструктура.Урнатини паднале и во реонот на улицата Федоровска, но нема жртви.Според гувернерот на Белгород, Вјачеслав Гладков, за време на одбивањето на воздушен напад на Белгород во селото Дубовое, една приватна станбена зграда се запалила поради директен удар на граната.Според гувернерот, во нападот се повредени две лица.Руската агенција наведува дека е зачестено украинското гранатирање на централните и пограничните региони на Русија, но дека руските воздухопловни сили редовно ги одбиваат нападите.
Свет | пред 1 година
Поради шумски пожар во близина на градот Форт Мекмареј во северниот дел на канадската провинција Алберта, најавена е евакуација на повеќе од 6.000 локални жители.Пожарот веќе уништи речиси 21 илјада хектари и моментално е на оддалеченост од помалку од 10 километри од периферијата на градот. Сувото време и силниот ветер придонесуваат за ширење на пожарот во правец на населбата, јавува канадскиот јавен сервис CBC News.Регионалната општина Вуд Бафало во вторникот попладне прогласи вонредна состојба и издаде наредба за евакуација.Во сила е наредбата за евакуација за населбите Бикон Хил, Абасанд, Прери Крик и Грејлинг Тераса.Голем шумски пожар во 2016 година предизвика значителна штета и предизвика евакуација на сите 66.000 жители на тој град.Сепак, според пожарникарите, природата на сегашниот шумски пожар е поинаква, бидејќи уништената шума се уште не е закрепната. Ова значително го забавува ширењето на пожарот и им ја олеснува работата на пожарникарите.Во гаснењето на пожарот биле вклучени 14 хеликоптери и 70 пожарникари.Во Алберта моментално горат околу 50 шумски пожари, но само два се во близина на населени места.https://twitter.com/rugcarpetz/status/1790522744875999304https://twitter.com/leandro_ptbr/status/1790555145404633443
Свет | пред 1 година
Јавен обвинител од Основното јавно обвинителство Скопје, заедно со инспектори и увидна екипа на МВР и тим од обдуценти од Институтот за судска медицина, извршија увид на лице место во семејна куќа во селото Стајковци каде попладнево едно лице ги лишило од живот сопствениот брат и сопругата на другиот брат, кој претходно бил починат.Причините се утврдуваат. Сторителот е идентификуван и обезбеден. Тој е хоспитализиран со повреди.Обезбедени се траги на лице место кои ќе бидат предмет на вештачење, а по наредба на јавниот обвинител телата на починатите ќе бидат дадени на обдукција.
Македонија | пред 1 година
Попладнево во пукање во скопско Стајковци убиени се две лица.Неофицијално, повозрасен маж ги убил братот и снаата, по што самиот се избодел. Во моментов е хоспитализиран во болницата „Свети Наум Охридски“, неофицијално потврдуваат од СВР Скопје.МВР се очекува да даде официјални информации за настанот.
Македонија | пред 1 година
Министерот за здравство во заминување, Илир Демири го разреши директорот на Токсикологија, д-р Данил Петровски, но не и економската директорка, Албанката Бесија Иљази која не знае македонски јазик, не е редовна на работа и против која неодамна протестираа лекарите од оваа клиника, меѓу кои и со звање професор и примариус. Демири ја оствари својата закана дадена пред да завршат изборите и Токсикологија ја остава во несредена состојба.Од министерството за здравство само кусо соопштија дека тој е разрешен поради „неправилности во работата“ без да се прецизираат за што точно станува збор, и кои членови од Законот тој ги прекршил.Директорот Петровски потврди дека е информиран од правната служба за неговото разрешување но не сакаше да даде изјава. Вели дека ќе го чека образложението на решението пред да даде било каков коментар. Не ја исклучува можноста да е разрешен бидејќи дежурал на Клиниката во период кога е на одмор а тоа го сторил исклучиво поради недостиг на кадар.Бесија Иљази ја остави Клиниката за токсикологија без биолог и без осигурување (имаше хаварија поради поплава од пукната парно цевка) поради што токсиколошката лабораторија работи незаконски, само со еден лаборант, но тоа не беше причина да биде разрешена. Оваа состојба не е ни констатирана од Државниот здравствен и санитарен инспекторат.
Македонија | пред 1 година
Државната изборна комисија ги усвои следните приговори:Желино, ИМ 2101 поднесен од Коалицијата„ Влен“Охрид, ИМ 1272 поднесен од Коалицијата „ Твоја Македонија“Крушево, ИМ 1194 и ИМ1202 поднесен од Коалицијата „ Твоја Македонија“Струга, ИМ 1844 поднесен од Коалицијата „ Твоја Македонија“ и Коалицијата „ За Европска иднина“Долнени, ИМ 1470 и ИМ 1470/1 поднесен од Коалицијата „ Твоја Македонија“Останатите приговори за избирачки места во Битола, Ресен, Гостивар, Долнени, Струга, Кичево, Демир Хисар, Чаир, Гази Баба, се одбиени или повлечени. Секоја заинтересирана страна има право на тужба до Управен суд во рок од 24 часа по одлуката на ДИК, а Управниот суд одлучува во рок од 48 часа по поднесена тужба. После одлуката на Управниот суд, ДИК ќе излезе со конечен извештај за резултатите, односно доколку има избирачки места каде што ќе се поништи гласањето, дополнително ќе се направи симулација дали бројот на запишани гласачи во избирачките места каде што би се поништило гласањето, влијае на резултатот во распределба на мандатите. Во зависност од тоа ДИК по одлуките на Управниот суд, ќе донесе заклчок за евентуално прегласување на определени избирачки места.
Македонија | пред 1 година
Дежурен јавен обвинител од Основното јавно обвинителство Охрид издаде повеќе наредби за утврдување на причините за смртта на 7-месечно бебе од Вевчани, кое починало рано утрово во ЈЗУ Специјална болница за ортопедија и трауматологија „Св. Еразмо“ откако било донесено со повреди на главата и итно префрлено во операциона сала.Неколку часа по спроведената операција, бебето починало на интензивна нега. Јавниот обвинител, со цел да ги расчисти причините за тоа како настанала повредата на бебето, како и да испита дали стручниот персонал ЈЗУ „Св. Еразмо“ постапувал согласно протоколите и процедурите, издаде насоки за прибирање докази. Прибавена е целокупната документација од болницата, издадена е наредба за обдукција на бебето во Институтот за судска медицина во Скопје, се вршат разговори со семејството и блиски лица, а се проверува и медицинската историја на детето и на мајката.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
