ТОП

Уште три производи ќе имаат замрзнати цени

Се замрзнуваат цените на:✅ ориз✅ јајца✅ тестениниНа предлог на Министерството за економија, Владата на денешната седница донесе одлука за проширување на листата на производи за кои ќе важат цените кои се применувале на 1 декември 2021 година во трговијата на мало и на големо.Листата се проширува со три нови основни прехранбени производи ориз, јајца и тестенини и има за цел да да се превенираат евентуалните поскапувања на овие основни производи кои исто како и другите основни прехранбени производи масовно се користат во исхраната на населението.Исклучени се цените на привремените попусти кои важеле на 1 декември 2021 година.Оваа одлука ќе важи до 31 јануари 2022 година.

Македонија | пред 4 години

Скопската зоолошка доби директори

Градоначалничката на Град Скопје, Данела Арсовска го назначи Кристијан Стаменов за нов в.д. директор на ЈУ „Зоолошка градина“ на Град Скопје, откако претходниот директор Ѓорги Галетановски си поднесе оставка од оваа функција.Стаменов од 2011 година е вработен во Зоолошката градина во Скопје на работна позиција самостоен ЗОО негувател. Стаменов е дипломиран економист од областа на маркетинг менаџмент.Покрај Стаменов, Тина Мицковска досега задолжена за односи со јавност на Зоолошката градина во Скопје, од денеска е прв соработник и заменичка на новиот директор на ЗОО.Главни проекти на кои ќе се насочи новото раководство на Зоолошката градина во Скопје се ревитализирање на сите надворешни живеалишта, изведба на центар за хипорехабилитација на местото на градскиот пајтон, ставање во функција на мултинаменскиот центар со цел едукација на деца од предшколска и школска возраст како и изградба на детски парк. Зоолошката градина во Скопје во соработка со Град Скопје ќе работи и на поставување на обновливи извори на енергија на сите објекти во зоолошката градина.

Скопје | пред 4 години

Тина предложена за директорка на Зоолошката во Скопје, има спасувано диви животни меѓу кои е и штипското мече Теди

Вчера, по оставката на досегашниот директор, се отвори прашањето кој ќе раководи со ЗОО. Здруженијата за заштита на животни со апел до градоначалничката да вработи професионалец кој ужива углед меѓу активистите за заштита на животни и кој е посветен на заштита на животните.Наш предлог е Тина Мицковска која е вработена во ЗОО Скопје во Секторот односи со јавност и со години се бори заедно со нас за заштита на животните.Има многу успеси зад себе, а најголемиот ѝ е успешното испраќање на мечето Теди во резерватот на Фондацијата на Брижит Бардо за мечки во Бугарија. Мечето Теди живееше во кошмарни услови во мал кафез во Штип, а Тина по скоро две години борба со институции успеа да го спаси. Приказната за мечето стана глобална и Теди и Тина се најдоа на сите најпознати светски медиуми. Таа соработува со Four Paws International- една од најпознатите светски организации за заштита на животните, кои преку неа би помогнале многу на Скопје ЗОО, а со тоа би се афирмирал и Градот Скопје. Помага за спасување на диви животни кои биле предмет на нелегална трговија или пак бебиња, а дел од нив веќе успеале да се рехабилитираат и да се вратат назад во природа. Беше и прва која го откри нелегалниот шверц на лавчиња во земјата и тоа по цена на својот живот бидејќи сè уште добива закани. Има добра соработка со сите институции поврзани со животинскиот свет, учествува во проектот за основање на прв Спасувачки центар за диви животни во Македонија, има познавање од областа на дивите и егзотични животни и што е најважно желба и мотивација да обезбеди соодветна нега на животните во ЗОО Скопје.Мицковска е магистер по односи со јавност, дипломиран правник по европско право и право на ЕУ, поранешен новинар и има и организациски и менаџерски способности, како организатор на повеќе настани и фестивали во градот во периодот 2012-2021. Знае да пишува ЕУ проекти и има искуство со ЕУ фондови.Од исклучително огромна важност е директор на институција која работи со животни да има емпатија према истите, да е максимално посветен на спроведување на законот за благосостојба на животни и да е човек со интегритет. Сметаме дека Тина во повеќе наврати докажа дека е токму таква личност и е најкомпететна да раководи со Зоолошката градина во Скопје!Со почит,Здружение за унапредување и заштита на благосостојбата на бездомните животни „ДЕЈЗИ ФЕМИЛИ“Здружение за заштита на животните „БЕЗДОМНИ ЖИВОТНИ БЕЗ ГРАНИЦИ“Здружение за заштита на животните и животната средина „Е.Д.Е.Н.“Здружение за заштита на животните и животната средина „ШЕПАСТИ ЕНТУЗИЈАСТИ"Граѓанска иницијатива за заштита на животните „КАНЕ КОРЗО НАДЕЖ“ФОТО: Тина со спасената волчица Ариа

Скопје | пред 4 години

ФОТО: Автомобил гори близу бензиска во Скопје

Новинарката Менче Точи на социјалните мрежи објави фотографија од автомобил кој гори во близина на бензинска.Според описот на фотографијата, автомобилот се наоѓа на булеварот Македонско Косовска бригада во Скопје.„Во моментот гори кола на Македонско Косовска. Јавено е на МВР и Пожарна, уште нема никој“.Подоцна таа додаде дека дошла противпожарната бригада, но нема информации дали имало луѓе во возилото кое било оставено сред улица.

Скопје | пред 4 години

Нема фотографија

Драма во Буњаковец, луѓе се спасуваа преку балкони

Скопските пожарникари минатата ноќ со големи маки, качувајќи се преку балкони на начичканите згради во Буњаковец, успеаја да спасат луѓе откако избувна пожар во стан на улицата „Христо Смирненски“, пишува Мета.Станарите на зградата која се наоѓа во тесните улички меѓу некогашната фабрика „Треска“ и Универзалната сала, студената ноќ ја минаа на улица. Велат дека огнот избувнал околу три часот по полноќ.Жители од зградата за Мета велат дека сосема случајно била избегната поголема катастрофа со жртви, благодарение на еден од соседите. Тој случајно бил буден и веднаш штом го почуствувал чадот, ги повикал пожарникарите и почнал да ги буди другите станари, одејќи од врата до врата.Според очевидците, отровниот чад од станот на вториот кат кој се запалил, брзо се пробивал кон погорните спратови, а доколку огнот го зафател балконот, пожарот можел лесно да се прошири и на соседната зграда, која е „залепена“.Во пожарот нема повредени, а материјалната штета првично се проценува на неколку илјади евра.

Скопје | пред 4 години

Нема фотографија

Ако јас се помирив со командант на УЧК, зошто ВМРО-ДПМНЕ и СДСМ да не можат, вели Ангелов

Ако јас можев да се помирам со мојот воен непријател од 2001 година и да си подадам рака со поранешниот командант на УЧК, Абедин Зибери, тогаш не гледам зошто ВМРО-ДПМНЕ и СДСМ да не можат да се помират, рече директорот на Центарот за управување со кризи (ЦУК), Стојанче Ангелов, во денешното гостување на ТВ24.Тој смета дека помирувањето помеѓу СДСМ и ВМРО-ДПМНЕ ќе придонесе за да се превенираат политички уцени од некој помал политички субјект.– Ако јас можев да се помирам со поранешниот командант Абедин Зибери и со другите ветерани од УЧК, тогаш не гледам зошто двете политички партии ВМРО-ДПМНЕ и СДСМ да не можат да се помират. На тој начин ќе превенираат политички уцени од некоја друга помала политичка партија – рече Ангелов.Тој додаде дека новата доктрина и реизборот на Христијан Мицкоски за лидер на ВМРО-ДПМНЕ ќе донесе „нови ветришта во државата“.– Се разбира, доколку доктрината која беше најавена на конгресот на партијата не се сведе само на мртви букви на хартија. Се надевам дека искрено ги мислат работите. Исто така, сметам дека новиот лидер на СДСМ, Димитар Ковачевски, ќе донесе нови ветришта во СДСМ. Оптимист сум и сметам дека негативната реторика ќе се намали во следниот период – истакна Ангелов.

Македонија | пред 4 години

Филипче се обидува да ја приватизира брзата помош, обвинува Апасиев

Лидерот на политичката партија Левица, Димитар Апасиев на социјалните мрежи сподели статус во кој вели дек Министерот за здравство, Венко Филипче се обидува да ја приватизира брзата помош.„Министерот за задгробен живот, пред заминување, покварено се обидува да отвори врата за ПРИВАТИЗАЦИЈА НА БРЗАТА ПОМОШ, преку навидум безначајна измена на Законот за здравствена заштита!!!“, стои во објавата

Македонија | пред 4 години

МВР со демант: Стефковски шири дезинформации и ја доведува во заблуда јавноста

Министерството за внатрешни работи најостро ги демантира дезинформациите изнесени од градоначалникот на општина Гази Баба Бобан Стефковски преку Фејсбук статус, а потоа пренесени од неколку веб портали.„Тој во својата Фејсбук објава наведува дека СВР Скопје не испратил полициски службеници да учествуваат во закажана акција за решавање на проблемот со незаконски продавачи паркирани на улица Маџари.Имено и самиот Стефковски себеси се демантира во истиот Фејсбук статус откако прво вели дека не била упатена сообраќајна полиција, но биле упатени полициски службеници од ПСОН Гази Баба.Полициски службеници биле упатени, односно било постапено по барањето на општината, а полициските службеници од ПСОН Гази Баба имаат исти надлежности како сообраќајната полиција и тие ја завршиле својата задача.Апелираме до градоначалникот Стефковски да не шири дезинформации и да не ја доведува во заблуда јавноста, како и да не ја користи институцијата за партиска пропаганда. МВР редовно и професионално ги извршува работните задачи, за сите граѓани подеднакво“, се вели во соопштението од МВР

Македонија | пред 4 години

Кој и зошто не сака решавање на проблемот со незаконските продавачи пред пазарот во Ченто?

Градоначалникот на општина Гази Баба Бобан Стефковски, попладнево јавно на својата страна на фејсбук ги ифнромираше граѓаните и јавноста за директната опструкција од државни институции.На фејсбук Стефковски напиша:"Кој и зошто не сака решавање на проблемот со незаконските продавачи паркирани на улица Маџари, пред пазарот во Ченто?!Почитувани граѓани на општина Гази Баба,Имајќи ги предвид големиот број на реакции од граѓаните по однос на состојбата со незаконски паркирани возила на улица Маџари, пред пазарот во Ченто кои вршат на диво продажба на земјоделски производи, на 07.12.2021 година оддржав состанок со администрацијата на која дадов насоки за организирање на заедничка акција со повеќе државни институции за спроведување на Законот и ставање ред во сообраќајот.Заедничката акција беше закажана за денес, 13.12.2021 година во 10 часот.Имајќи ги предвид законските надлежности поврзани со фактичката состојба и тоа која државна институција може да постапува, истиот ден на 07.12.2021 година се обративме писмено до Државниот пазарен инспекторат да испрати свои инспектори со цел исполнување на нивните надлежности, а истовремено истиот ден, 07.12.2021 година доставивме допис до Министерството за Внатрешни работи, поточно до ЕБПС при СВР Скопје со цел отстранување на возилата со земјоделски производи кои се незаконски паркирани.Со жалење сакам да ги информирам граѓаните и јавноста, дека ниту Државниот пазарен инспекторат, ниту Сообраќајната полиција не испратија свои екипи на закажаната акција за да ги исполнат своите законски надлежности.И покрај директната опструкција на закажаната акција, од страна на Државниот пазарен инспекторат и Сообраќајната полиција, инспекциските служби на општина Гази Баба, со асистенција од полициската станица од општа надлежност Гази Баба (која се грижела за безбедноста на инспекторите), денес излегоа на терен при што се напишани казни, согласно Законот за јавна чистота.Опструкциите од државните институции нема да не поколебаат во остварувањето на нашата цел и барањето на граѓаните за ставање ред околу пазарот во Ченто.На увид на граѓаните и јавноста ги ставам дописите кои се доставени до државните институции кои денес не излегоа да ги исполнат своите законски надлежности."

Скопје | пред 4 години

(ФОТО) Стојкоски со брза реакција за Бранко и син му: Ќе му се помогне финансиски, бараме и привремено сместување

Бранко и неговиот син, жители на Ѓорче Петров, ќе добијат финансиска поддршка и помош за привремено сместување од општината. Нивната куќа изгорела во страшен пожар пред два месеци. Градоначалникот Александар Стојкоски, ги посети и разговараше со таткото кој објасни дека му објасни дека им треба место за да ја поминат зимата. Стојкоски беше дециден дека ќе направи сѐ за итно да се најде привремено сместување со хумани услови за живот, додека да се изнајде трајно решение за пеплосаниот дом.„Потресна е животната сторија за чичко Бранко и неговиот син, лице со попреченост во развојот. Куќата во која живееле е уништена до темел во септември. Таа би била функционална само ако се изгради одново. За жал, тој изгубил сѐ што имал. До сега, летото го поминувале во подрумските простории, а извесен период живеат кај роднини. Се заложивме да направиме сѐ што можеме за да најдеме привремено сместување и достојни услови за живот, додека трајно не се реши проблемот. Општината ќе помогне и финансиски во рамки на програмата за помош на лица со социјален ризик“, посочи Стојкоски.Уште во текот на викендот, градоначалникот стапи во контакт со службите во општината, а потоа и со Центарот за социјални работи. И од нив е побарано да се ангажираат за синот на Бранко да биде сместен во интернат.„Делуваме и институционално и веднаш испративме и допис до Центарот за социјални работи, преку кој посочивме дека има согласност од таткото за синот да биде сместен во интернатот на средното училиште каде што учи, со цел да добие значително подобра грижа и нега“, додаде Стојкоски.

Скопје | пред 4 години

Водата во Облешево стигна до дворовите, десетина семејства заробени

Околу десетина семејства во Облешево од сношти се заробени во сопствените домови. Водата во дворовите им достигна над метар. Седумдесетгодишната Марија Атанасова и нејзиниот сопруг не можат да го пречекорат куќниот праг. Немаат леб, а надојдената вода им поплавила и дел од покуќнината, објави Алфа.„Немаме храна, вода за пиење. Се ми е поплавено. Вреќи со ориз, а немам ниту гумени чизми да излезам надвор. Побарав помош од Општината, прво што барам е да ми донесат чизми“, рече Атанасова.Обилните врнежи од дожд на виделина ги извадија сите недостатоци и неодговорноста на одредени институции. Жителите гневни, прстот го вперуваат во Водостопанство-Брегалница. Тврдат дека причина за поплавите се неисчистените канали.„Имаме околу десетина куќи кои се во многу лоша состојба. Луѓето не можат да си купат леб, вода“, изјави Тони Максимов, жител на Облешево.„Секоја година е вака.При секое поголемо надоаѓање на водата ми се поплавува нивата. Ова е срамота, треба да се реши некако да се доправи каналот, но и да се исчисти како што треба“, рече Бранко Ѓоргиев, жител на Облешево.Целиот текст можете да го прочитате тука

Македонија | пред 4 години

Во Македонија нема тестирање за омикрон, не се појавил сомнителен случај

Тестирање на новиот сој на коронавирус, Омикрон засега нема да има бидејќи не се појавил сомнителен случај, потврдија за ТВ24 во Институтот за јавно здравје.Од ИЈЗ велат дека будно ја следат состојбата со новите мутации.- Се следи состојбата со Ковид 19, посебно со генетските мутации на вирусот. Досега не е направено секвенционирање за Омикрон бидејќи немаме сомнителен случај по епидемиолошка анкета. Ќе почнеме со испитување на оваа мутација кога ќе се зголемат сомневањата во земјава и во регионот. - вели Шабан Мемети, директор на Институт за јавно здравје.Целиот текст можете да го прочитате тука

Македонија | пред 4 години

(ФОТО) Колони на Плетвар

Огромна колона на планинскиот превој Плетвар поради снегот.Веќе неколку часа заглавени стојат десетици возила. Возачите и во текот на денот се жалеа дека патот е лизгав и недоисчистен. Според нив улога во блокадата имаат и возачите кои немаат задолжителна зимска опрема на нивните возила.Инаку температурите веќе неколку дена во овој дел од Македонија се ниски, а на превојот и завчера имаше подолги задржувања. Освен автомобили заглавени се и голем број товарни возила.

Македонија | пред 4 години

Објавено кој ќе настапува во Охрид за Нова година

Општина Охрид подготви богата музичка програма за прослава на Новата 2022 година, на која ќе настапат бројни домашни естрадни уметници.Охриѓани и гостите кои новогодишната ноќ ќе ја поминат на плоштадот „Свети Климент Охридски“ ќе може да уживаат во музичките изведби на „Ле-трик“, „Бекдор-Бенд“, „Камелеон“, „Урбан планет“, Ѓоко Танески и Татијана Стефаноска. Специјален музички гостин на вечерта ќе биде Верица Ристеска, а свој перформанс ќе имаат диџеите „Фејс“ и „Гец“ заедно со Јана Слеј.Според планираното, музичка забава на градскиот плоштад ќе биде организирана и на 1-ви јануари, во периодот од 13 до 15 часот, кога ќе настапат познати музички имиња од Охрид со репертоар од охридски композиции.На сцената на градскиот плоштад во рамки на дневната забава на 2-ри јануари, во периодот од 13-15 часот ќе настапи „Ансамбл Билјана“ со специјална програма „Охрид Охрид убав мил“.

Магазин | пред 4 години

Повторно поскапуваат горивата

Регулаторната комисија за енергетика и водни услуги (РКЕ) донесе одлука со која се врши зголемување на малопродажните цени на нафтените деривати во просек за 3,02 проценти.Малопродажните цени на бензините еуросупер БС-95 и еуросупер БС-98 и на екстра лесното масло за домаќинство (ЕЛ-1) се зголемуваат за 2,00 денари/литар, додека малопродажната цена на еуродизел (Д-Е V) се зголемува за 1,50 денари/литар.Малопродажната цена на мазутот М-1 НС се зголемува за 1,526 денар/килограм и сега ќе изнесува 40,053 ден/кг.Од полноќ, максималните цени на нафтените деривати ќе изнесуваат:Моторен бензин еуросупер БС – 95 73,00 (денари/литар)Моторен бензин еуросупер БС – 98 75,00 (денари/литар)Дизел гориво еуродизел БС (Д-Е V) 64,50 (денари/литар)Масло за горење екстра лесно 1 (ЕЛ-1) 64,50 (денари/литар)Мазут М-1 НС 40,053 (денари/килограм)Во изминатиот седумдневен период референтните цени на светските берзи во просек бележат зголемување: кај бензинот за 5,848% , кај дизелот за 4,015% , кај екстра лесното масло за 5,285 % и кај мазутот за 4,763%.Во истиот период курсот на денарот во однос на доларот е повисок за 0,31 % .

Македонија | пред 4 години

Данела го промени директорот и на ЈСП

Градоначалничката на Град Скопје, Данела Арсовска го назначи Иван Илиевски за в.д. директор на Јавното сообраќајно претпријатие Скопје (ЈСП), на местото на досегашниот директор Кристијан Чушков кој е разрешен од функцијата.Илиевски долги години работи на раководни позиции во Авто Мото Сојуз на Македонија и Македонија Сообраќај Америт. Во текот на својот професионален ангажман, работи и за развој на Центрите за обука на институции, како сертифициран инструктор на IRU Academy (Академија на Унијата за патен транспорт) за обука на Менаџери на транспортни компании, возачи во меѓународен патен транспорт и транспорт на опасни материи. Илиевски e член и на Советот за безбедност во сообраќајот на патиштата на Град Скопје.

Скопје | пред 4 години

Осум починати и 82 заразени за еден ден во Македонија

Министерството за здравство информира, согласно податоците од Институтот за јавно здравје дека во последните 24 часа:Направени се 1.211 тестирања, а регистрирани се 82 нови случаи на КОВИД-19:Скопје – 61, Кавадарци – 9, Гевгелија – 4, Битола и Велес – по 2, Прилеп, Охрид, Неготино и Валандово – 1.Регистрирани сe 265 оздравени пациенти од: Скопје – 128, Битола – 34, Крива Паланка – 14, Прилеп – 12, Валандово и Крушево – по 9, Ресен – 7, Кавадарци и Делчево – по 6, Велес, Куманово, Тетово и Штип – по 5, Неготино, Кочани и Радовиш – по 3, Гевгелија, Струмица, Пробиштип, Демир Хисар и Македонски Брод – по 2, Кратово – 1.Во текот на изминатите 24 часа регистрирани се 8 починати лица: 3 починати лица од Скопје (56г, 80г и 86г) и по едно починато лице од Прилеп (72г), Битола (55г), Валандово (71г), Македонски Брод (66г) и Кичево (61г). Сите пријавени лица се починати во болнички услови.Направени се 1.211 тестови преку: ИЈЗ-66, ЦЈЗ Скопје-31, ЦЈЗ Битола-0, ЦЈЗ Прилеп-0, ЦЈЗ Тетово–0, ЦЈЗ Куманово-4, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–0, Жан Митрев (Филип Втори)-65, Авицена-69, Биотек-84, Систина-59, лабораторија Лаор-0, Синлаб-0, Ремедика-0, Плодност–0, Генеа-0, Никоб лаб-206, ВФВ Медикал-19, Ели Медика-9, Ројал Медика–0, Спектра-ММ-0, Рапид Лаб–0, Жан Митрев Струмица–0, Нова Лаб Дијагностика–0, ЈЗУ и ПЗУ (рапид тест) – вкупно 598.Досега во земјата се направени вкупно 1.503.941 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 219.490, бројот на оздравени пациенти е 206.211, на починати е 7.740, а бројот на активни случаи изнесува 5.539.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 96133, Активни 2714Куманово 13005, Активни 170Тетово 11374, Активни 85Прилеп 10464, Активни 336Битола 8960, Активни 457Гостивар 8081, Активни 21Велес 7398, Активни 171Кавадарци 7190, Активни 251Штип 6655, Активни 99Охрид 6603, Активни 222Струмица 6185, Активни 122Кичево 4255, Активни 57Кочани 4061, Активни 100Струга 3915, Активни 29Гевгелија 2840, Активни 80Неготино 2594, Активни 45Свети Николе 2135, Активни 41Крива Паланка 1920, Активни 56Ресен 1776, Активни 54Радовиш 1770, Активни 60Берово 1470, Активни 42Дебар 1456, Активни 0Делчево 1440, Активни 82Виница 1164, Активни 15Пробиштип 1130, Активни 23Валандово 968, Активни 33Кратово 782, Активни 23Богданци 657, Активни 26Демир Хисар 624, Активни 47Крушево 597, Активни 23Македонски Брод 512, Активни 15Демир Капија 426, Активни 2Македонска Каменица 423, Активни 24Пехчево 355, Активни 7Дојран 172, Активни 7

пред 4 години

Зоолошката во Скопје остана без директор: Јас денес се враќам на улица

Директорот на скопската Зоолошка градина, Ѓорги Галетановски, поднесе оставка од работното место.За оставката, тој информираше на неговиот фејсбук-профил.„Сакам да ве известам дека денес поднесувам оставка од работното место директор на Зоо Скопје. Во изминатите три и пол години успеавме рекордно да ја зголемиме посетеноста, да ги изработиме сите проекти кои ги ветивме, донесовме многу нови животни за првпат во нашата држава, а децата добија омилено место за секојдневни прошетки. Зоолошка градина Скопје стана најпосетена институција во државата, го отворивме и најзелениот Дино Парк со најмногу диносауруси на Балканот со преку 400 дрва и садници. Успеавме да средиме делови од градината кои со години не биле санирани, ги исчистивме езерата после 13 години, ја отворивме Бејби Зоо и направивме живеалишта за фламинга и пингвини по светски стандарди. Организиравме многу хуманитарни акции, помагавме секаде каде што можевме и тоа беше нашата најголема сатисфакција за успех.Зоо Скопје стана прва дигитализирана зоолошка на Балканот, со своја апликација и онлајн продажба на билети. Им благодарам на сите медиуми, спонзори, донатори, здружениjа за животни, а највеќе на вработените во Зоо Скопје кои ги сакам како мое семејство и со чија помош успеавме да дојдеме на чекор до членство во ЕАЗА (Европска асоцијација на зоолошки и аквариуми). Се надевам дека зоолошката ќе продоложи да се развива и да се прават нови проекти со кои ќе се продолжи успехот на оваа институција. Јас денес се враќам на улица, достапен во секое време да придонесам за подобра иднина на државата и младите. Ви благодарам од срце“, напиша Галетановски.

Скопје | пред 4 години

„На крајот на денот е битно да имаш на кој претседател да му честиташ“, шеги и критики за изборите во СДСМ и ВМРО-ДПМНЕ

Вчера во двете најголеми политички партии, СДСМ и ВМРО-ДПМНЕ имаше внатрепартиски избори за лидер. СДСМ имаше тројца кандидати, од кои победи Димитар Ковачевски фаворит на екслидерот Зоран Заев. Во ВМРО-ДПМНЕ имаше еден кандидат, а тоа е Христијан Мицкоски. Тој доби апсолутна поддршка од делегатите.Во јавноста, низа на коментари, смеа, критики:https://twitter.com/Neutralniot/status/1470315447757287430https://twitter.com/ZVeleski/status/1470267465083072518https://twitter.com/LegitMacedonia/status/1470157997712281603https://twitter.com/jovankrajevski/status/1470152384886329352https://twitter.com/februar1967/status/1470148121829298184https://twitter.com/johnqqqqqqq/status/1470146399136268300https://twitter.com/The_BB_/status/1470145745101762568https://twitter.com/IvoPop_/status/1470102917512372230https://twitter.com/konzervativen/status/1469984921154473992 

Коментари | пред 4 години

Земјотрес во Македонија, граѓаните вознемирени

Утрово во 6 часот и 48 минути во јужните делови на територијата на Македонија е почувствуван земјотрес со интензитет од 3,1 степен според Рихтеровата скала.Според Сеизмолошка опсерваторија при Природно-математичкиот факултет во Скопје, епицентарот на потресот се наоѓа 138 km јужно од Скопје во соседна Република Грција.

Македонија | пред 4 години

Сопственикот на „Беса Транс“ два пати бил на распит во бугарското обвинителство

Улица 1 број 1 Село Рашче. Ако се отиде на оваа адереса на 16 тина километри од Скопје може да се види плац полн со автобуси комбиња но и семејна куќа. Но ако се погледне во централниот регистар на истата адреса се регистрирани две фирми, речиси со идентични имиња, чиј основач е Беса Транс, со сопственици кои имаат исто презиме Хаџиу, но со голема разлика во годините на формирање.Првата Беса Транс БТБ ДООЕЛ Скопје е формирана на 19 август 2009 а нејзин сопственик и управител е Беким Хаџиу. Низ годините таа била регистрирана и за градежни работи, но сепак основната дејност и била транспорт. Втората и многу подоцна создадена, на 18 август годинава е Беса Транс 2 и БТ 2000 ДООЕЛ, а нејзин сопственик е Мереме Хаџиу, сопругата на Беким Хаџиу кој после случувањето на несреќата повеќе не е достапен за македонските власти.Тој е во Бугарија каде КОД дознава дека веќе дал две изјави поврзани со сообраќајната несреќа во која се запали автобус на неговата фирма и во него изгореа 45 луѓе. На какви околности бил испитуван за сега од бугарското обвинителство не откриваат, но ја потврдуваат информацијата за распитот на газдата на Беса Транс. Тој пак тука не е достапен за македонските истражни органи кои никако не можат да влезат во неговата фирма.Извор: Телма.ком.мк

Македонија | пред 4 години

(ФОТО) Тимчо Муцунски отвори хотел за пчели

Градоначалникот на Аеродром, Тимчо Муцунски оствари средба со британската амбасадорка, Рејчел Галовеј и претставници на НВО Новинари за човекови права. На средбата беше презентиран проектот „Хотели за опрашувачи“ во реализација на Новинари за човекови права, а поддржан од Британската амбасада во Скопје„Во склоп на настанот беа презентирани дрвените куќички - хотели за опрашувачи кои беа изработени во склоп на проектот, а подоцна беа донирани на општината. Овие куќички претставуваат прибежишта за опрашувачите во текот на зимските месеци, помагаат во нивно зачувување во урбани средини.Освен тоа, на средбата со британската амбасадорка Галовеј зборувавме за идни проекти во Општина Аеродром поврзани со менаџментот на кризи, заштита на животната средина и слично. Заедничкиот заклучок од средбата е дека со децата треба да се работи од најрана возраст на едукација за важноста на климатските промени, потребата да се делува итно и чекорите кои може да ги преземе секој од нас за да се заштити животната средина“, вели Муцунски.

Скопје | пред 4 години

(ФОТО) Страшна сообраќајка во Дебар, седуммина повредени

Попладнево на излезот од Дебар, на патниот правец Дебар – Струга, во близина на објектот на поранешната Електродистрибуција, се случи тешка сообраќајна несреќа, во која се повредени седум лица, од кои две потешко.Во несреќата, учествувале две патнички моторни возила, едното од Дебар, а другото од село Новак, општина Центар Жупа.– По дојава од граѓанин веднаш на местото на настанот испративме возило за брза помош. Повредени се седум лица, од нив две потешко, додека петмина се со полесни повреди. На сите им е дадена соодветна здравствена услуга. Еден од повредените, жител на Дебар, кој имаше тешки повреди е транспортиран во Специјализираната болница за ортопедија и трауматологија „Свети Еразмо“ во Охрид, додека жена од Новак, е под наша опсеврација во хируршкото одделение, но доколку има потреба и неа ќе ја транспортираме во друга соодветна установа, изјави за МИА Баки Алили, директор на општата болница со проширена дејност во Дебар.Останатите пет лица се соодветно третирани и се во добра здравствена сосотјба, но поради стресот што го преживеале, според Алили, ќе останат неколку часа во болницата, по што ќе заминат во своите домови.На местото на настанот се врши увид, а сообраќајот се пренасочува преку населбата Венец два.Фото: МИА

Македонија | пред 4 години

(ФОТО) Детали за вчерашната сообраќајка на Партизанска, повредена малолетничка

На 11.12.2021 околу 19,20 часот на бул.„Партизански одреди“ патничко моторно возило „киа сеед“ со скопски регистарски ознаки, управувано од М.К.(23) од Скопје, удрило во малолетничка од Скопје. Со повреди се здобила малолетничката на која и е укажана помош во комплекс клиники „Мајка Тереза“.Увид на лице место извршила екипа од СВР Скопје.

Скопје | пред 4 години

Ауди удрило во полицајци додека бегало од полициска патрола

На 12.12.2021 околу 00,25 часот кај клучка Тремник во близина на Неготино при обид да биде сопрено патничко моторно возило „ауди“ со швајцарски регистарски ознаки поради сомнение за криумчарење на мигранти истото не застанало на даден знак од полициски службеници и удрило во двајца полициски службеници.Тие се пренесени во комплекс клиники „Мајка Тереза“ каде им се констатирани телесни повреди. Увид на лице место извршила екипа од полициска станица Неготино и се преземаат мерки за расчистување на случајот.

Македонија | пред 4 години