ТОП

Ќе земе ли Антернатива да раководи со Министерството за здравство

За нас е битно да се договориме кој е концептот а не да ги принудуваме политичките партии на решенија, вели Африм Гаши, лидерот на Алтернатива за нивниот влез во Владата. Прашан дали ќе го бараат Министерството за здравство како ресор, тој кажа дека нема да се разговара за тоа на средбата со премиерот Зоран Заев туку само за концептот.„Ние сме кажале дека тоа е интерес на сите граѓани, да нема брзи избори. Нормално за такво нешто нема гаранција, бидејќи секогаш можат да се соберат 61 пратеник и да одлучат да се распушти Собранието. Сакаме Влада која до 2024 година ќе ги отвори преговорите со ЕУ и ќе направи напредок или да бидеме членка на ЕУ или да бидеме при крај“, кажа Гаши.За тоа, дали Димитар Ковачевски е прифатливо име за премиер на државата, Гаши вели: „Не е одговорно ние да бараме од друга партија кој ќе биде мандатар или премиер. Тоа е работа на СДСМ и тие треба да одлучат за тоа“.

Македонија | пред 4 години

Нема затворање граници ниту карантин, Филипче за одлуките околу новите ковид мерки

Нема нови рестриктивни антиковид мерки, ќе се фокусираме на вакцинацијата вели министерот за здравство Венко Филипче. Тој вели дека епидемиолошката состојба со коронавирусот е стабилна, двонеделната инциденца се намалува за некаде околу 14 проценти и во болниците се чувствува помал притисок.На состанокот на Комисијата за спречување на заразни болести се разговарало и за новиот сој на коронавириост, омикрон, но во земјава засега остануваат досегашните мерки, вели министерот.„Сметам дека некаква рестрикција во однос на затворање на граници, во однос на карантин за патници кои доаѓаат од одредени земји нема да даде ефект поради тоа што очигледно е дека е детектиран и во некои европски земји и до сега видовме дека кога ќе се појави нов сој едноставно не може да се спречи да остане ограничен во една територија“, рече Филипче.На утрешната владина седница ќе се разгледува предлогот за стимулација на матичните лекари по вакциниран пациент.

пред 4 години

Миа по коментарите за Петар: Анксиозноста е поврзана со перидот во кој сум учела како да читам коментари во кои ми се силува семејството

Познатата водителка и инфлуенсерка, Миа Костова, за коментарите под објавите на социјалите мрежи со малиот Петар кој стана хит со „грашокот“, даде свое мислење. Посочи дека за џабе се сите апели за сајбер булинг.„Кога ќе видам што се може да се изнапише за едно дете за 4 минутно најпозитивно и пресимпатично видео, ми иде да си закачам медаља за тоа што сум дел од социјални мрежи и дека моите почетоци беа поврзани со портали под кои коментираше кој што сака а и јас бев младо дете кое кузнае како се справуваше со несреќата на оние кои успеале да стасаат до рутер. И до ден денес е исто, ама денес може само да ми плукнат под прозор и бесплатно да се излечат во коментар на моја сметка.Кога ќе размислам подобро, анксиозноста и сѐ што влечам денес е поврзано со периодот во кој сум учела како да си легнам и да станам да дочитам коментари во кои ми се силува семејство до трето колено.Вие сте психопати со интернет. За жал, не се сите Миа и ќе бидете одговорни за последици кај многу млади деца од кои најстрашните може да се и фатални. Имам тик ток, ако до сега не сте отвориле тикток и немојте, тоа е една страшна соц мрежа во која буквално се силува детскиот мозок со навреди кои ни возрасен не може да ги поднесе.Џабе се сите апели и кампањи против сајбер булинг. Џабе е сѐ. Работете на тоа дека и кога децата се нападнати или малтретирани, најчесто е заради тоа што вредат повеќе од оние кои тоа не се. Зборувајте со децата и објаснете кој сѐ може да стои зад такви коментари. Објаснете дека зад такви коментари стојат луѓе на кои им е силно потреба љубов, среќа, луѓе кои ќе ги дружат и сакаат, помош или во краен случај лекови. Не е луд никогаш оној кој има нешто да каже или сака да се слика со орел на глава. Најчесто болен и тажен е оној кој ќе истури ќеса го*на без да биде предизвикан во коментар за човек кој ниту го знае ниту го познава.Имаат среќа сите оние што јас не сум мајка на Петар. Навистина имаат среќа“, напиша Костова.

Коментари | пред 4 години

Силјановска: Дваесетина камери снимаат на „Орце Николов“, небаре сме во реално шоу

Професорката Гордана Силјановска Давкова на својот профил на Фејсбук реагира дека при реконструкцијата на улицата „Орце Николов“ која минува низ Дебар Маало во скопски Центар, на бандерите се прикачени видео-камери кои, според пратеничката на ВМРО-ДПМНЕ, се насочени во интимниот простор на граѓаните.„Пред неколку дена, во духот на заложбите за „безбеден и мирен град“, дваесеттината истопорени светлосиви стапови, ДОБИЈА ОЧИ, одосно по ДВЕ КАМЕРИ, од кои ЕДНАТА е фокусирана на улицата, а другата е директно насочена кон нашите домови, небаре сме во реално шоу.Би сакала да верувам дека фокусот случајно, од невнимание или незнаење е ДЕФОКУСИРАН, ама да ГИ ПОТСЕТАМ НАДЛЕЖНИТЕ на членот 25 од Уставот: „на секој граѓанин му се гарантира почитување и заштита на ПРИВАТНОСТА на неговиот личен и семеен живот....“.Ако е НАЈДОБРОТОТО за „ Центар“ е да Ве набљудува ГОЛЕМИОТ БРАТ, додека го читате антиципативниот ОРВЕЛ, за мене и моите комшии е - НАЈЛОШОТО!“, реагира поранешната кандидатка за претседател на Македонија во дел од својот пост објавен на социјалните мрежи.

Коментари | пред 4 години

Д-р. Беќаровски: Издвојте ги вистински прележаните од групата на невакцинирани

Доктор Нико Беќаровски од Клиниката за токсикологија, преку фејсбук статус, се обрати кон своите колеги од Комисијата за заразни болести.-Ако навистина сакате да стимулирате вакцинација, место понижувачката парична стимулација за матичните лекари, УКИНЕТЕ ЈА ПАРТИЦИПАЦИЈАТА ЗА СИТЕ МЕДИЦИНСКИ УСЛУГИ во 2022 година на СИТЕ ВАКЦИНИРАНИ. (слично како што е за крводарителите), предлага тој.Тој ги предлага следниве мерки:-Ако сакате да се намали антиваксерското расположение издвојте ги вистински прележаните од групата на невакцинирани, барем 120 дена по прележувањето.-Воведете го позитивниот резултат од тестот (не постар од месец дена) на антитела, како валиден доказ за влез во сите места каде се бара вакцинален сертификат, по 120. ден од прележувањето.-Предложете висока парична казна или затворска казна за секој кој ќе биде фатен со фалсификуван сертификат.-Вратете го задолжителното мерење на телесна температура при влегување на работа и во сите јавни затворени објекти, вели д-р Беќаровски кој секогаш е директен со своите ставови за спречување на пандемијата во земјава.

Коментари | пред 4 години

Македонија во канџите на енергетската зависност

Во однос на сите енергенти измерената енргетска зависност на државата во 2000-та година била 39,9%, во 2010 година изнесувала 44,1%, а во 2020 – 63,7%! Овие бројки кои покажуваат како државата се повеќе е во канџите на енергетската зависност ги открива Државниот завод за статистика. Со оглед на тоа дека гас и нафтени деривати никогаш и не сме имале, јасно е дека енергетската зависност се темели на увозот на електричната енергија како енергент, како и на јагленот кој се користи за нејзиното производство, пишува пари.мкВкупна енергетска зависност:Нето-увозот претставува разлика помеѓу увозот и извозот на енергентите во и од земјата.Цените на берзите на електричната енергија коишто достигнаа и над 200 евра за мегават-час, што е за повеќе од 3 пати од ланските, уште еднаш покажаа што значи да се има сопствено производство на струја. За жал, податоците покажуваат значително намалување на домашното производство на струја, и тоа особено на државното производство.Според Регулаторната комисија за енергетика, домашното производство на електрична енергија во 2010 година било 6.744 GWh, а во 2020 година изнесувало 5.127 GWh, или  24 %  помалку. Притоа, најголемо влијание врз ова намалување има производството на АД ЕСМ Скопје, коешто во 2010 година изнесувало 6.476 GWh, додека во 2020 година изнесува 3.643 GWh, или 44 % помалку.Домашно производство на струја:Целиот текст можете да го прочитате тука

Македонија | пред 4 години

Денес пристигнуваат тројца од повредените во автобуската несреќа

Тројца од повредените во автобуската несреќа денес ќе бидат транспортирани во земјава со техничките капацитети на домашното здравство.Oд преживеаните една пациентка е на неврохирургија и се опоравува од неколкуте операции, на рбетот и на потколеницита. Хоспитализираните во земјава ќе добиваат и помош од психијатар за полесно да го поминат стресот и шокот кој го преживеале.Претходно министерот за здравство, Венко Филипче од пред Ургентниот центар, каде пристигнаа двете возила на Итната медицинска помош со повредените во несреќата во Бугарија, информираше дека во Македонија се донесени пациентка на 17 годишна возраст и пациент на 49 годишна возраст.Во изјава за медиумите истакна дека двајцата се стабилни, тие се со полесни повреди, и се задржани на лекување на Клиниката за пластична и реконструктивна хирургија.

Македонија | пред 4 години

Дива свиња уби ловџија, откако пукал во нејзе и не ја погодил

Жител на село Долни Дисан починал денеска од повреди од дива свиња кон која пукал, а не ја погодил, потврдија за МИА од Министерството за внатрешни работи.– Во СВР Велес е пријавено дека околу 8 часот во близина на селото Вешје-Неготино, при лов на дива свиња, Т. Т. (1971) од село Долни Дисан, испукал еден куршум кон дива свиња, но не успеал да ја погоди, пo што таа го нападнала нанесувајќи му повреди, по што тој починал на лице место,  појаснуваат од МВР.

Македонија | пред 4 години

Патниците требало да проверат дали „Беса транс“ има лиценца, вели Пивоваров

Според Владимир Пивоваров, Национален координатор за гранично управување, одговорноста за трагичната автобуска несреќа која се случи во Бугарија имаат и граѓаните како што имаат и институциите. Тој во „25 минути“, интервју за 24 вести зборуваше за фактот што автобусот немал лиценца.– Дали некој од патниците прашал или побарал да види дали возилото со кое патувале има интербус дозвола? Верувам дека не – изјави тој во интервјуто.Но, веднаш по одговорот, новинарката го праша дали кога граѓаните влегуваат во такси, претходно треба да одат до такси-компанијата и да бараат регуларна лиценца, на што тој одговори потврдно.– Јас кога влегувам во такси барам тоа да е лиценцирано такси, поради мојата лична безбедност – рече Пивоваров.

Македонија | пред 4 години

Филипче да ги смени советниците, вели Чолакова

Новиот предлог на министерот за здравство, Венко Филипче, за стимулирање на вакцинацијата, според кој матичниот лекар ќе биде награден со 30 денари по пациент доколку надмине 70% на вакцинација на вкупниот број, наиде на незадоволство кај Здружението на матични лекари.Тие сметаат дека овој предлог е непристоен, и се незадоволни бидејки воопшто не биле консултирани за оваа препорака.„Му предлагам на Филипче да ги смени советниците бидејќи навистина многу лошо го советуваат“, вели во изјава за ТВ21 претседателката на Здружението на матични лекари, Лилија Чолакова Дервишова.

Македонија | пред 4 години

Д-р Даниловски: Да ги затвориме границите за да се заштитиме од новиот сој „омикрон“

И Македонија треба да преземе нови мерки поради новиот сој на коронавирусот наречен „омикрон“, да ја ограничи работата на клубовите и кафеаните и да ги затвори границите на неколку недели за да се успори инвазијата на новата варијанта, вели епидемиологот проф.-д-р Драган Даниловски во изјава за Канал 5.Тој вели дека овој сој нема да можеме да го спречиме да влезе и кај нас бидејќи премногу брзо се шири, но со мерките би добиле на време за да дознаеме повеќе за него.„Сега веќе повторно доаѓа предвид повторно строго да се инсистира на маски и на растојание во затворен простор, кафеаните и клубовите, ако се влоши епидемиолошката ситуација, доаѓа предвид и да се затворат, но мислам дека засега е доволно да се направат ограничувања на бројот на гостите“, вели епидемиологот.

пред 4 години

На Заев оставката не му е приоритет, прво преговорите со Алтернатива, па со Бугарија

Оставката на Зоран Заев од премиерската функција ќе зависи од тоа кога ќе завршат преговорите со Алтернатива за парламентарното мнозинство и од преговорите со Бугарија, изјави тој за Телевизија Телма.Министерот за надворешни работи Бујар Османи упати апел Заев да остане на премиерската функција , да не се загрозат евроинтегративните процеси и државата да не влезе во нови проблеми.Лидерот на ВМРО ДПМНЕ Христијан Мицкоски бара од Заев, по поднесената оставка во партијата, да поднесе оставка и во Владата.

Македонија | пред 4 години

(ФОТО) Уништен детски парк во Козле, Јакимовски револтиран: Ова е трет случај за 10 дена

Вандали целосно го уништиле детскиот парк во близина на паркот Македонија, објави попладнево градоначалникот Стевче Јакимовски.„По дојава на жители на урбана заедница КЈП направив обиколка во близина на паркот Македонија.Го затекнав паркчето за дечиња целосно уништено. Не можам да си поверувам каков ужасен чин. Ние ќе работиме, ќе ги сервисираме и поправаме но мора и да ги чуваме реквизитите.Не сакам ни да помислам дека намерно политчки “одредена група” се обидува да уништува општински реквизити, иако сум се соочил со слично однесување во минатото. Ова е трет сомнителен случај во изминативе 10тина дена. Предходно беше оштетен надвозникот Влајко, беа обиени канцелариите и направена материјална штета на инвентарот.Минатата недела истотака беше и оштетено сандаче за контрола на улично осветлување во Карпош 4 и во повеќе наврати беше гасено осветлувањето на неколку улици.Многу е сипмтоматично што во 4 години владеење на мојот претходник немаше вакви вандалски чинови додека за неколку недели од мојот мандат веќе се соочуваме со серија на инциденти од ваков карактер. Очекувам реакција од Полициска станица Карпош да отворат случај и да ги пронајдат сторителите на сите овие вандалски чинови.Ќе бидам многу гласен во заштита на интересите на граѓаните! Ова не смее да се дозволи! Мора да се стави крај на ваквото однесување“, стои во објавата.

Скопје | пред 4 години

Активистите од ЗХГ револтирани, бараат инспекторатот и обвинителствотвото да го заштитат јавниот интерес

Активистите од граѓанската иницијатива Зелен Хуман Град револтирани од комплетната нефункционалност односно од комплетното отсуство на институции во Македонија кои доведуваат до навидум безизлезни ситуации како оваа што ја имаме со просторот спроти „Холидеј ин“.„Очигледен и оправдан е очајот кај новомаалци кои урбанистичката мафија со децении ги држела во безизлез и крајно нехумани услови, за сега да им се претставува како спасител. Сценариото „создај проблем за да продадеш решение“ е веќе многупати видено во Македонија кога се цели јавното да се приватизира за да профитира мала група моќници. Простата замена на едни нехумани услови со други не е решение.Од друга страна, очигледен е отпорот кај скопјани, а во најголем дел жители на Центар, против узурпирањето и дехуманизирањето на последната „слободна“ парцела на тој дел од градот.Институтот за комуникациски студии следејќи го случајот во свој напис ја наведе следнава информација: „Продажбата [на парцелата, н.з.] ја извршило Министерството за транспорт и врски врз основа на извод од ДУП кој не се применува, согласно одлука донесена од Општина Центар за запирање на спроведувањето“, информираа лани од Антикорупциската комисија.Сепак, Државниот правобранител дал позитивно мислење, а од Министерството за транспорт и врски тврдеа дека нема ништо спорно во продажбата.Земјиштето спроти „Холидеј ин“ беше продадено во октомври 2018 година, по цена од 19.200 денари (312 евра) за квадратен метар. Тогаш Министерството продаде 9.048 квадрати, кои заедно со земјиште во приватна сопственост, добиено по пат на денационализација овозможија оформување на парцела од над 13.000 квадратни метри.Предметниот урбанистички план усвоен со Одлука на Советот на Општина Центар-Скопје бр. 07-9816/10 на 21.12.2012 година не може и не смее да произведува правно дејство затоа што не е во согласност со Генералниот урбанистички план на Скопје 2012-2022 и со неговото применување е прекршен членот 35 став (5) од Законот за урбанистичко планирање (ЗУП) кој гласи:Детален урбанистички план или дел од детален урбанистички план што не е усогласен односно е во спротивност со одредбите од генералниот урбанистички план, не може да се применува.Оттука, и продажбата на земјиштето од страна на Министерството за транспорт и врски и одобрението кое го издал градоначалникот на Општината Центар се незаконски бидејќи произлегуваат од незаконското спроведување на деталниот урбанистички план за Ц 08 кој е спротивен на Генералниот урбанистички план за Скопје 2012-2022.Иницијативата ЗЕЛЕН ХУМАН ГРАД во јули годинава поднесе претставка до Државниот инспекторат за локална самоуправа, Државниот инспекторат за градежништво и урбанизам и Инспекцискиот совет поради незаконските процеси околу спроведувањето на деталниот урбанистички план вклучително издавањето на одобрението за градење. Претставката беше изработена врз основа на елаборатот изготвен од стручните служби на Општина Центар каде што се минуциозно наведени сите неопходни аргументи поради кои тие оценија дека спорниот ДУП за Ц 08 е задолжително да се суспендира во согласност со Законот за урбанистичко планирање. Меѓу наведените причини се енормно надминување на параметрите од Генералниот урбанистички план како што се максималниот број на жители, просечниот процент на изграденост за домување, како и скандалозно навлегување на спорниот ДУП во регулациската линија на ГУП-от, поточно навлегување на градежната парцела во дефинираниот профил на улица од примарната мрежа. Позицијата на регулациските линии во урбанистичкото планирање е прашање од јавен интерес, како и следењето на хиерахиската усогласеност на плановите. Градењето на објекти за општа употреба меѓу кои спаѓаат и улиците е дефинирано како „јавен интерес од локално значење“ согласно со регулативата.Јавното обвинителство во мај годинава ја доби иницијативата од Државната комисија за спречување на корупцијата за спорниот ДУП која ја опфаќа локацијата спроти хотелот „Холидеј ин“ во центарот на Скопје.До денес јавноста нема добиено никаков одговор од Државниот инспекторат за градежништво и урбанизам ниту од Обвинителството иако се поминати четири, односно шест месеци од денот кога овие институции ги примиле пријавите. Градежните активности на паркингот спроти „Холидеј ин“ мора да запрат, а постапката во Обвинителството не смее повеќе да се одолговлекува!БарамеДржавниот инспекторат за градежништво и урбанизам и Јавното обвинителство најитно да си ја исполнат својата должност и да го заштитат јавниот интерес, а новомаалци да добијат решение и излез од нехуманите услови во кои живеат.Советот на Општина Центар најитно да го изгласа елаборатот за суспензија за натамошно спроведување на овој ДУП. Во моментов е издадено одобрение за еден од 3 планирани објекти на една од 3 парцели. Можноста за издавање одобрение за другите 2 објекти-кули на првата парцела и за окрупнување на другите 2 парцели и целосно приватизирање на овој простор без содржини од јавен интерес, во моментов институциите ја оставаат ширум отворена“, се вели во соопштението.

Скопје | пред 4 години

Стојкоски: Да фатат и да си го соберат отпадот, излезен е од нивната обложувалница

Градоначалникот на општина Ѓорче Петров, Александар Стојкоски на социјалните мрежи објави фотографии од куп фрлени листови од спортска обложувалница. Тој побара да го соберат отпадот бидејќи ова однесување е недозволиво.„Наспроти нашиот труд да имаме чиста општина, секојдневно наидуваме на купови отпад пред стопански субјекти од различен вид.Денеска, куп листови брендирани со MaxBet Makedonija, на патеката до нивниот објект.Недозволиво е ваквото однесување. Да фатат и да си го соберат отпадот, бидејќи секако излегол од нивната обложувалница!Ако ние како жители и одговорни лица не знаеме да ја одржиме чистотата во општината, ниту со сто комунални работници - нема да се постигне за се собере целиот отпад“, стои во објавата.

Скопје | пред 4 години

19 починати од коронавирус

Во последното деноноќие се регистрирани 333 нови случаи на КОВИД-19 од направени 2.547 тестирања, информира Министерството за здравство. Најмногу нови дијагностицирани има во Скопје – 152. Во Битола се 33, Охрид – 20, Кавадарци и Струмица – по 16, Прилеп –14, Куманово и Делчево – 10, Велес – 8, Кочани, Свети Николе и Ресен – 7, Штип – 6, Крива Паланка – 5, Тетово и Струга – по 4, Виница – 3, Гевгелија, Демир Хисар и Крушево – по 2, Кичево, Неготино, Берово, Кратово и Демир Капија – по 1.Регистрирани сe 309 оздравени пациенти. Во текот на изминатите 24 часа регистрирани се 19 починати лица - 6 починати лица од Скопје (52г, 66г, 78г, 79г, 88г, и 91г), 5 починати лица од Битола (59г, 69г, 79г, 80г и 86), 2 починати лица од Велес (38г и 72г) и по едно починато лице од Штип (71г), Пробиштип (89г), Кавадарци (32г), Кочани (66г), Гевгелија (58г) и Македонска Каменица (65г). Сите пријавени лица се починати во болнички услови.

Македонија | пред 4 години

Ангеловски: Зголемувањето на минималната плата ќе предизвика проблеми и невработеност

Претседателот на Сојузот на стопански комори на Македонија, Трајан Ангелоски во интервју за „РСЕ“ вели дека да се размислува за покачување на минимална плата било надвор од целокупната економска логика. Додава дека, сме се фаќале за последната сламка како давеник.„На кого тоа во моментов му одговара да разговараме за минимална плата? Кога нема доволно да инвестираме во инфраструктура, кога нема економијата да испорача квалитетен економски резултат, имам впечаток дека ние се фаќаме за последната сламка како давеник, а тоа е минималната плата. Во ваква економска состојба, каде што веќе нагласивме дека нивото на економски развој ни е пониско од претпандемиското, да влеземе во зголемување на минималната плата е „обратнопропорционално и навистина е надвор од целокупната економска логика“, кажа Ангелоски.Мислам дека тоа ќе биде дополнителен товар на стопанството кој ќе предизвика огромен проблеми и сигурно намалување на вработеноста, дополни Ангелоски.

Македонија | пред 4 години

Богоевски распали по сопственикот на „Беса транс“: Подобро да останеше во дупката

Не дечко, не е ова тест на Алах, ова беше тест на нашите инспекциски, управни, царински и гранични служби, вели денеска Павле Богоевски поранешниот пратеник, откако со фејсбук статус се јави Беким Хаџиу, сопственикот на превозникот Беса Ттанс. Хаџиу рече дека несреќата била божја волја и дека со патниците биле како семејство.„Пет дена по трагедијата, газдата на БЕСА Транс, Беким Хаџиу конечно излезе од дупка и преку фб изрази сочуство на семејствата на загинатите, а несреќата ја опиша како "тест на Алах". Не, дечко. Ова беше тест на нашите инспекциски, управни, царински и гранични служби. Сите тие паднаа на тестот, давајќи ти на тебе и сличните криминалци да печалите пари на сметка на безбедноста на патниците кои се дрзнуваш да ги наречеш "семејство". Подобро да останеше во дупката. Срамота., напиша Богоевски.

Коментари | пред 4 години

Хоџа по средбата со Џафери: Кои се луѓето кои ме следат

На социјалните мрежи се појави фотографија од министерот од Движењето Беса, Аријанит Хоџа и поранешниот висок функционер на ДУИ, Муса Џафери.Хоџа nсе огласи на социјалните мрежи и призна дека фотографијата е вистинска.– Гледам дека почнаа да се шири фотографија од моене со Муса Џафери, средба која се случила на јавно место без да се кријам од никого и без да имам никаков товар во моето политичко делување. Како активна личност во политиката имам стотици средби со луѓе кои сакаат да разговараат за актуелните политички прашања. Прашањето што се поставува е: кои се луѓето кои го следат секој мој потег и дали ова е мониторинг со институционални инструкции и како безбедносните органи го оправдуваат нарушувањето на приватноста на едно министерство во оставка на актуелната Влада. Ако нечиј стол на власт и попречува растот на Движењето БЕСА, тоа е проблем на оние кои ја имаат оваа грижа, а не наш, вели Хоџа.

Коментари | пред 4 години

Секоја година Железница трупа загуби, не заработува доволно ни од патниците, ни од фирмите

Додека низ Европа граѓаните од еден град, па и од една во друга држава, како најбрз и најевтин превоз ја одбираат железницата, кај нас се помалку патници ги користат возовите, а железничкиот сообраќај се поретко се користи и за транспорт на стоки. Железницата е неисцрпна тема за новинарски текстови, дебати, партиски ветувања, а деновие прашањето повторно се актуелизира откако машиновозачите одбија да влезат во локомотивите, но и со превозот на јагленот со вагони до најблиската точка до РЕК Битола. Протестот на машиновозачите уште еднаш го постави на маса прашањето за финансиската кондиција на МЖ-транспорт, а прашањето за тоа како да се превезе јагленот што ќе се увезе за термоелектраната,  потсети на тоа како и колку се одржуваат пругите, пишува порталот пари.ком.мкМЖ-Транспорт не заработува доволно ни од патниците, ни од фирмите.Минатата година АД Железници – транспорт релизирала приход од 18,7 милиони евра. Притоа, патничкиот сообраќај донел околу 7 милиони евра, а товарниот сообраќај речиси 11,5 милиони евра. Но, трошоците биле значително поголеми и претпријатието отишло во загуба околу 7,5 милиони евра. Според бизнис планот за 2021 година, АД Железници -транспорт планира речиси иста толкава загуба и за оваа година! Всушност, секоја година Железница трупа загуби.Еве какви се финансиските резултати на Железници-транспорт во последниве 5  години:(Во милиони евра)Извор: Бизнис планови на МЖ-Инфраструктура, објавени на нивната веб страницаНаспроти овие големи загуби, МЖ-Транспорт има огромни обврски кон странски железници и кон добавувачите. Според нивните податоци, заклучно со 30.11.2020 година доспеаните неплатени обврски изнесувале 58 милиони евра, а дел од нив се од минатиот век!Кому сѐ му должи МЖ – Транспорт?(во евра)Железници - инфраструктура има акумулирана загуба од 54 милиони евра.Во загуба е и Железници -Инфраструктура. Ова јавно претпријатие го објави финасискиот извештај за третиот квартал од годинава и според него, само од 1 јули до 30 септември, Инфраструктура направила загуба од 1,3 милиони евра. Акумулираната загуба на јавното претпријатие, заклучно со 31.12.2020 година е дури 54 милиони евра! Притоа, неизмирените обврски на крајот од минатата година биле речиси 38 милиони евра. За одржувањето и доизградба на железничката инфраструктура , јавното претпријатие има позајмено пари од Светска банка, Европската банка за обнова и развој, но и од Агенцијата за државни патишта. Износот на основицата на овие долгорочни кредити е 198 милиони евра, а пресметаната камата изнесува над 4 милиони евра. Според последните податоци од МЖ-Инфраструктура во тек се инвестиции од 250 милиони евра.Целиот текст можете да го прочитате тука

Македонија | пред 4 години

Сопственикот на Беса Транс: Патниците ги сметаме за фамилија, и порано доаѓале на нашите тури

Сопственикот на Беса Транс, Беким Хаџиу, преку социјалните мрежи изрази сочувство до семејствата на жртвите од сообраќајката во која 45 граѓани ги загубија животите патувајќи во неговиот автобус.„Алах да им даде рај на починатите, а на повредените што поскоро опоравување. Овие зборови ги кажувам со жалење и со повредено срце. Тие беа исто така наше семејство, бидејќи секогаш кога патувавме и патниците ги сметавме за фамилија. Четири дена бевме заедно во Истанбул и забележав дека повеќето и порано доаѓале со нас на тури со нашите автобуси за Истанбул. Овие тестови се од Алах и верувам дека се прифатени од секој верник, неговата волја не може да биде променета ни за минута и бараме од Алах никого да не тестира”, напиша Хаџиу на Фејсбук.

Македонија | пред 4 години

Експерти: Главната причина за автобуската несреќа не треба да се бара во состојбата на патот

Главната причина за тешката сообраќајка на автопатот Струма не треба да се бара во состојбата на патот. Ова го истакна претседателот на Здружението „Безбедност на патиштата“ проф.д-р инж. Румен Миланов во програмата „Зборувај сега“ на БНТ.Тој додаде дека на лице место извршил увид на кобната делница на автопатот Струма. Според него, проширувањето на автопатот и заштитната ограда што го опкружува се на доволно растојание од десната лента и не треба да ги доведе во заблуда возачите кои минуваат и покрај темнината и амортизираните ознаки.Миланов очекува прегледите да завршат во рок од две недели и да се разјасни движењето и состојбата на автобусот непосредно пред ударот.Според проф. Миланов, останува неодговорено прашањето за појавата на ненадејниот и толку интензивен пожар. Според него нафтата не треба да предизвикува вакво горење.Претседателот на Здружението на експерти и експерти, проф. Симеон Ананиев, рече дека е исклучително важно да се утврди колку брзо се движел автобусот непосредно пред ударот. Ова исто така ќе одговори на прашањата за појавата на последователниот пожар.Тој посочи дека е многу важно да се утврди фактичката состојба на автобусот, како и колку навистина е старо возилото. Деновиве стана јасно дека опожарениот автобус сообраќал со документи на друго возило на превозникот. Затоа во моментов не се јасни ниту староста на автобусот ниту неговата техничка состојба.Ананиев рече и дека ако автобусот всушност бил стар три години, чудно е што не се активирани современите интелигентни системи за заштита, кои претпоставуваат автоматско отворање на вратите во случај на чад.„Во транспортот, многу од прописите се напишани со крв. Оттука, важно е што правиме за нашите патишта за да можеме да ги минимизираме несреќите“ рече Симеон Ананиев.

Македонија | пред 4 години

Од 17 починати најмладиот има 37 години и 436 нови случаи на заразени со коронавирус

Министерството за здравство информира, согласно податоците од Институтот за јавно здравје дека во последните 24 часа:Направени се 3.447 тестирања, а регистрирани се 436 нови случаи на КОВИД-19:Скопје – 218, Битола – 40, Прилеп – 25, Кавадарци – 22, Велес –16, Куманово – 15, Тетово и Кочани – по 14, Штип – 13, Делчево – 12, Охрид – 9, Струмица и Берово – по 7, Ресен - 6, Крива Паланка – 5, Неготино, Виница и Македонска Каменица – по 4, Кичево, Гевгелија, Валандово, Богданци, Демир Хисар и Крушево – по 3, Радовиш, Пробиштип и Кратово – по 2, Струга, Свети Николе, Македонски Брод и Дојран – по 1.Регистрирани сe 336 оздравени пациенти од: Скопје – 142, Битола – 29, Прилеп – 25, Велес – 20, Штип и Струмица - по 18, Кавадарци – 15, Кочани – 13, Куманово – 11, Берово – 8, Неготино и Гевгелија – по 6, Валандово – 5, Делчево, Ресен, Кратово и Гостивар – по 3, Виница и демир Хисар – по 2, Македонска Каменица, Кичево, Радовиш и Пехчево – по 1.Во текот на изминатите 24 часа регистрирани се 15 починати лица: 7 починати лица од Скопје (44г, 54г, 61г, 67г, 71г, 73г и 94г), по 2 починати лица од Кавадарци (37г и 72г) и Радовиш (51г и 79г), по едно починато лице од Кратово (93г), Куманово (92г), Прилеп (82г) и Крива Паланка (78г). Сите пријавени лица се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, се пријавени 2 починати лица со датум на смрт од 20.11.2021 до 24.11.2021. Регистрираните починати лица се од Кочани (1) и Струга (1). Починатите лица се на возраст од 74 и 77г. Двете лица се починати во болнички услови.Направени се 3.447 тестови преку: ИЈЗ-333, ЦЈЗ Скопје-71, ЦЈЗ Битола-93, ЦЈЗ Прилеп-54, ЦЈЗ Тетово–5, ЦЈЗ Куманово-55, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–165, Жан Митрев (Филип Втори)-95, Авицена-128, Биотек-213, Систина-64, лабораторија Лаор-193, Синлаб-18, Ремедика-17, Плодност–36, Генеа-20, Никоб лаб-344, ВФВ Медикал-59, Ели Медика-56, Ројал Медика–32, Спектра-ММ-12, Рапид Лаб–2, Жан Митрев Струмица–4, Нова Лаб Дијагностика–13, ЈЗУ и ПЗУ (рапид тест) – вкупно 1.364.Досега во земјата се направени вкупно 1.465.204 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 214.676, бројот на оздравени пациенти е 198.755, на починати е 7.528, а бројот на активни случаи изнесува 8.393.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 93858, Активни 3902Куманово 12844, Активни 271Тетово 11307, Активни 158Прилеп 10140, Активни 433Битола 8571, Активни 692Гостивар 8059, Активни 31Велес 7268, Активни 344Кавадарци 6902, Активни 306Штип 6556, Активни 196Охрид 6415, Активни 280Струмица 6074, Активни 149Кичево 4220, Активни 87Кочани 3975, Активни 201Струга 3894, Активни 60Гевгелија 2778, Активни 141Неготино 2551, Активни 71Свети Николе 2105, Активни 81Крива Паланка 1871, Активни 137Ресен 1727, Активни 108Радовиш 1711, Активни 69Дебар 1455, Активни 1Берово 1420, Активни 97Делчево 1372, Активни 136Виница 1148, Активни 41Пробиштип 1110, Активни 33Валандово 927, Активни 55Кратово 758, Активни 57Богданци 642, Активни 40Демир Хисар 606, Активни 89Крушево 580, Активни 27Македонски Брод 490, Активни 10Демир Капија 422, Активни 7Македонска Каменица 412, Активни 69Пехчево 347, Активни 12Дојран 161, Активни 2

пред 4 години

Случајот кој ја потресе јавноста: Велешанката Пале доби уште еден месец притвор

Притворот на Пале и е продолжен за уште 30 дена, нема готови резултати од вештаците – за ,,Фокус” откриваат роднини на велешанката Пале И. (23), чиј случај кон крајот на септември ја вознемири јавноста.Младата девојка заврши зад решетки, откако 40-годишниот полициски службеник Александар Р. со кого живеела во вонбрачна заедница ја фатил за врат и започнал да ја дави, по што таа го избодела со нож.Самата повикала Итна помош, а медицинската екипа констатирала смрт кај полицаецот, со прободување со нож во граден кош. Набргу по настанот, роднини на Пале, чиј идентитет е познат на редакцијата на ,,Фокус” јавно раскажаа низ што минала младата девојка.Тврдеа дека таа не е ладнокрвен убиец, туку убиството се случило во самоодбрана. Појаснуваа дека нејзиниот вонбрачен партнер често пиел алкохол и ја навредувал, ја пцуел, бил посесивен, но и дека се сомневаат како трпела физичко малтретирање.ПОВЕЌЕ 

Македонија | пред 4 години

„Ајла сакаше да биде наставничка, Ергин да има ресторани за да ги храни сиромашните“, наставничка раскажа за соништата на загинатите деца

Снимателот од МИА, Аслан Вишко, ја подели траотната атмосфера која изминатите денови владее во училиштето „Исмаил Ќемали“. Во оваа институција, учеа пет деца кои ги изгубија животите во автобуската трагедија во Бугарија. Наставничка на две од децата, раскажала за соништата на две од децата.„Алја, сакаше да биде наставничка по англиски со желба да ја пренесе љубовта и знаењето од нејзината наставничка. А Ергин? Е тој сакаше да биде ‘the boss’ (газда). Да има многу ресторани во кои ќе ги храни сиромашните. Со солзи на очите раскажува нивната наставничка. Прекрасни и воспитани деца беа тоа. Солзите сами течат“, напиша Вишко во објавата на социјалните мрежи.Тој сподели и фотографии на кои се гледаат празните клупи, како и местата каде што седеле учениците на кои сега цвеќиња во знак на почит.Во придружба на првиот вицепремиер Артан Груби, денеска европратеникот Илхан Ќучук, го посети ОУ „Исмаил Ќемали”, во Чаир, чии пет ученици загинаа во големата собраќајна трагедија во Бугарија. Посетата на Ќучук, на ова основно општинско училиште, како што изјави Груби, е реализирано по желба на самиот европратеник, со единствена цел даискаже почит кон жртвите од трагичниот настан во Бугарија каде што загинаа 45 наши сограѓани.

Македонија | пред 4 години