Стефан Горгиевски на друштвената мрежа Фејсбук се пофали со фотографија дека вчера околу 11 часот со црн спреј го покрил името Иван Михајлов кое беше испишано на бугарското здруежение во Битола.Бугарската БТВ објави пак фотографии од безбедносните камери на објектот на кои се гледа како Горгиевски со спреј го покрива името.
Македонија | пред 2 години
Натписот на бугарскиот клуб „Ванчо Михајлов“ во Битола е премачкан со црна боја.Централниот регистар го избриша овој бугарскиот клуб. По него, Регистарот го избриша и културниот центар „Цар Борис Трети“ од Охрид, откако на 30 март министерот за правда, Кренар Лога, го потпиша решението за неусогласеност на називот на овој клуб со измените на Законот за здруженијата и фондациите. Бугарските клубови имаа рок до 16 февруари да ја усогласат работата со измените во Законот за здруженијата и фондациите донесени лани во ноември, но не го направија тоа. Охридскиот клуб во повеќе наврати беше вандализиран, додека пејачот Ламбе Алабаковски ја потпали вратата на бугарскиот клуб во Битола за што доби условна казна.Фото: Бабам Битола
Македонија | пред 2 години
Oтворањето бугарски здруженија во Македонија со имиња како „Цар Борис Трети“ или „Ванчо Михајлов“ е провокација и е во интерес на хибридни стратези, вели директорот на Агенцијата за разузнавање Еролд Муслиу за „360 Степени“.Според него, нивната цел е да го забават зачленувањето на земјава во ЕУ.„Во целиот процес во изминативе 10-12 години јасна и видлива беше интенцијата на трети актери да го успорат процесот на зачленување на Македонија, Црна Гора и други држави во НАТО, исто како и во делот на Европската Унија. Конктретно, околу бугарските здруженија, јас можам да кажам дека ова го третирам од аспект на провокација и е во интерес на хибридни стратези кои се уште не се откажуваат да го попречат или да го успорат нашиот пат, на Република Северна Македонија, да се зачлени во Европската Унија“, вели тој.
Македонија | пред 3 години
Нова провокација доаѓа од бугарскиот културен клуб Ванчо Михајлов кој е отворен во Битола. Ова е ставот на граѓаните кои ја коментираат најновата објава на фејсбук.Во неа стои некаков си цитат во кој ја оспоруваат државотворноста и независноста на Македонија. Според објавата Македонија е земја со која управуваат две други странски држави.„Паролата на студентите:Долу експонатите на србизмот,Димитар Влахов, Лазар Колишевски, Михајло Апостолски и нивните другари!”, „Да живее духот на Гоце Делчев и Даме Груев!!Обвинението на крвниците:Така, под раководство на обвинетиот Калкашев – истите се организираат во организација која што има за цел борбата против денешната ФНРЈ и нејзиниот уставен поредок и одвојување на Н.Р Македонија од составот на ФНРЈ во некаква си „Автономна Македонија” на чело со крволокот на мак. народ Ванчо Михајлов, а под протекторат на Англија и Америка“; стои во објавата.Бугарскиот културен клуб во Битола беше оспорен од граѓаните, а неговото име уште не е утврдено дали смее да биде применувано и за тоа има комисија во министерството за правда која треба да одлучи каква ќе биде иднината на ова здружение чие седиште беше и запалено.
Коментари | пред 3 години
Професорката Мирјана Најчевска се огласи на социјалните мрежи во врска со клубот Ванчо Михајлов во Битола.„Да отвориш клуб на културата во Македонија и да го наречеш Ванчо Михајлов (кој со културата има допирни точки како риба со велосипед) може да биде само со намера да создадеш постојан извор на конфликти, да продуцираш конфликти и да ги користиш секогаш кога ќе ти притребаат.Елементарна дипломатска култура ќе покажеа кога ги видоа реакциите во Македонија да го променат името на клубот.Меѓутоа, во случајот очигледно постои и умисла и намера за создавање и одржување непријателство меѓу Бугарите и Македонците“, вели Најчевска.
Коментари | пред 3 години
Д-р Милен Врабевски и Фондацијата „Бугарска меморија“ ќе ги покријат трошоците за возобновување на Центарот за култура „Иван Михаилов“ во Битола, откако вчера беше опожарен центарот на бугарството кај нашиот западен сосед, соопшти фондацијата.Тимот на Фондацијата „Бугарска меморија“ најостро го осудува овој чин на агресија и инсистира на навремена акција на надлежните институции за откривање на сторителите на вандализмот.„Ние сме разочарани од овој вандализам. После тоа, не можеме да кажеме дека во Република Северна Македонија се почитуваат човековите права. И покрај тоа, културниот центар нема да престане со работа, напротив - продолжуваме уште посилно да се бориме за правата на бугарската заедница во Македонија. Сакаме да му се заблагодариме на д-р Милен Врабевски што толку долго ги поддржуваше нашите активности и уште еднаш изрази желба да ни помогне, покривајќи ги трошоците за материјалната штета од подметнат пожар“, изјави Георги Царномаров од Центарот за култура „Ванчо Михајлов“, Битола.
Македонија | пред 3 години
„Штом дознав на нашата средба со Бујар Османи за палењето на домот за култура, заминав за Битола. На лице место се сретнав со директорот на битолската полиција. Ви благодариме за брзата реакција и на противпожарната бригада и на полицијата, дежурниот обвинител. Директорот на полицијата ќе вложи максимални напори за откривање на сторителот на овој немил и вандалски чин“. Ова го изјави министерката за надворешни работи на Бугарија, Теодора Генчовска која престојува во Скопје, за Бгнес.„Моите очекувања се дека судството во РСМ ќе си ја заврши работата. На снимките на една од камерите можев да видам човек кој мирно пристигнува со велосипед, вади цевка со запалива течност и ја истура течноста пред вратата од куќата. Оваа смиреност беше малку нарушена, бидејќи пожарот што избувна беше огромен, се исплаши, се сомневам дека лицето има некои повреди од овој пожар, можеби ќе побара лекарска помош. Човекот носел маска“, рече Генчовска.Таа додава дека според неа ова дело е направено ладнокрвно и намерно.„– Ова нема да предизвика пожар во односите меѓу нас. Во моментов односите се нормално конструктивни и се одвива нормален работен дијалог. Двата тима работат напорно многу часови, продолжуваме да се обидуваме да најдеме решение за отворените прашања во спроведувањето на Договорот за добрососедство – рече Генчовска.Пожарот е израз на говор на омраза, рече Генчовска, и додаде дека се очекува Северна Македонија и нејзината Влада да имаат кохерентна сеопфатна политика за справување со говорот на омраза.– Оптимисти сме за резултатите – кога и како е прашање на подготвеност на колегите од Владата на Република Северна Македонија да ги спроведат овие договори – додаде Генчовска.
Македонија | пред 3 години
Два месеци откако беше отворен, запален дел од културниот центар Иван Михајлов во центарот на Битола. Изгорена е влезната врата и името на клубот, а внатре во објектот нема материјална штета.Инцидентот утрово бил пријавен во битолската полиција. Заедно со обвинител извршиле увид, подигнати се траги кои се дадени на вештачење а издадена е и наредби за обезбедување на снимките од безбедносните камери кои ги имала самата зграда но и околните објекти.Овој настан предизвика голем број реакции на социјалните мрежи каде се пошегуваа дека можеби кабел го предизвикал пожарот во клубот, па побараа и овој пат да се викнат германски експерти со цел да направат увид.https://twitter.com/KrumeB/status/1533053416150388736?s=20&t=S5rYw4VvjYwEir-oIN1kUghttps://twitter.com/Makedonija_MKD/status/1533042872324345858?s=20&t=S5rYw4VvjYwEir-oIN1kUghttps://twitter.com/Beliotpesjak/status/1533042581663371270?s=20&t=S5rYw4VvjYwEir-oIN1kUghttps://twitter.com/deleted90808465/status/1533040417637294080?s=20&t=S5rYw4VvjYwEir-oIN1kUghttps://twitter.com/BiguzDikuz/status/1533037125138096138?s=20&t=S5rYw4VvjYwEir-oIN1kUghttps://twitter.com/imakrupnasol/status/1532996990363222019?s=20&t=S5rYw4VvjYwEir-oIN1kUghttps://twitter.com/PravednaTavita/status/1533119321043619847?s=20&t=QhBcdkie8D-bqfLh1_f2Xghttps://twitter.com/Hank___Chinaski/status/1533084699693928450?s=20&t=QhBcdkie8D-bqfLh1_f2Xghttps://twitter.com/ZommbieWalker/status/1533061987411890177?s=20&t=QhBcdkie8D-bqfLh1_f2Xghttps://twitter.com/atanasnajdov_a/status/1533100424999337989?s=20&t=QhBcdkie8D-bqfLh1_f2Xghttps://twitter.com/atanasnajdov_a/status/1533087273377570816?s=20&t=QhBcdkie8D-bqfLh1_f2Xg
Коментари | пред 3 години
Бугарската политичарка Илијана Јотова преку социјалните мрежи порача дека опожарениот културен центар „Иван Михајлов“ е уште една провокација. Таа вели дека „западниот соссед треба да ги почитува правата на Бугарите“„Потпалувањето на културниот центар во Битола е уште една провокација и дел од маскираната анти-бугарска кампања, која почна веднаш по отворањето на клубот. На отворањето, пред еден месец, бугарската делегација присуствуваше во Битола, а функција на културниот дом е зачувување на бугарската култура и идентитетот на Бугарите во Северна Македонија. Само брзо дејствување на институциите со цел откривање на сторителите ќе покажат дека кај нашиот западен сосед се почитуваат правата на Бугарите, како на сите останати националности“, напиша Јотова.
Македонија | пред 3 години
Претседателот на Република Македонија, Стево Пендаровски го осуди палењето на клубот „Ванчо Михајлов“ во Битола. Тој вели дека овие чинови се провокација и нема да доведат до унапредување на односите со Бугарија.„Најостро го осудувам палењето на објектот на културниот центар на бугарската заедница во Битола. Ваквите чинови се провокација и не одат во прилог на унапредување на односите со Бугарија.Ги повикувам надлежните институции да спроведат брза и детална истрага, да ги преземат сите потребни мерки, да се откријат и санкционираат сторителите“, вели Пендаровски.
Македонија | пред 3 години
Дежурен јавен обвинител од Основното јавно обвинителство Битола, заедно со екипи на СВР Битола, утрово извршија увид на лице место на опожарен објект – центар за култура „Ванчо Михајлов“.„Првичните наоди од увидот упатуваат дека е опожарен влезниот дел од објектот. Подигнати се траги од лице место за кои јавниот обвинител издаде наредба за вештачење.Со цел откривање на сторителот, јавниот обвинител веднаш ќе издаде и наредби за обезбедување на снимките од безбедносните видео камери на самиот објект, но и на околните објекти.“, велат од обвинителството.
Македонија | пред 3 години
Министерството за надворешни работи на Република Северна Македонија најостро го осудува актот на намерно палење на влезот на здружението Иван Михајлов во Битола.„Ваквиот вандалски напад е уште еден доказ дека има многу актери кои се против постигнувањето на напредок во односите меѓу Северна Македонија и Бугарија и нашата заедничка европска иднина.Ова кривично дело не случајно е извршено на денешен ден, кога двете држави ќе остварат дијалог во функција на надминување на отворените прашања на патот на евроинтеграцијата на Северна Македонија.Надлежните органи на државата прават напори за откривање на сторителот на овој вандалски чин“, се вели во соопштението од МНР.
Македонија | пред 3 години
Запален Културниот центар Ванчо Михајлов во Битола. На социјалните мрежи беа објавени фотографии од истиот и се апелираше институциите во најбрз можен рок да го расветлат случајот.„Во раните утрински часови беше опожарен објектот на Културен центар "Иван Михайлов" - Битоля.Очекуваме институциите во нај брз можен рок целосно да го расветлат случајот и сторителите да ги извадат пред лицето на правдата!!“, стои во објавата. Клубот се отвори во април, со присуство на високи делегации од Бугарија. За Македонија, името на клубот беше карактеризирано како провокација. Реакции имаше и од граѓаните ширум државата.
Македонија | пред 3 години
Министерот за надворешни работи на Република Македонија, Бујар Османи, во интервју за бТВ одговори на прашањето зошто го смета за провокација отворањето на културниот центар во Битола „Ванчо Михајлов“.„Кога ќе влезете во центарот за култура, на главниот влез има голема табла со цитат од Ванчо Михајлов, на која пишува: „Залудни се напорите на таканаречениот македонски народ да го лаже светот“.Ова е голема навреда за нашите граѓани, ова е голема навреда за луѓето што ги застапувам. Ова кај нас се смета за провокација. Не верувам дека бугарските власти дојдоа поради оваа порака на Михаилов, која беше поставена на влезот од клубот. Но вака се толкуваа сите овие пораки што ги налутија граѓаните. И наша должност е да ги разјасниме овие прашања, отворено да си кажеме што е она што не провоцира, што не лути, за да можеме во отворен дијалог да ја создадеме нашата заедничка иднина“, вели Османи.На прашањето дали му пречи само името на центарот и конкретното лице или составот на бугарската делегација, тој вели дека доколку клубот не го носел тоа име, целата влада би присуствувала на настанот„И јас во мојата изјава кажав дека доколку клубот не го носеше ова име ние ќе бевме дел од оваа делегација во Битола. Целата наша влада би била таму, бидејќи ја поздравуваме и сакаме да ја поттикнеме бугарската заедница да се организира, сакаме бугарската заедница да се интегрира во институциите, системите и механизмите создадени преку рамковниот договор. Но, мора да внимаваме на чувствителноста на двајцата, особено во овој период на доверба. Сакаме да ја вратиме довербата еден во друг. Секако дека ваквите прашања ќе ни бидат се помалку важни, бидејќи ќе бидеме фокусирани на иднината, на заедничката европска перспектива за граѓаните на двете земји. Но, ова е деликатен период во кој и вие и ние мора да бидеме внимателни за да ја создадеме нашата заедничка иднина“, додаде Османи.
Македонија | пред 3 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања