Како лесно да ги отстраните дамките од боја по варосување?
По варосувањето на домот, многумина се соочуваат со проблемот со дамки од боја на подот, мебелот или други површини. Иако на прв поглед изгледаат како трајно оштетување, дамките во повеќето случаи можат да се отстранат доколку се реагира навреме и се користат соодветни средства.Кај свежите дамки наједноставно решение е влажна крпа. Доволно е со мека крпа натопена во вода нежно да се избрише извалканата површина, за бојата да се отстрани без оштетување.Ако дамките се поупорни, може да помогне мешавина од вода и течен сапун или благ детергент. Средството се нанесува на дамката, се остава неколку минути да делува, а потоа површината внимателно се чисти со сунѓер или крпа.За исушени траги од боја често се користи алкохол.Се нанесува на крпа, па дамката нежно се трие додека не почне да се отстранува. Бидејќи алкохолот брзо испарува, помала е веројатноста да ја оштети површината, но сепак се препорачува прво да се испроба на помалку видливо место.Кај најтврдокорните дамки, особено од мрсна боја, може да помогне ацетон. Сепак, со него треба да се биде внимателен бидејќи може да оштети одредени материјали, па најдобро е прво да се тестира на скриен дел од површината.Сепак, најдобар начин да избегнете дамки е добра подготовка на просторот пред варосување – заштитата на подот, мебелот и другите површини може да заштеди многу време и труд по завршувањето на работите.
Магазин | пред 2 часа