варшава

Државјани на Белорусија уапсени по соборување на дрон над Варшава

Полските безбедносни служби во понеделникот вечерта соборија дрон што летал над повеќе значајни владини објекти во Варшава, а во акцијата беа приведени двајца државјани на Белорусија.Како што соопшти премиерот Доналд Туск преку социјалната мрежа „Икс“ (X), дронот бил забележан над областа со владините згради на улицата Парков, како и над палатата Белведере, по што бил неутрализиран од страна на Државната служба за безбедност. Веднаш потоа полицијата ги привела осомничените лица, а надлежните институции започнаа истрага за случајот.Настанот доаѓа помалку од една недела откако полската армија собори 19 руски беспилотни летала во близина на украинската граница – инцидент кој беше оценет како најтежок од почетокот на руската целосна инвазија врз Украина пред повеќе од три години.Москва негира дека нејзини дронови го повредиле воздушниот простор на НАТО, но Алијансата сепак реагираше со голема воена операција за зајакнување на источната граница, наречена „Источна стража“, која предвидува прераспоредување на војска и опрема.Во Полска расте стравувањето дека војната може да се прелее од Украина, па сè погласни се повиците НАТО да го затвори украинското небо и да обезбеди воздушна заштита.Од руска страна, пак, предупредуваат дека таков потег би претставувал фактички почеток на директна војна меѓу Русија и НАТО. Во меѓувреме, Русија и Белорусија спроведуваат заеднички воени маневри во близина на Минск.фото: Unsplash

Свет | пред 3 месеци

Илјадници земјоделци на улиците на Варшава, рудари и камионџии се приклучија на протестот

Илјадници полски земјоделци излегоа денеска на улиците на Варшава во знак на протест против земјоделската политика на Европската унија и увозот на евтина храна од Украина.Насобраните бараат полската влада да се повлече од „Зелениот договор“ на Европската унија – план кој, меѓу другото, има за цел борба против климатските промени преку намалување на употребата на пестициди, пренесува ПАП.Претседателот на синдикатот на земјоделски организации Славодмир Издебски истакна дека заедно со земјоделците во полската престолнина дошле и рудари од синдикатот „80 август“, камионџии и други незадоволни работници.Еден од организаторите на протестот, Шчепан Војчик, рече дека тоа што земјоделците се на улица е „неуспех на владата“.„Бараме да се напуштат погрешните и деструктивни одредби од Зелениот договор и да се брани сточарството во Полска“, рече Војчик.

Свет | пред 1 година