Вицегувернерот Величковски: Народната банка со унапредена монетарна рамка и активности за поефикасни финансиски пазари
Народната банка на Република Македонија продолжува со унапредување на монетарната рамка и активности насочени кон развој на финансиските пазари и зголемување на нивната ефикасност, истакна вицегувернерот Игор Величковски.Тој, на Годишното собрание на Здружението на финансиски пазари АЦИ Македонија, нагласи дека централната банка доследно ја спроведува стратегијата за стабилен девизен курс на денарот во однос на еврото, кој, како што посочи, претставува клучно сидро за ценовна стабилност и економска предвидливост, стои во соопштението од Народна банка.Величковски посочи дека со најновите измени на оперативната монетарна рамка се заокружува значаен процес на нејзино унапредување, со што се обезбедува поголема флексибилност и поефикасно управување со ликвидноста во банкарскиот систем, како и побрза реакција на пазарните движења, стои во соопштението.Тој додаде дека овие промени се особено значајни во услови на зголемена глобална неизвесност, предизвикана од геополитичките случувања и конфликтите на Блискиот Исток, кои влијаат и врз домашната економија, стои во соопштението.Како што истакна, со пократка рочност на благајничките записи и воспоставување симетричен распон на каматните стапки, се овозможува попрецизно насочување на краткорочните каматни движења и поефикасен пренос на монетарните сигнали, како што е наведено во соопштението.Во наредниот период, Народната банка ќе биде фокусирана на понатамошен развој на девизниот пазар, со цел зголемување на транспарентноста, ликвидноста и довербата, при што останува посветена на одржување стабилен девизен курс, стои во соопштението.Посебен акцент беше ставен и на регулативните измени во делот на финансиските инструменти и финансиското обезбедување, со кои се овозможува воспоставување платформи за секундарно тргување, што треба да придонесе за поголема транспарентност, заштита на инвеститорите и поголема ликвидност, како што е наведно во соопштението.Во соопштението се наведува дека во делот на платежните системи, Величковски го истакна значењето на пристапувањето на земјата кон Единствената област за плаќања во евра (СЕПА), оценувајќи го како важен чекор кон интеграција во европскиот платежен простор.Тој додаде дека со вклучувањето на банките во СЕПА веќе се овозможени побрзи, поевтини и потранспарентни прекугранични плаќања, а тековните активности се насочени кон воспоставување систем за инстант плаќања во реално време, 24 часа дневно, стои во соопштението.Народната банка како што беше истакнато во соопштениетео, и понатаму ќе остане посветена на развојот на финансиската инфраструктура и создавање стабилно, ефикасно и конкурентно финансиско окружување.
Македонија | пред 3 часа
