вибер

Русија ја блокираше апликацијата Вибер

Руските власти ги блокираа услугите на апликацијата Вибер бидејќи операторот наводно го прекршил законот, соопшти во петокот рускиот телекомуникациски регулатор Роскомнадзор.Регулаторот рече дека апликацијата, во сопственост на јапонската мултинационална компанија Ракутен, се користела за терористички и екстремистички цели, за продажба на дрога и ширење дезинформации.Обвинителите го истражуваа Вибер за ширење „информации за дестабилизирање на политичкиот и општествениот поредок во Русија“, објави државната новинска агенција ТАСС.Вибер не го коментираше ова.Од 2018 година, операторите на комуникациските платформи во Русија мора да складираат приватни податоци на корисниците како што се повици, пораки, фотографии и видео и да ги достават до разузнавачките служби на барање.Руските власти дополнително ја зајакнаа цензурата во земјата од почетокот на војната против Украина.Вибер беше казнет минатата година за наводно дискредитирање на руските вооружени сили со тоа што не ги избришал информациите за војната како што наредил Владимир Путин.Русија веќе блокираше голем број популарни апликации за пораки и социјални мрежи. LinkedIn, Facebook, Instagram и Signal не можат да се користат во Русија без VPN (виртуелна приватна мрежа).

Свет | пред 1 година

Хакери тврдат дека украле податоци од корисниците на Вибер

Хандала Хак, пропалестинска хакерска група, тврди дека го хакирала Вибер и бара компензација.Хакерите на нивниот канал Телеграм објавија дека украле повеќе од 740 GB податоци, вклучувајќи го и изворниот код на Viber.За да ги откупи украдените информации, хакерската група бара откуп од осум биткоини, што е околу 583.000 долари.Viber одговори на тврдењата на хакерската група, а компанијата ги отфрла наводите за упад во системот и компромитирање на податоците, но истакнува дека е покрената истрага за да се провери дали безбедноста на корисниците е загрозена.„По истрагата, не најдовме докази за поддршка на какви било тврдења за упад во нашите системи или за загрозување на податоците на корисниците. Безбедноста на податоците на корисниците е наш главен приоритет“, велат од компанијата.Хандала Хак е група позната по своите напади врз израелски цели и сојузници на Израел. Тие се активни од лансирањето на нивниот канал Телеграм во декември 2023 година.На корисниците на Viber им се препорачува да бидат претпазливи и да ја следат ситуацијата додека Viber не објави официјално соопштение и целосно не ги отфрли ризиците на кои би можеле да бидат изложени податоците на корисниците.

Свет | пред 1 година

Црна Гора е првата земја каде е достапна премиум претплатата за Viber

Црна Гора е првата земја во светот која Rakuten Viber ја избра да ја направи својата премиум претплата услуга достапна за своите кориснициКако што се наведува во соопштението, корисниците од Црна Гора кои ќе одлучат да се претплатат на Viber Plus ќе бидат првите во светот кои ќе имаат можност да активираат нови услуги кои ќе бидат достапни само за претплатниците.Компанијата нагласува дека сите останати стандардни услуги и функционалности на апликацијата Viber ќе останат бесплатни за корисниците ширум светот.Rakuten Viber за 1,99 долари месечно нуди нови опции како што се:* Viber без реклами* Отклучен пристап до стикери кои се наплаќаат* Техничка поддршка во живо* Уникатни икони за апликацииИсто така, корисниците на апликацијата Viber Plus ќе добијат значка за верификација со нивниот аватар (слика на профилот), која ја потврдува нивната премиум претплата. За да ја активираат оваа нова услуга, корисниците прво ќе кликнат на „Повеќе“ во долниот десен агол на апликацијата – а потоа на назначената функција Viber Plus за да го започнат процесот.

Магазин | пред 2 години