вмро-нп

Љупчо Георгиевски до Касами: „Тетово секогаш бил и ќе остане македонски град“, ВМРО НП самостојно оди на локални избори

ВМРО-Народна партија, предводена од поранешниот премиер Љубчо Георгиевски, најави самостоен настап на локалните избори во Општина Тетово што ќе се одржат во октомври. Од партијата информираат дека ќе учествуваат со своја советничка листа и ќе настапат со кандидат за градоначалник.Во официјалното соопштение се наведува дека ВМРО-НП ќе промовира кандидат со „обединувачки капацитет и визија за модерно Тетово“.„Им порачуваме на сите Македонци и останатите граѓани на Тетово дека во ВМРО-НП секогаш ќе имаат партнер од доверба кој нема да ги изневери интересите на македонскиот народ во овој дел од Македонија,“ стои во соопштението на партијата.Дополнително, беше испратена директна порака до актуелниот градоначалник Билал Касами: „Тетово секогаш бил и ќе остане македонски град.“Партијата најави дека по официјалното распишување на изборите ќе организира свечена промоција на својот кандидат за градоначалник и советничката листа за Советот на Општината.Од друга страна, актуелниот градоначалник Билал Касами, воедно и лидер на партијата Движење Беса, која е дел од владејачката коалиција ВЛЕН, веќе ја потврди својата кандидатура за втор мандат.Одлуката на најголемите македонски партии – ВМРО-ДПМНЕ и СДСМ – да не излезат со сопствени кандидати за градоначалник на Тетово предизвика реакции во јавноста. Сојузот на борци од НОАВМ и граѓани продолжувачи од Тетово ја изразија својата длабока загриженост, оценувајќи дека станува збор за сериозно занемарување на интересите на македонскиот народ во овој дел од државата.

Македонија | пред 4 месеци

ВМРО-НП: Да се укинат „Државна лотарија“ и „Фонд за иновации“ - се расфрлаат буџетските пари без конкретни резултати

ВМРО-Народна партија со внимание ги следи случувањата околу Државната лотарија и во контекст на тоа предлагаме вклучување на Р.С. Македонија во рамките на Европската лотарија и во веќе постоечките транснационални игри „Еуро милионс“ и „Еуро Џек Пот“ со можност за нејзино односно учество на нејзините државјани во игрите на среќа организирани од страна на Европската лотарија, велат од ВМРО-НП.„Со ваквиот чекор ќе се овозоможат повеќе видови на игри на среќа кои ќе овозможат пак да со исти уплати како и до сега граѓаните играат и за добивки од 80.000.000 евра но и надворешна европска контрола која ќе превенира во однос на некакви малверзации во поглед на организирањето и реализирањето игри на среќа.По воспоставувањето на ваквиот систем, ВМРО-Народна партија предлага и укинување на институцијата „Државна лотарија“ од проста причина што покрај сите досегашни нерегуларности во која била вклучена и самата институција се нанесува и непотребна финансиска штета која во голема мера влијае на финансиското работење на Р.С. Македонија.Воедно ВМРО-Народна партија дополнително предлага и укинување на институцијата „Фонд за иновации“ затоа што само во последниот период од 10 години токму таа институција бележи расфрлање на буџетските пари без конкретни резултати при реализација на финансирани „иновативни проекти“.Сведоци бевме на бизарни проектни предлози кои низ годините успеале да приберат огромна сума на буџетски финансиски средства без финален производ за кој биле и финансирани“, соопшти ВМРО-НП.

Македонија | пред 11 месец

„Повторно бевме сведоци на македонска прослава на српската окупација“, велат од ВМРО-НП

„Вчера на српските воени гробишта во Битола, а во присуство на македонскиот потпретседател на владата и градончалникот на општина Битола од редовите на ВМРО-ДПМНЕ заедно со српски старешини и политичари повторно бевме сведоци на македонска прослава на српската окупација овој пат за време на Првата светска војна“, соопшти ВМРО-Народна партија.„Прославите на нашето најцрно ропство кои изминатите месеци ги гледавме на Кајмакчалан, битката на Брегалница, прославата кај Зебрњак, овој пат се прошируваат и на Битола.Очигледно празниците од времето кога Македонија била Вардарска Бановина, а македонците, срби, секој месец добиваат свое проширување и надоградување.Александар Караѓорѓевиќ кој македонските комунисти го нарекуваат „монархофашист“ станува “ослободител на Македонија„ во време кога во С. Македонија владее партија која го носи името на ВМРО.Затоа ВМРО-Народна партија повторно отворено ја прашува македонската власт, со која историска комисија донесе одлука великосрпската окупација во Македонија да биде прогласена за општа историја, а власта на ВМРО ја прашуваме до кога ќе ја витка кичмата пред оваа брутална негација на македонската историја?!“, соопштуваат од ВМРО-Народна партија.

Македонија | пред 1 година

Очекувавме Мицкоски да праша за одземеното оружје од југословенската армија на средбата со српскиот премиер, вели ВМРО-НП

„ВМРО-Народна партија беше во очекување и голема надеж дека новата Влада на ВМРО-ДПМНЕ која демонстрира достоинствена политика на исправена кичма и одбрана на македонските државни интереси, на средбата со српскиот премиер ќе го постави прашањето на одземеното оружје од страна на југословенската армија кое се наоѓаше на македонската територија“, вели ВМРО-НП.„Да ја потсетиме македонската помлада јавност дека при напуштањето на југословенската армија беше одземено оружје во вредност од една милијарда долари во тоа време, кое денеска сигурно би чинело неколку милијарди долари плус.На тоа сакаме да го додадеме и заедничкиот капитал што требаше да биде поделен, а произлегуваше од недвижностите кои Југославија ги поседуваше во и надвор од земјата исто така и капиталот на македонските градежни фирми кои под закрила на српските компании тогаш работеа и градеа низ Ирак, Либија, Кувајт, а притоа останаа во рацете на српските фирми.Ваквото премолчување на вакви крупни финансиски интереси на Македонија не можеме да го разбереме, а со оглед на тоа дека и не гледаме некаква надеж дека оваа Влада било кога би го поставила ова прашање, можеби е подобро и официјално со декларација на македонскиот парламент да го простиме тој долг на нашиот северен сосед кон Македонија, а со тоа и дополнително го зајакнеме пријателството помеѓу двете соседни држави“, соопшти ВМРО-НП.

Македонија | пред 1 година