ВОДА

Денеска делови од Скопје без струја, во сабота следуваат прекини на водоснабдувањето

Регионалниот центар за управување со кризи – Скопје информира дека, според известувањето од ЕВН Македонија, денеска (10 јуни) без електрична енергија ќе останат повеќе делови од главниот град и неговата околина.Во периодот од 08:30 до 15:30 часот, прекин на снабдувањето со струја ќе имаат дел од корисниците на улиците „Наум Наумовски Борче“ и „Ленинова“ („Аминта Трети“) во Општина Центар, во реонот околу кафулињата „Кала“, „Ателје“, „Адмирал“ и околните објекти.Од 09:00 до 13:00 часот без електрична енергија ќе бидат дел од жителите на селото Долно Соње, односно корисниците на улиците 6, 8 и 12.Прекин на струјата од 09:00 до 15:00 часот е најавен и за дел од потегот од Рибилимус кон Горно Оризари и селото Мирковци.Воедно, ЈП „Водовод и канализација“ најави дека на 13 јуни ќе има прекини во водоснабдувањето поради санациски зафати на водоводната мрежа.Поради поправка на затворач Ф-300 на крстосницата меѓу булеварот „Крсте Мисирков“ и улицата „Отокар Кершовани“, водоснабдувањето ќе биде прекинато од 08:00 часот до завршување на работните активности.Исто така, поради поправка на два затворачи Ф-600 и Ф-300 на Кеј „Димитар Влахов“, без вода ќе останат корисниците во тој реон, исто така од 08:00 часот до завршување на интервенцијата.

Скопје | пред 10 часа

Дел од Центар денеска без вода

Дел од жителите на Општина Центар денеска останаа без вода поради интервенција на водоводната мрежа.Од ЈП „Водовод и канализација“ информираат дека на 9 јуни, по барање на корисник поради внатрешен дефект на адреса улица „Даме Груев“ 7/8, извршено е затворање на водоводен вод.Прекинот во водоснабдувањето започна во 9 часот и ќе трае до завршување на работите.Без вода се дел од корисниците на булеварот „Кирил и Методиј“ и на улицата „Димитрие Чуповски“ во Општина Центар.

Скопје | пред 1 ден

Делови од Ѓорче Петров денес без вода поради водоводен приклучок

Поради изведување на нов водоводен приклучок, дел од жителите на Општина Ѓорче Петров денес ќе останат без вода.Од ЈП „Водовод и канализација“ информираат дека на 1 јуни 2026 година ќе се изведува водоводен приклучок со пречник од 200 милиметри на улицата „Воин Драшковиќ“ број 1б.Поради зафатот, без водоснабдување ќе останат корисниците од улиците „Воин Драшковиќ“ и „Браќа Галеви“ во Општина Ѓорче Петров.Прекинот во водоснабдувањето ќе започне во 08:00 часот и ќе трае до завршување на работните активности.

Скопје | пред 1 седмица

Две чаши вода пред јадење? Истражувањата покажуваат ефект врз слабеењето

Советот дека треба да се пие повеќе вода за слабеење е еден од најстарите „трикови“ во диетите, но научниците велат дека вистинскиот ефект на водата не е онаков каков што многумина мислат.Истражувањата покажуваат дека водата најмногу помага преку создавање чувство на ситост. Кога се пие пред оброк, таа физички го исполнува желудникот, го намалува апетитот и води кон помал внес на калории.Студија спроведена на 50 жени со вишок килограми покажала дека испитаниците кои пиеле по 500 милилитри вода половина час пред појадок, ручек и вечера, за осум недели изгубиле повеќе килограми, имале намален индекс на телесна маса и помалку масно ткиво.Воедно, тие пријавиле и помало чувство на глад.Долго време популарна беше и теоријата дека водата го забрзува метаболизмот преку таканаречена „термогенеза“ – односно дека телото троши дополнителна енергија за да ја загрее внесената вода.Некои постари истражувања дури тврдеа дека половина литар вода може привремено да ја зголеми потрошувачката на енергија за 30 проценти.Но, поновите и подетални научни анализи не успеале да ги потврдат овие драматични резултати. Според новите студии, ефектот врз метаболизмот е минимален и многу веројатно не е директно поврзан со самата вода.Научниците денес сметаат дека најголемиот ефект од водата доаѓа од две работи:намалување на апетитот,замена на калорични пијалаци со вода.Газираните пијалаци и соковите често содржат стотици „празни“ калории. Со нивна замена со вода, значително се намалува дневниот внес на калории без чувство на глад.Студија објавена во списанието „Obesity“ покажала дека луѓе со прекумерна тежина кои пиеле по две чаши вода пред оброците, за 12 недели изгубиле во просек 1,3 килограми повеќе од оние кои немале таква навика.Според научниците, најдобрата стратегија не е опсесивно броење литри вода дневно, туку правилен тајминг.Најдобар ефект се постигнува со пиење околу 500 милилитри вода – две чаши – приближно 30 минути пред главните оброци.Заклучокот на експертите е дека водата не е „магичен напиток“ што самостојно топи масти, но е едноставна, бесплатна и ефикасна алатка за контрола на апетитот и намалување на внесот на калории.

Магазин | пред 2 седмици

Прекини на водоснабдувањето во Скопје: Еве кои улици ќе останат без вода

ЈП „Водовод и канализација“ – Скопје најави прекини во водоснабдувањето во повеќе делови од градот во петок, 15 мај, поради изведување водоводни приклучоци и промена на вентил.Поради изведување водоводен приклучок со пречник од 100 милиметри на улица 2 број 19 во Трубарево, без вода ќе останат корисниците од Трубарево. Прекинот ќе започне од 10 часот и ќе трае до завршување на работните активности.Прекин во водоснабдувањето ќе има и на дел од улиците „Франце Прешерн“ и „Влае“, поради изведување приклучок ф-100 мм на улицата „Франце Прешерн“ број 92. Водата ќе биде прекината од 08:30 часот до завршување на работите.Поради изведување водоводен приклучок ф-200 мм на улицата „Иван Козаров“ број 2, без вода ќе останат корисниците од улиците „Иван Козаров“, делови од „Георги Димитров“, „Вера Јоциќ“, „Божидар Аџија“, „Киро Крстевски“, „Мишко Михајловски“, „Боте Боцевски“ и дел од „Димо Хаџи Димов“. Прекинот ќе започне во 09 часот.Од ЈП „Водовод и канализација“ информираат дека поради промена на вентил од 2.5 инчи на улицата „Јани Лукровски“ број 8, без вода ќе бидат корисниците од истата улица. Водоснабдувањето ќе биде прекинато од 08:30 часот до завршување на интервенцијата.

Скопје | пред 3 седмици

Делови од Ѓорче Петров и Сопиште денес без струја, прекини на вода во Чаир и Карпош

Поради зафати во електродистрибутивната и водоводната мрежа, денес (12 мај) делови од Скопје ќе останат без електрична енергија и вода, информира Центарот за управување со кризи.Од ЕВН Македонија АД известуваат дека без електрична енергија ќе останат:– од 09:00 до 14:00 часот, дел од корисниците на улица „95“ во населбата Волково, во општина Ѓорче Петров;– од 12:00 до 15:00 часот, дел од корисниците на улица „16“ во село Долно Соње, во општина Сопиште.Од ЈП „Водовод и канализација“ – Скопје информираат дека поради интервенции во водоводната мрежа, прекинато водоснабдување ќе има:– од 09:00 часот до завршување на интервенцијата, на улица „Коста Абрашевиќ“ бб, кај ОУ „Хасан Приштина“, при што без вода ќе останат корисниците од улиците „Коста Абрашевиќ“, „Цветан Димов“, „Панче Неделковски“, „5-ти Мај“ и „Кемал Ататурк“ во општина Чаир;– од 09:00 часот до завршување на интервенцијата, поради зафати на булевар „Партизански одреди“ бр. 48а, без вода ќе останат дел од корисниците од булеварот „Партизански одреди“ и околината, во општина Карпош.

Скопје | пред 4 седмици

Дел од Центар без вода, Драчево без струја – известување од ЦУК Скопје

Поради водоводен дефект и зафати во електродистрибутивната мрежа, делови од Скопје денеска ќе останат без вода и електрична енергија, информира Регионалниот центар за управување со кризи – Град Скопје.Од ЈП „Водовод и канализација“ соопштуваат дека поради дефект на улицата „Ленинова“ бр. 56, од 09:00 часот без вода ќе бидат дел од корисниците на потегот од улицата „Никола Тримпаре“ до булеварот „Партизански одреди“, во Општина Центар, сè до завршување на интервенцијата.Од ЕВН Македонија информираат дека поради планирани зафати, од 08:30 до 15:30 часот без струја ќе останат дел од корисниците на улицата „Јустинијан Први“ во населбата Драчево, на потегот од бензинската пумпа „Макпетрол“ до црквата „Св. Спас“, во Општина Кисела Вода.ЈСП Скопје известува дека јавниот превоз се одвива по зимски возен ред, при што поради градежни работи изменета траса имаат линиите 3б, 4, 7, 9, 18, 23, 24, 44, 54 и 118.Од Македонски железници соопштуваат дека поради реконструкција на пругата на релацијата Скопје – Зелениково, ќе има измени во возниот ред на патничките возови.Меѓуградскиот и меѓународниот автобуски сообраќај, како и авионскиот транспорт, се одвиваат редовно.Воедно, Институтот за трансфузиона медицина информира дека денеска се организираат крводарителни акции во основното училиште „Рамиз и Хамид“ и во компанијата „Линемар“ во индустриската зона Бунарџик, додека крв може да се дарува и во Домот на хуманитарни организации „Даре Џамбаз“ секој работен ден од 08:00 до 15:00 часот.

Свет | пред 1 месец

Дел од Карпош денеска без вода

За денеска од ЈП Водовод и канализација – Скопје најавуваат прекин во водоснабдувањето поради техничка интервенција. Имено, поради промена на вентил во шахта со профил Ф-2“ на булевар „Партизански Одреди“ бр. 64А, во општина Карпош, без вода ќе останат корисниците на потегот од Поликлиника „Букурешт“ до „Сити Мол“.Прекинот ќе започне од 10:00 часот и ќе трае до завршување на интервенцијата.Надлежните апелираат до граѓаните за разбирање и навремено прилагодување кон настанатата состојба.

Скопје | пред 1 месец

Прекини во водоснабдувањето во делови од Центар и Карпош

На 28 април 2026 година (вторник) делови од општините Центар и Карпош ќе останат без водоснабдување поради изведување и реконструкција на водоводната мрежа, информираат надлежните служби.Во општина Центар, прекин во водоснабдувањето ќе има поради изведување водоводен приклучок ф-80мм на улица „Дебарца“ 29. Без вода ќе останат корисниците од делови на улиците „Дебарца“, „Владимир Полежиновски“ и „Стефан Јакимов-Дедов“. Прекинот ќе трае од 09:00 часот до завршување на работите.Во општина Карпош, исто така на 28 април, ќе се извршува реконструкција на водоводна мрежа ф-300 мм на крстосницата „Париска/Хелсинки“. Поради тоа, прекинато водоснабдување ќе имаат корисниците од делови на улиците „Париска“, „Варшавска“ и „Хелсинки“, како и Средното училиште на Град Скопје „Георги Димитров“. И овде прекинот ќе започне во 09:00 часот и ќе трае до завршување на активностите.Надлежните апелираат граѓаните навреме да обезбедат доволни резерви вода за основни потреби.

Скопје | пред 1 месец

Бутел без вода поради дефект на водоводната мрежа

Центар за управување со кризи информира дека на 28 април 2026 година, поради дефект на затворач Ф-400 мм на улица „Бутелска“ бб (поранешна последна постојка на автобусот 57), ќе има прекин на водоснабдувањето.Без вода ќе останат корисниците на дел од улицата „Бутелска“ и дел од населбата Бутел 1 во општина Бутел. Прекинот започнува од 09:00 часот и ќе трае до завршување на санацијата на дефектот.

Македонија | пред 1 месец

Без вода неколку улици во Скопје

Од ЈП „Водовод и канализација“ – Скопје информираат дека денес ќе има прекин на водоснабдувањето на неколку улици поради изведување на водоводни приклучоци.Поради изведување на водоводен приклучок ф-80 мм на улица Мавровска 15, без вода ќе останат корисниците од истата улица. Прекинот ќе трае од 09:00 часот до завршување на работите.Исто така, поради изведување на водоводен приклучок ф-100 мм на улица Багдадска 11, прекинато водоснабдување ќе имаат дел од корисниците на Багдадска и дел од Атинска улица. И во овој случај, водоснабдувањето ќе биде прекинато од 09:00 часот до завршување на работните активности.Од претпријатието апелираат граѓаните да направат навремени резерви на вода и да имаат разбирање за прекините.

Скопје | пред 1 месец

Прекин на водоснабдување во Кисела Вода и Бутел

Од ЈП Водовод и канализација информираат дека денес ќе има прекин во водоснабдувањето во делови од Скопје поради изведување на зафати на водоводната мрежа.Поради уличен дефект на водоводна цевка со пречник Ф200 мм на улицата „Димитар Чуповски“ бр. 27 (позади гимназијата „Јосип Броз Тито“), без вода ќе останат корисниците од улиците „Димитар Чуповски“ и „Мито Хаџивасилев Јасмин“ во општина Кисела Вода.Дополнително, поради изведување на водоводен приклучок со пречник Ф250 мм на улицата „Босна и Херцеговина“ (бр. 1-55), прекин во водоснабдувањето ќе имаат корисниците од улицата „Македонска Косовска Бригада“, касарната „Илинден“, трговскиот центар „Поинт“, „Вива Фреш“, ресторанот „Аванти“, како и други индустриски објекти во околината, во општина Бутел.Водоснабдувањето во двете општини ќе биде прекинато од 08:30 часот и ќе трае до завршување на работните активности.Надлежните апелираат до граѓаните да обезбедат доволни количини вода за потребите во текот на денот.

Скопје | пред 1 месец

Делови од Центар без вода поради интервенции на мрежата

Од ЈП Водовод и канализација – Скопје информираат дека на 22.04.2026 година (среда) ќе има прекини во водоснабдувањето во делови од Општина Центар поради планирани интервенции на водоводната мрежа.Како што наведуваат, најавениот прекин на улицата „Црвена Вода“, кој претходно беше одложен поради технички причини, ќе се реализира на овој датум. Водоснабдувањето ќе биде прекинато од 09:00 часот до завршување на интервенцијата за отстранување на дефектот.Дополнително, поради изведување на нов водоводен приклучок со пречник од Ф 80 мм на улицата „20-ти Октомври“ бб, од 10:30 часот до завршување на работите без вода ќе останат дел од корисниците на оваа улица.Од претпријатието апелираат до граѓаните за разбирање додека траат активностите за подобрување на водоводната инфраструктура.

Скопје | пред 1 месец

Ешерихија коли и недостиг на хлор – забрана за пиење вода во осум охридски села

Водата од локалните водоводи во осум охридски села е забранета за пиење, откако лабораториските анализи покажале сериозни недостатоци во дезинфекцијата и микробиолошко загадување. Забраната се однесува на селата Свиништа, Завој, Куратица, Речица, Опеница, Вапила, Косел и Ливоишта.Според објавата на Општина Охрид, проблемот не е ист во сите села. Во сите осум е констатирано отсуство на резидуален хлор, што значи дека водата не била соодветно дезинфицирана. Во четири села – Свиништа, Куратица, Речица и Опеница – анализите покажале и присуство на бактеријата ешерихија коли.Тоа ја прави состојбата посериозна, бидејќи станува збор не само за слабост во третманот на водата, туку и за потврдена бактериолошка неисправност.Одлуката е донесена со решение на државен инспектор за храна, а жителите се повикани да не ја користат водата за пиење додека не се отстранат недостатоците и не се потврди нејзината безбедност.

Охрид | пред 2 месеци

Прекин во водоснабдувањето утре на улица Партеније Зографски

Од ЈП Водовод и канализација за денес најавија прекин во водоснабдувањето на една скопска улица.Од скопски Водовод информираат дека поради уличен дефект на водоводна цевка Ф200мм на улица Партеније Зографски 49 со прекинато водоснабдување ќе бидат дел од корисниците на истата улица.Водоснабдувањето ќе биде прекинато од 09:00 часот до завршување на работните активности.

Скопје | пред 2 месеци

Струга инвестира 90 милиони денари во модерен водоводен систем

Градоначалникот на Општина Струга, Менди Ќура, заедно со министерот за животна средина, Мухамет Хоџа, реализираа теренска посета за да извршат увид во работите на два значајни проекта кои моментално се во фаза на реализација.На терен се реализира изградба на модерен водоводен систем, инвестиција во вредност од 90 милиони денари, со која се врши замена на старите азбестни цевки со безбедни и современи материјали. Овој проект ќе обезбеди постабилно водоснабдување, намалување на загубите и подобар квалитет на водата за граѓаните. Во моментов се реализирани над 50% од проектот, а работите од првата фаза се очекува да завршат пред почетокот на летната сезона.Воедно, работите на колекторскиот систем Радожда–Калишта продолжуваат според предвидената динамика. Ова претставува значајна инвестиција за заштита на Охридското Езеро и одржлив развој на регионот.Општина Струга останува посветена на реализација на проекти кои го подобруваат квалитетот на живот на граѓаните и ги штитат природните богатства на регионот“, информираат од Општина Струга.

Македонија | пред 3 месеци

Зголемена матност во изворот „Шум“ – водата во Струга се уште не е безбедна за пиење

ЈП „Водовод и Канализација“ – Струга известува дека, по анализа на примероците од 04.03.2026 година, е утврдено зголемување на матноста на водата во изворот „Шум“, поради што водата од овој извор и натаму не е безбедна за пиење.„Ве известуваме дека, од резултатите од анализата на примероците од вода од 04.03.2026 година од страна на Центарот за јавно здравје - Охрид, утврдено е дека матноста на водата во водоводната мрежа во Струга е во граница на нормала, но има зголемување на вредноста на матност на водата во изворот „Шум“ и поради оваа причина забраната за употреба на вода за пиење продолжува.Ве известуваме дека сите граѓани ќе можат да се снабдуваат со вода за пиење од цистерни на следните локации и времиња:Општа Болница Струга – улица „Ристо Крле“, од 09:00 до 12:00 часотГрадски пазар, од 12:00 до 15:00 часотПлоштад на Револуција – улица „Маршал Тито“, од 15:00 до 18:00 часот“, велат од претпријатието

Македонија | пред 3 месеци

Мојсоска: Кој „не ги виде“ машините во изворот што ја снабдува Струга со вода?

„Кои институции ’не го виделе’ копањето и машините во самиот извор кој ја снабдува цела општина Струга со вода“, прашува пратеничката од Левица, Јована Мојсоска преку социјалните мрежи, посочувајќи дека според член 100 од Закон за минерални суровини јасно е утврдено кој е одговорен за надзорот над експлоатацијата на минерални суровини.„Член 100 од Закон за минерални суровини презицира кој е одговорен за надзорот над експлоатацијата со минерални суровини.Од државен инспекторат при Министерство за животна средина и ПП, инспекторат во Министерство за енергетика рударство и минерални суровини (претходно техничка инспекција) и секако како најповикани и НАЈПАРТИЗИРАНИ - ОЈО СТРУГА и Министерство за внатрешни работи.Ниту обвинителите во Струга, ниту МВР "не знаеле" и "не виделе" дека машини се поставени во самите извори, во населено место и дека копаат без концесија/ со истечена концесија (според официјалните информации од ОЈО Струга). Улогата на обвинителството и МВР е ПРЕВЕНТИВНА (а не откако ќе се случи екоцид) - ама вработувањето на КЛАТОГЛАВЦИ го зема својот данок.БОНУС прашање: ОЈО Струга официјално извести дека „додека на терен собирале докази, ги затекнале машините на двете фирми кои вршеле кршење, ископ и транспорт на карпи во поголем обем во непосредна близина на изворите". Зошто НЕ СЕ ОДЗЕМЕНИ машините од фирмите со кои се фатени во вршење кривично дело, како што предвидува член 100 од Закон за минерални суровини?!“, пишува Мојсоска.

Македонија | пред 3 месеци

Охрид СОС за водата во Струга: Децении игнорирање и непреземање мерки за трајно решавање на проблемот испливаа на површина

Во Општина Струга веќе две недели водата од градскиот водовод е небезбедна и забранета за пиење. Граѓаните и понатаму немаат дозвола да ја користат водата за пиење и подготовка на храна, откако лабораториските анализи покажаа сериозно влошување на нејзината чистота.Локалниот градоначалник Кура соопшти дека две компании кои вршеле ископувања кај изворите во село Шум, надвор од Струга, предизвикале загадување на водата. Тој бара итна санација на изворите и кривична одговорност за сите одговорни за штетата, со цел да се обезбеди безбедно снабдување на граѓаните.Од Охрид СОС велат дека замижувањето пред сериозните предизвици и континуираното маскирање на проблемот и непреземање конкретни активности со цел негово трајно решавање испливаа на површина.„Деценискиот сериозен проблем со водоснабдувањето во Општина Струга поради загадување и зголемена заматеност на водата од изворите кај село Шум, од каде градот се снабдува со питка вода кулминира деновиве. Замижувањето пред сериозните предизвици и континуираното маскирање на проблемот и непреземање конкретни активности со цел негово трајно решавање испливаа на површина. Анализите покажаа дека матноста на водата е значително над здравствено дозволените параметри, поради што водата е забранета за користење, и покрај тоа што последниве денови заматеноста делумно опаѓа.Изминативе денови медиумите се полни со информации дека локалните власти и надлежните инспекциски служби, вклучувајќи го и Основното јавно обвинителство – Струга, започнале истраги и теренски проверки за да ги утврдат причините за загадувањето, со цел да се најде одговорност и да се спречат понатамошни еколошки штети. Од никаква активност одеднаш зголемен интерес за проблемот и будење на одредени институции и сектори кои одамна требаше за ова да реагираат и да спречат ваков епилог.Теренските проследувања укажуваат на активности како експлоатација на минерални суровини и градежни интервенции во непосредна близина на изворите, неконтролирано урбанистичко ширење со потенцијал за инфилтрација на отпадни води, интензивна употреба на хемиски средства во земјоделството, но и користење на непосредната околина околу изворите како локација за депонирање огромни количини разновиден неселектиран отпад. Сите овие фактори можат да влијаат на квалитетот на подземните води што ги напојуваат овие извори.Оваа вонредна состојба дополнително ја поставува во фокус потребата за подобро управување со природните ресурси, систематско следење на ризиците и конкретни мерки за заштита на изворите што ги користат илјадници граѓани, бидејќи секое продолжено загадување директно го загрозува здравјето и секојдневниот живот на населението. Останува да видиме дали институциите ќе бидат на висина на своите ингеренции и конечно ќе го одбранат јавниот интерес, ставајќи крај на децениските практики кои имаат погубно влијание врз животната средина“, велат од Охрид СОС.

Македонија | пред 3 месеци

Водата во Кичево е повторно безбедна за пиење

ЈКП „Комуналец“ – Кичево ги известува граѓаните дека водата од водоводната мрежа е комплетно исправна за пиење.„Според резултатите од извршените лабораториски анализи на Институт за јавно здравје – Битола, водата е безбедна како микробиолошки, така и хемиски. Таа може слободно да се користи за пиење и подготовка на храна“, се вели во соопштението.Претходно, поради поплавите кои ја погодија општината во изминатите денови, претпријатието извести дека водата била заматена и не е безбедна за пиење.

Македонија | пред 3 месеци

Левица: Дали експлоатација на минерали од приватна фирма ги загадува струшките извори?

Жителите на Струга 10 дена се оставени без чиста вода за пиење поради сериозната еколошка хаварија со изворот на вода за снабдување. Иако институциите соопштија дека се преземаат мерки за лоцирање на причините, сеуште нема никакви официјални информации како загаденоста на водата во Струга достигна 30 пати над дозволеното, велат од Левица.„До Левица пристигнаа информации дека над самиот извор се врши експлоатација на минерали од приватна компанија "Ми транс". Дали активностите преземени при експлоатацијата довеле до екстремно загадување е прашање на коешто што побрзо треба да одговорат надлежните институции.Левица го повикува Државниот инспекторат за животна средина и надлежниот инспекторат во рамки на Министерството за енергетика итно да излезат на терен и да извршат вонреден инспекциски надзор. Надлежните институции мора да дадат одговор дали несоодветна експлоатација на минерали во самите извори ја предизвикало оваа хаварија и дали е несоодветно издадена дозвола за експлоатација.Институциите и градоначалникот не смеат да го заташкаат случајот и мора точно да ја утврдат одговорноста поради која 50.000 граѓани се оставени без чиста вода за пиење“, се вели во соопштението.

Македонија | пред 3 месеци

Енормно загадување на водата за пиење во Струга, обвинителство отвори предмет

Во врска со информациите за енормно загадување на водата за пиење и за основни животни потреби на подрачјето на градот Струга, Основното јавно обвинителство Струга оформи предмет за да се испитаат причините и евентуално сторени кривични дела против животната средина и природата.„Во координација со МВР – ОВР Струга, издадена e наредба за правосудната полиција да изврши увид на локација во селото Шум, каде се сместени изворите од кои подрачјето на градот Струга се снабдува со вода за пиење. При увидот треба да бидат присутни и надлежни инспекциски служби од областа на животната средина, од Агенцијата за храна и ветеринарство, како и од Центарот за јавно здравје.Ќе бидат преземени и други дејствија на проверки“, известуваат од ОЈО.По пет дена криза со загадена вода во Струга, вчера директорот на ЈП „Водовод“ Меџијаит Јусуфоски поднесе оставка од морални причини. Градот останува со целосна забрана за користење на водата поради екстремната заматеност.Од чешмите во Струга тече темнокафеава вода, а анализите покажаа дека заматеноста е дури 30 пати над дозволеното. Водата е прогласена за технички неисправна и не смее да се користи ниту за пиење, ниту за готвење, ниту за лична хигиена.

Македонија | пред 3 месеци

Скопјани пијат безбедна и квалитетна вода

Јавното претпријатие „Водовод и канализација“ – Скопје го објави неделниот извештај за квалитетот и безбедноста на водата за пиење, според кој сите испитани примероци одговараат на пропишаните стандарди. Анализите се спроведени од Секторот за санитарна контрола во периодот од 22 до 26 декември 2025 година.За потребите на контролата, земени се 185 примероци за физичко-хемиска и исто толку за микробиолошка анализа од 41 мерно место во градот.„Секторот за санитарна контрола во периодот од 22.12.2025 до 26.12.2025 зема 185 примероци за физичко-хемиска и 185 примероци за микро-биолошка анализа на вода за пиење од 41 мерни места во Градот Скопје“, стои во официјалното соопштение.Од таму посочуваат дека овие податоци се објавуваат редовно со цел граѓаните да бидат точно и навремено информирани за безбедноста на водата што ја пијат.

Скопје | пред 5 месеци

Водата не е причина за труењето на децата во ООУ „Димо Хаџи Димов“: ЈП Водовод излезе со резултати од анализите

Водата во Основното училиште „Димо Хаџи Димов“ во Карпош е санитарно исправна и може непречено да се употребува, покажаа резултатите од вонредниот надзор што го изврши ЈП „Водовод и канализација“.Анализите беа направени по итна постапка откако голем број ученици се пожалија на стомачни тегоби, а дел од родителите се сомневаа во квалитетот на водата бидејќи некои од заболените деца воопшто не јаделе во училишната кујна.Секторот за санитарна контрола зел четири примероци од две локации – училница и кујна, за физичко-хемиска и микробиолошка анализа.„Од добиените резултати сите примероци физичко-хемиски и микробиолошки ОДГОВАРААТ на Правилникот за барање за безбедност и квалитет на водата за пиење… при што констатираме дека водата во ООУ ‘Димо Хаџи Димов’ во Општина Карпош е санитарно исправна и може непречено да се употребува“, соопштија од претпријатието.

Скопје | пред 6 месеци

Делови од Карпош и Шуто Оризари без вода

Од ЈП Водовод и Канализација известуваат дека од вчера попладне во прекин е снабдувањето со вода за корисниците на ул. „Демирхисарска“ во општина Шуто Оризари, каде има уличен дефект, на чие отстранување ќе се работи денеска.Поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхолмска во општина Карпош.Водоснабдувањето е веќе прекинато од 09:00 часот и ќе трае до завршување со работните активности.

Скопје | пред 7 месеци