ВОНЗЕМЈАНИ

Пентагон објави досега тајни НЛО документи: „Луѓето сами да видат што се случува“

Пентагон објави голем пакет досега тајни документи и видеа поврзани со неидентификувани летачки објекти, со што јавноста добива пристап до десетици досиеја, фотографии и извештаи за мистериозни воздушни феномени.Станува збор за најновата серија декласифицирани материјали што со години беа предмет на интерес и теории на заговор во САД. Министерството за одбрана отвори и посебен дел на својата веб-страница, каде што се објавени црно-бели снимки, фотографии и сведоштва поврзани со НЛО.По отворањето на досиејата, американскиот претседател Доналд Трамп порача дека граѓаните конечно ќе можат сами да проценат „што, по ѓаволите, се случува“, додавајќи дека забавата сега почнува.Од Пентагон најавуваат дека ова е само првиот бран на објави и дека дополнителни материјали ќе бидат декласифицирани во наредниот период.Американски претставници истакнуваат дека дел од пријавените случаи можеби не се поврзани со вонземски појави, туку со напредни воени технологии или други објаснувања што сè уште се истражуваат.Иако објавата повторно ги разгоре јавните дебати и шпекулации за вонземски живот, официјалните служби нагласуваат дека целта е поголема транспарентност и отворање на досега класифицирани информации кон јавноста.

Свет | пред 3 часа

Трамп повторно ја отвори темата за вонземјани: Има интересни докази

Доналд Трамп изјави дека неговата администрација пронашла „многу интересни“ документи поврзани со неидентификувани летечки објекти и најави дека првите објавувања наскоро ќе започнат.Трамп, говорејќи пред поддржувачи на настан организиран од Тарнинг Поинт УСА, рече дека јавноста наскоро ќе може да види дали овие феномени навистина постојат.Во февруари тој наложи американските агенции да започнат со објавување владини досиеја за неидентификувани летечки објекти, неидентификувани воздушни феномени и можен вонземски живот, повикувајќи се на силниот јавен интерес.Трамп исто така го спомена Барак Обама, кој претходно во подкаст изјави дека вонземјаните се „реални“, но подоцна појасни дека нема видено докази за контакт со нив за време на неговиот мандат.Во меѓувреме, Пентагон во извештај од 2024 година наведе дека американските истраги од крајот на Втората светска војна не пронашле докази за вонземска технологија, а повеќето пријавени случаи биле погрешно идентификувани објекти или природни појави.

Свет | пред 2 седмици