ВРМЕНСКА ПРОГНОЗА

Најладно утрово на Попова Шапка: -2 степени

Утрово најниска температура во земјава е измерена на Попова Шапка, каде живата во термометарот се спуштила до -2 степени Целзиусови. Нула степени се измерени во Берово, додека 1 степен е регистриран во Крушево, Маврови Анови и Лазарополе.Во останатите делови од земјата утринските температури се движеле од 3 до 8 степени, при што најтопло било во Скопје-Зајчев Рид, Велес, Кавадарци и Гевгелија.Во изминатите 24 часа најмногу врнежи се измерени во Крива Паланка (4 l/m²), потоа во Пожаране (3 l/m²), како и во Крушево и Маврови Анови (по 2 l/m²).Времето денеска ќе биде променливо облачно, со повремен слаб дожд претпладне, особено во западните делови. Попладне се очекува намалување на облачноста. Ќе дува умерен, повремено засилен северен ветер, кој на одредени места ќе достигнува и над 60 km/h. Максималната температура ќе се движи од 13 до 21 степен.Во Скопје, времето ќе биде променливо облачно со услови за слаб дожд во претпладневните часови. Во текот на денот ќе дојде до разведрување, а максималната температура ќе достигне до 19 степени.

Македонија | пред 2 седмици

Пролетни температури до 22 степени, од четврток засилен ветер

Сончево и топло со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од -1 до 8, а максималната ќе достигне од 16 до 22 степени.Во Скопје, променливо облачно. Ќе дува слаб до умерен ветер од северен правец. Минималната температура ќе се спушти до 6, а максималната ќе достигне до 20 степени.До средината на следната седмица ќе се задржи променливо облачно и потопло време потоа дневната температура ќе опадне за неколку степени. Ќе дува слаб до умерен ветер од северен правец. Во среда ќе има услови за слаби локални врнежи од дожд, а од попладневните часови и во четврток ќе дува засилен, а долж Повардарието и во источните делови повремено силен ветер кој наместа ќе надминува 50 km/h. Во петок ветерот ќе го смени правецот во југоисточен.

Македонија | пред 1 месец

Сончево со температура до 19 степени

Сончево со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од -2 до 6, а максималната ќе достигне од 13 до 19 степени.Во Скопје, сончево со мала облачност. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 17 степени.Во сабота ќе преовладува претежно сончево време. Потоа во следните два дена ќе има зголемена облачност со услови за слаб локален дожд и пониска дневна температура. Од вторник следува период на стабилно време со пораст на дневната температура.

Македонија | пред 2 месеци

Облачно со слаб локален дожд и појава на грмежи

Претежно облачно со слаб локален дожд низ целата земја и со услови за појава на ретки грмежи. Ќе дува умерен, повремено засилен ветер од северозападен правец, кој ќе биде поизразен долж Повардарието. Минималната температура ќе биде во интервал од 2 до 6, а максималната ќе достигне од 11 до 17 степени.Во Скопје, облачно со повремени слаби врнежи од дожд. Ќе дува слаб до умерен ветер од северен правец. Минималната температура ќе се спушти до 5, а максималната ќе достигне до 14 степени.За време на викендот и до средината на следната седмица, под влијание на поле на висок воздушен притисок следува период на стабилно и суво време. Во петок ќе дува умерен северен ветер, а во деновите потоа слаб до умерен ветер од југоисточен правец.

Македонија | пред 2 месеци