ХАЛИЛ СНОПЧЕ

Снопче од ВЛЕН за изјавата на Мицкоски: Нормално е да каже на некому кој ја напушта владата нека му е со среќа

Пратеникот од редовите на ВЛЕН, Халил Снопче му одговори на Мицкоски па и тој му посака среќа на премиерот.„Премиерот е свесен од каде доаѓаат таквите искри и од каде некој сака да фрли искра за да создаде криза. Нормално е да каже на некому кој ја напушта владата нека му е со среќа. И ние велиме дека посакуваме среќа секому, ако работите дојдат до таа фаза. Тоа е нормална изјава, тој е премиер. Нема тука ништо трагично. До сега нормално функциониравме во согласност со односот на силите, не во сооднос на моќта. И сигурно дека во иднина ќе функционираме со избалансирани сили, до реализација на нашите програмски определби.“, изјави Снопче.Ваквата преписка помеѓу Мицкоски и пратеникот Халил Снопче дојде откако, премиерот Мицкоски на новинарско прашање како ги прокоментира најавите на Снопче со евентуалното излегување на ВЛЕН од Владата одговори: „ Нека му е со среќа“.

Македонија | пред 1 година

Снопче: ЗНАМ имаат тенденција да дејствуваат како да се во изборна кампања, но изборите поминаа

Немаме разговори со ЗНАМ. Тие имаат тенденција да дејствуваат како да се во изборна кампања, но изборите поминаа. Тие имаат еден став, меѓутоа ставот е едно, а реалноста е нешто друго, изјави денеска на прес-конференција пратеникот на коалицијата „Вреди“ Халил Снопче, во одговор на новинарско прашање за реакцијата на ЗНАМ дека очекуваат институциите да преземат мерки околу кршењето на законите, откако повторно беше истакнато албанско знаме во Владата.,,Со ЗНАМ немавме разговори. Тие имаат тенденција да дејствуваат како да се во изборна кампања. Изборите поминаа, треба да се освестат. Нивен став е едно, меѓутоа реалноста е нешто друго. Не може нивен став за нас да биде егзекутивен. Тие сега сакаат да профитираат политички, меѓутоа тоа е нивна работа. Треба да има компромис меѓу сите партии во владата. Ние носиме заеднички одлуки.”, рече Снопче.Тој посочи дека владата и партнерството е однос на сили, не однос на моќ.,,Ако е однос на сили, секој со сопствените сили и можности дава придонес. Ако одиме по логика на однос на моќ, тој што е најмоќниот ќе диктира и тогаш ќе нема партнерство. Ние сме дел од влада како една од силите, дел од коалицијата на новото мнозинство. Како однос на сили, сите имаме заедничко влијание и дејствуваме во иста насока, во интерес на државата да се бориме против девијантни појави во општеството.”, додаде Снопче.Инаку, ова доаѓа откако вчера првиот вицепремиер Изет Меџити на средба со студенти повторно истакнал албанско знаме во просториите на Владата. На прес-конференција денеска, одговорајќи на новинарско прашање портпаролот на ЗНАМ Никола Мемов посочи дека ќе имаат улога на коректор на Владата и оти очекува институциите да преземат мерки за кршење на законите.Тој нагласи дека Движењето ЗНАМ во разговорите со партнерот ВМРО-ДПМНЕ за нивното учество во Владата ги дефинирало основните принципи и начела за функционирање на Владата.,,Тоа се почитување на Уставот и законите како основен приоритет, а исто така и принципот сите министри да работат на имплементација на владината програма, да одговараат единствено пред Владата и премиерот, а не како досега да спроведуваат сопствени партиски програми. Движењето ЗНАМ го отвори ова прашање во рамки на владината коалиција. Очекуваме институциите на системот да си ја вршат својата работа и да преземат соодветни мерки околу кршење на законите, без разлика од која страна доаѓаат тие прекршувања.”, вели Мемов.

Македонија | пред 1 година

Снопче го бранеше предложениот министер за правда: Не можеме да се ослободиме од комунистичкиот менталитет

Пратеникот Халил Снопче од Алијансата за Албанците реагираше оти Драган Ковачки од ВМРО-ДПМНЕ од собраниската говорница посочи дека братот на Кренар Лога, кадар за министер за правда бил осомничен за убиство. Снопче му рече на Ковачки дека постапува како во комунизмот, објаснувајќи дека во тоа време кога некој член на семејство ќе сторел некакво дело – одговорност имал друг член на семејството.„Не можеме да се ослободиме од комунистичкиот менталитет. Вие сте десничарска партија а уште употребувате комунистички менталитет ‘браќа, сестри, татковци, мајки, братучеди’.. Во комунизмот, ако братучедот или мајката направеше некое дело, значи синот, сестрата, братот тие одеа во затвор. Го употребувате името на Кренар Лога. Обвинителството кажа дека е отфрлена кривичната пријава оти не постои основано сомневање дека осомничениот го сторил кривичното дело. Ова е од одговор на Обвинителството. Многу јасно. Кренар Лога пред две години со 95 гласа ‘за’ беше избран за член на ДИК. Кога ВМРО гласаше за Кренар Лога, не се артикулираа овие докази. Кога Лога се среќаваше со Мицкоски беше добар, е сега, не чинел“, кажа Снопче на седницата.На ова одговори Ковачки.„Кога кажувате за комунизам и за тоа го обвинувате ВМРО-ДПМНЕ треба да имате во предвид дека СДСМ е наследник на комунистичката партија, а вие денеска со нив влегувате во коалиција. Уште еднаш ќе повторам, она што ве праша Бојан Стојановски – дали ќе ја свикате анкетната комисија поврзана со несреќата од Беса Транс? Дали како што бевте борбен кога бевте во опозиција ќе останете и сега доследен?“, праша Ковачки.Собраниската седница е за разрешувањето на Беким Сали, минситер за здравство, кадар на Алтернатива која излезе од Владата.

Македонија | пред 3 години