ХИПОДРОМ

(Видео) Се рони плафонот во трговскиот центар во Хиподром

Граѓанин во групата „Ѕид на Општина Гази Баба“ објави видео од трговскиот центар во населбата Хиподром, на кое се гледа дека плафонот во дел од објектот е во видно оштетена состојба.Од снимката може да се забележи дека делови од плафонот се изронети и оштетени, што отвора прашања за безбедноста на посетителите и вработените кои секојдневно престојуваат во трговскиот центар.Засега не е познато дали надлежните служби извршиле увид и дали ќе бидат преземени мерки за санација на оштетувањата. Видеото во меѓувреме предизвика внимание и реакции меѓу членовите на групата на социјалните мрежи.

Настани | пред 2 дена

(Фото) Жител на Хиподром постави табла против дивеењето со мотори и тротинети: „Да нема жртви утре“

Жител на скопската населба Хиподром самоиницијативно изработил и поставил предупредувачки табли за дивеењето со мотори и електрични тротинети со цел да укаже на проблемот со несовесното возење мотори и електрични тротинети низ населбата.Според неговата објава на социјалните мрежи, реакцијата следува поради зачестените случаи на брзо и опасно возење по улиците, каде секојдневно се движат возрасни лица, деца и малолетници.Во објавата тој наведува дека таблите се поставени како апел за поголема одговорност и почитување на јавниот ред и мир во населбата.„Таблите се поставени со цел регулирање на редот и мирот во Хиподром. Ова е порака до сите што возат „културно“ – почитувајте ги таблите за да нема несакани последици по ниту еден граѓанин“, напиша жителот.Жителите на Хиподром во изминатиот период се сведоци на несовесно управување со мотори и електрични тротинети од малолетници по улиците во населбата.

Скопје | пред 1 седмица

Девијација на патот Куманово-Скопје кај Хиподром по судир меѓу камион и автомобил

Поради случена сообраќајна незгода воведена е девијација на патниот правец Куманово – Скопје кај клучка Хиподром, информираат надлежните служби, апелирајќи до возачите на внимателно управување со возилата и почитување на поставената сигнализација.Според информациите ноќеска камион се запалил на влезот во Скопје, на потегот кај Хиподром, по сообраќајна несреќа во која учествувал и патнички автомобил.Засега нема податоци за состојбата на возачите и евентуалните патници. На терен веднаш интервенирале екипи на Итната медицинска помош и противпожарни служби. Причините за судирот и за настанувањето на пожарот дополнително ќе се утврдуваат, а од надлежните се очекуваат повеќе информации во текот на денот.

Скопје | пред 4 месеци

Сообраќајка на обиколницата кај Хиподром, голф излетал од коловозот

Скопјанец на 78 години е тешко повреден откако излетал со возило на обиколницата кај Хиподром.На 05.11.2025 во СВР Скопје е пријавено дека на обиколница на град Скопје, на клучка Хиподром, патничко возило „фолксваген голф“ со скопски регистарски ознаки, управувано од Б.В.(78) од Скопје, излетало надвор од коловозот. Во несреќата со тешки телесни повреди се здобил возачот, констатирани во Комплексот клиники „Мајка Тереза“. Извршен е увид од увидна екипа од СВР Скопје.

Скопје | пред 7 месеци

Пожар во гаражен простор во зграда во Хиподром – оштетени мерцедес и БМВ, а едно лице вдишало чад

Во раните утрински часови денеска, во скопската населба Хиподром избувнал пожар во гаражен простор под зграда, во кој биле зафатени патнички возила „мерцедес“, „бмв“ и мотор „беверли“.Возилата се сопственост на А.С. (32) од Скопје. Пожарот бил изгаснат од екипа на ППЗ Скопје, а едно женско лице добило медицинска помош поради вдишување чад.

Скопје | пред 10 месеци