Судот во Сплит одби да одреди притвор за припадниците на Торцида кои тргнале на Хвар да нападнат сезонски работници од Србија
Жупанискиот суд во Сплит соопшти дека на четворица хрватски државјани, осомничени за договарање извршување кривично дело поврзано со планиран напад врз сезонски работници од Србија на островот Хвар, наместо истражен притвор им се изречени мерки на претпазливост.Според информациите на Index.hr, Општинското државно обвинителство во Сплит поднело предлог за определување истражен притвор против четворицата осомничени поради основано сомнение дека се договориле за извршување кривично дело поврзано со планирано насилство на подрачјето на островот Хвар. Сепак, по одржаното рочиште, судот одлучил наместо притвор да примени мерки на претпазливост.Судот им одредил забрана за посетување одредено подрачје, како и обврска еднаш неделно, секоја среда, да се јавуваат во надлежната полициска станица.Од Жупанискиот суд во Сплит наведуваат дека решението на истражниот судија не е правосилно, бидејќи Општинското државно обвинителство во Сплит поднело жалба.Да потсетиме, хрватската полиција минатиот четврток на Хвар спречила планиран напад врз двајца сезонски работници, државјани на Србија, и уапсила 14 хрватски државјани за кои постои сомнение дека се договориле да извршат кривично дело. Станува збор за припадници на навивачката група Торцида.Полициска патрола од Полициската станица Хвар во близина на еден хотел забележала две возила во кои се наоѓале вкупно 14 лица. Откако мажите излегле од возилата, полицајците го утврдиле нивниот идентитет и извршиле преглед на возилата.При контролата, полицијата пронашла предмети погодни за напад и нанесување повреди, како и средства за прикривање на идентитетот, пренесува Index.hr.
Свет | пред 9 часа