Пациент од Охрид итно пренесен во Германија, чека донор за трансплантација на срце

Пациентот Д. Н. од Охрид, кој се соочува со тешка срцева болест, по влошување на здравствената состојба итно е транспортиран со владин авион во Универзитетскиот клинички центар во Берлин, Германија.

— реклама —

Од Владата информираат дека пациентот подолг период се лекувал на Клиниката за кардиохирургија и бил квалификуван за трансплантација на срце. Поради потребата од итен третман и немањето соодветен донор во земјава, била поведена постапка за негово лекување во странство.

— реклама —

— реклама —

Транспортот е реализиран преку Фондот за здравствено осигурување, со поддршка од Министерството за здравство.

Германскиот медицински центар го прифатил пациентот за стабилизација и подготовка за оперативен зафат. Во Берлин сега се очекува да се појави соодветен донор за да може да биде извршена трансплантацијата на срце.