„Падна“ делчевец: дрога, таблети и муниција пронајдени при претрес

Полициски службеници лишија од слобода 48-годишен жител на Делчево, откако при претрес во неговиот дом биле пронајдени дрога, таблети и ловечка муниција.

— реклама —

Акцијата е спроведена на 10 април во 19:30 часот од страна на ОВР Делчево, во координација со Регионалниот центар за гранични работи Исток. При претресот, извршен со судска наредба, биле пронајдени повеќе пакувања со бела грутчеста материја, марихуана, кафеава материја, 34 таблети, како и ловечки патрони.

— реклама —

— реклама —

Дополнително, во дворот и на мотокултиватор со приколка било откриено нежигосано огревно дрво, кое заедно со возилото е одземено од Шумската полиција за понатамошна постапка.

Осомничениот е задржан во полициска станица, а по целосно документирање на случајот против него ќе биде поднесена кривична пријава по брза постапка.