Пајак „црна вдовица“ каснал жена додека работела на нива

Шеесет и едногодишна жена од Велес била касната од пајак „црна вдовица“ додека работела на нива во велешкото село Еловец.

— реклама —

По каснувањето почувствувала силна болка во раката и грбот, вртоглавица и грчеви низ целото тело, по што била пренесена во Ургентниот центар во Велес.

— реклама —

Лекарите веднаш ѝ укажале медицинска помош, а по консултација со Клиниката за токсикологија во Скопје, нејзината состојба била стабилизирана. По извршените прегледи, таа била пуштена на домашно лекување.

— реклама —

Пајакот бил донесен во болницата, каде што било потврдено дека станува збор за „црна вдовица“.

Од Општата болница во Велес велат дека не паметат ваков случај во последните четири децении. Посочуваат дека „црната вдовица“ живее во карпестите предели на Велешко, а нејзиниот отров е силен невротоксин кој може да предизвика силни болки, мускулни грчеви, потење и мачнина.