Во зградата на парламентот на БиХ по пошта пристигнал коверт во кој имало куршум. Коверот, според првите информации, дошол од Белград, а куршумот бил спакуван во хартија. Пратката била примена на портирница во Заедничката служба на институциите во БиХ.
Во ковертот имало и порака: „Со верба во Бога на живот или смрт“, а внатре имало и фотографија од мртовечка глава.
Како адреса на примач бил наведен Парламентот на БиХ, но не било назначено за кој е наменето писмото.
Полициските службеници веќе работат на расветлување на случајот. Како што пишуваат медиумите, станува збор за куршум калибар 765.
