„Паркови и зеленило“ со засилени активности за уредување на зелените површини во Охрид

Екипите на „Паркови и зеленило“ при ЈП „Охридски комуналец“ и во изминатата седмица спроведувале повеќе активности за одржување и уредување на јавните зелени површини во Охрид.

— реклама —

Од претпријатието информираат дека било извршено тековно одржување на хортикултурните содржини во паркот „Мазија“.

— реклама —

Воедно, била уредувана неуредна вегетација покрај пешачката патека кај каналот „Студенчишта“, како и долж крајбрежниот појас во населбата Лагадин.

— реклама —

Во дневните активности доминирале и работите за косење тревни површини во централното градско подрачје, во селото Рача, покрај патниот правец кон селото Рамне и во населбата „Гоце Делчев“ – Бараки.

— реклама —

Косење било извршено и кај детското игралиште на „Булевар Туристичка“, како и на улиците „Мирка Гинова“, „Ариф Мустафа“, „15-ти Корпус“ и „Прва Македонска ударна бригада“.