Парковите и зеленилото во Охрид подготвени за пролетта

ЈП „Охридски комуналец“ продолжува со редовни и вонредни активности за одржување на парковите и зеленилото пред официјалниот почеток на пролетта. Во тек е подготовка за засадување на летната цветна реколта во расадникот, а поволните временски услови се искористени за кроење на дрворедот по улицата „7-ми Ноември“ и косење на зелениот појас.

— реклама —

На „Булевар Туристичка“ е извршено тековно одржување на украсните форми во бетонските жардињери и косење на тревниот дел. Во зелениот дел кај Холандскиот Парк се спроведува адаптивно одржување и се нанесува плодна земја за унапредување на квалитетот на зеленилото.

— реклама —

— реклама —

Со овие активности, ЈП „Охридски комуналец“ ги подготвува јавните површини за пролетната сезона, обезбедувајќи уреден и зелен град за граѓаните и посетителите.

— реклама —