Пецаков: Да го чуваме споменот на хероите кои се жртвуваа за слободна Македонија

Со свечен настан во Културниот дом во Лескоец беше одбележана 85-годишнината од Денот на народното востание – 11 Октомври, под мотото „Од востание до независност – 85 години борба, 35 години независност“.

— реклама —

Градоначалникот на Охрид, Кирил Пецаков, истакна дека 11 Октомври е денот кога македонскиот народ ја избрал храброста и ја претворил надежта за слобода во одлучна борба, оставајќи траен белег во историјата.

— реклама —

— реклама —

Тој нагласи дека Охрид и Дебрца имаат значајно место во народноослободителната борба и дека обврска на денешните генерации е да го зачуваат споменот на хероите кои ги положиле животите за слободна Македонија и нивното дело да им го пренесуваат на младите.

Според Пецаков, слободата не е само право, туку и обврска секојдневно да се гради општество во кое се почитува човекот и во кое младите ќе ја гледаат својата иднина.

Тој упати благодарност до сите учесници кои со своите настапи придонесоа за достоинствено одбележување на овој значаен историски датум, честитајќи го празникот 11 Октомври – Денот на народното востание.