Пецаков: Охрид и Дебрца имаат важна страница во народноослободителната борба

Со пригодна свеченост во Културниот дом во Лескоец беше одбележана 85-годишнината од 11 Октомври – Денот на народното востание, под мотото „Од востание до независност – 85 години борба, 35 години независност“.

— реклама —

Градоначалникот на Охрид, Кирил Пецаков, потсети дека на 11 октомври 1941 година македонскиот народ ја започнал борбата за слобода, нагласувајќи дека овој историски датум оставил траен белег во националната историја.

— реклама —

— реклама —

Тој посочи дека Охрид и Дебрца имаат значајно место во народноослободителната борба и дека обврска на денешните генерации е да го зачуваат споменот на загинатите херои и нивното дело да го пренесат на младите.

— реклама —

Пецаков упати благодарност до учесниците во програмата, кои придонеле за достоинствено одбележување на празникот, и порача дека слободата носи и одговорност за создавање општество во кое се почитуваат човековите вредности и се обезбедува перспектива за младите.