Новоизбраниот претседател на Македонија Стево Пендаровски порача дека се надева на состанок со српскиот претседател Александар Вучиќ веднаш по преземањето на функцијата.
Тој за весникот „Политика“ изјави дека смета оти македонската позиција во однос на Косово „не ги оптоварува билатералните односи меѓу двете земји и дека тие „по кратката криза се многу добри“.
„Ние ја признавме независноста на Косово, а таа одлука ја донесовме согласно нашите стратегиски ориентации, имајќи го ставот на албанската заедница која е втора по бројност во нашата држава“, изјави Пендаровски.
Тој додава дека Србија е една од најзначајните држави во регионот и оти ќе стори се соработката меѓу двете земји да се развива во позитивен правец.
