Пендаровски повеќе не е национален координатор за НАТО

Стево Пендаровски повеќе не е национален координатор за подготовка на Република Македонија за членство во НАТО, соопшти Владата.

— реклама —

— реклама —

На денешната седница Владата утврди дека на Пендаровски му престанува функцијата поради изборот за претседател на Република Македонија. Согласно член 83 од Уставот должноста претседател на Републиката е неспојлива со вршење на друга јавна функција, професија или функција во политичка партија.

— реклама —

— реклама —

На седницата е усвоена информацијата дека до целосно полноправно членство на нашата земја во НАТО, обврските на Националниот координатор за подготовките на Република Македонија за членство во НАТО ги презема Дане Талески, советник за надворешна политика на Претседателот на Владата на РМ Зоран Заев.