Пешаци што претрчувале на автопат во Хрватска најверојатно биле мигранти, двајца загинаа

Синоќа околу 21.45 часот, на автопатот А3 Брегана–Загреб–Липовац, во близина на Новска, се случи тешка сообраќајна несреќа во која загинаа две лица, а уште две се здобија со тешки повреди. Според информациите, идентитетот на сите инволвирани сè уште се утврдува, а постои сомневање дека станува збор за мигранти.

— реклама —

Несреќата се случила на јужната коловозна лента на автопатот, кај местото Рајиќ, кога три машки и едно женско лице, во својство на пешаци, претрчувале преку коловозот. Во нив удриле два автомобили, соопшти полицијата.

— реклама —

На местото на настанот починале двајца од пешаците, додека еден маж и една жена се пренесени во Општата болница во Нова Градишка, каде што им биле констатирани тешки телесни повреди. Еден сопатник од едно од возилата се здобил со полесни повреди.

— реклама —

По наредба на надлежните органи, телата на загинатите се пренесени во Општата болница во Сисак, каде ќе биде извршена обдукција.

— реклама —

Увидот на местото на несреќата го водела заменичка на жупанискиот државен обвинител во Жупаниското државно обвинителство во Сисак, во соработка со полициски службеници од Полициската управа Сисачко-мославачка.