На 18.11.2019 во 16.40 часот на регионалниот пат Прилеп - Крушево, патничко моторно возило „фолксваген венто“, со прилепски регистарски ознаки, управувано од Р.У.(71) од с.Славеј, прилепско, удрило во велосипед управуван од А.Р.(71) од с.Славеј. Во незгодата, велосипедистот се здобил со тешки телесни повреди, по што бил пренесен во Градската општа болница Прилеп за укажување на лекарска помош. Извршен бил увид на местото на незгодата од екипа на Полициската станица Прилеп.
На 18.11.2019 во 08.05 часот на пешачки премин на ул.„Васил Главинов“ во Штип, патничко моторно возило „опел кадет’’, со штипски регистарски ознаки, управувано од З.Е.(55) од Штип, удрило во пешакот Е.К.(43) од Штип. Во незгодата, Е.К. се здобила со тешки телесни повреди и била пренесена во Клиничката болница во Штип за укажување лекарска помош. За настанот бил известен Јавен обвинител, а увид на местото извршила екипа од СВР Штип.
фото: Архива
