Пешак со тешки повреди по сообраќајна несреќа во Струмица

Шеесет и четиригодишна жена се здобила со тешки телесни повреди откако во неа удрил автомобил на булеварот „Гоце Делчев“ во Струмица, информира Министерството за внатрешни работи.

— реклама —

Според информациите од МВР, несреќата се случила на 3 јули околу 12:00 часот, кога патничко возило „шкода“ со струмички регистарски ознаки, управувано од Н.Х. (67) од Струмица, удрило во пешакот Л.Ц. (64), исто така од Струмица.

— реклама —

— реклама —

Во несреќата жената се здобила со тешки телесни повреди, кои биле констатирани во Медицинскиот центар во Струмица.

— реклама —

Увид на местото на несреќата извршила екипа од Полициската станица Струмица.