Тешка сообраќајна несреќа со смртни последици се случила ноќеска на влезот во струмичкото село Секирник.
Според МВР, околу 1:30 часот во СВР Струмица било пријавено дека патничко возило „ренџ ровер“, со струмички регистарски ознаки, управувано од 39-годишниот М.И. од Ново Село, удрило во 47-годишниот Ѓ.К. од Секирник.
Пешакот од здобиените повреди починал на местото на несреќата, а смртта ја констатирал лекар од Итната медицинска помош од Струмица.
Возачот на возилото бил лишен од слобода и задржан во СВР Струмица. На местото на несреќата бил извршен увид од јавен обвинител и увидна екипа на СВР Струмица.
