Најмногу потписи досега има собрано Максим Димитриевски, а најмалку Господин Попоски од Вевчани. Борбата за влез во претседателската трка ја продолжува и Вело Марковски кој има 1330 потписи, Ѓоѓи Манасков кој има 338 и Зорица Цветковска од „Десна“ која има 176 потписи. Собирањето ќе трае до 8 март.
Засега сигурни во трката со завршена „домашна задача“ се Димитриевски, Бујар Османи, Билјана Ванковска, Арбен Таравари, Стевчо Јакимовски.
Од утре, потписи ќе собира и Гордана Силјановска-Давкова, претендент за претседателската трка од ВМРО-ДПМНЕ. Најава има и за Стево Пендаровски, кој исто сака да собира 10.000 потписи, за да биде кандидат од СДСМ.
