Пет кражби на тутун и земјоделска механизација расчистени во Радовишко, приведени две лица

Во Радовишко се расчистени пет кражби, при што две лица се лишени од слобода, а уште едно е повикано на службен разговор.

— реклама —

На 24 септември во 14 часот во село Конче, полициски службеници од СВР Струмица – ОВР Радовиш го лишиле од слобода Б.У. (20) од селото. Тој се сомничи дека во текот на 2024 и 2025 година, заедно со Д.А. (20), исто така од Конче, извршиле четири кражби на тутун од сушари во сопственост на жители на Конче и Тополница.

— реклама —

Д.А. бил повикан во Полициската станица Радовиш, каде што двајцата во службен разговор ги признале делата.

Истиот ден, во 18:30 часот, во полициската станица бил повикан и Е.А. (40) од село Сопурге. Тој се сомничи за кражба на приклучна земјоделска механизација, сопственост на Е.О. (44) од село Конче, која била пријавена на 18 август годинава.

— реклама —

Во службениот разговор Е.А. признал дека ја извршил кражбата и дека одземените предмети ги продал во откупен пункт за старо железо.

За случаите е известен јавен обвинител, а по целосното документирање на настаните ќе следуваат соодветни кривични пријави.