Пет лица се повредени во сообраќајна несреќа што вчера попладне се случила на патот Битола–Прилеп, кај местото „Петилеп“, соопшти Министерството за внатрешни работи. Повредени се тројца српски и двајца македонски државјани.
Во несреќата учествувале автомобил „БМВ“ со српски регистарски ознаки, управуван од 46-годишен маж од Белград, и автомобил „Опел“ со битолски регистарски ознаки, управуван од 48-годишен жител на селото Свето Тодори, Општина Могила.
Во судирот тешки телесни повреди добиле возачот на „БМВ“ и неговите сопатници, 46-годишна жена и 15-годишно момче, сите од Белград. Повредите биле констатирани во Клиничката болница во Битола.
Повредени се и возачот на „Опел“ и неговиот 31-годишен сопатник од Битола.
За несреќата бил известен јавен обвинител, а увид на местото извршила увидна екипа од СВР Битола.
