Пет лица се лишени од слобода откако мобилниот тим „Task Force“ при Регионалниот центар за гранични работи Исток пронашол и одзел марихуана при контрола на возило на регионалниот пат Струмица-Берово.
Од МВР информираат дека на 20 септември 2026 година околу 22:20 часот, на местото викано Суви Лаки, бил запрен патнички автомобил „дачија дастер“ со скопски регистарски таблички.
Во возилото се превезувале Г.П.(32) од село Пожаране, општина Врапчиште, С.З.(37) од село Муртино, Н.С.(31) од село Воиславци, радовишко, Б.А.(25) од Радовиш и В.С.(22) од село Злеово, радовишко.
При извршената контрола била пронајдена и одземена марихуана.
Петтемина се задржани во полициска станица, а по целосното документирање на случајот, од Регионалниот центар за гранични работи Исток најавуваат дека ќе поднесат соодветна пријава.
