Пет пријави за физички напади во Битола, Прилеп и Македонски Брод

Пет случаи на физички напади биле пријавени во полицијата во текот на 1 и 2 ноември, во Битола, Прилеп и Македонски Брод.

— реклама —

Во Битола, 39-годишен маж пријавил дека бил нападнат од гостин во угостителски објект на улицата „Лавчански пат“, при што се здобил со тешка телесна повреда. Исто така, 41-годишна битолчанка пријавила дека нејзиниот малолетен син бил нападнат на Градското шеталиште, а 36-годишна жена пријавила дека сопругот физички ја нападнал во семејниот дом.

— реклама —

Во Прилеп, полицијата го лишила од слобода 36-годишниот М.Ѓ., по пријава дека физички ја нападнал својата поранешна партнерка.

— реклама —

Физички напад бил пријавен и во Македонски Брод. 48-годишен жител на градот пријавил дека во селото Растеш бил нападнат од друго лице, кое употребило и дрвен предмет, при што му нанело повреди.

— реклама —

Од Министерството за внатрешни работи информираат дека се преземаат мерки за расчистување на случаите. По целосно документирање на дел од настаните ќе следуваат соодветни поднесоци.